يعطي الأستاذ ريبال تطبيقات أخرى أكثر تعقيداً و تشويق على مقام الحجاز في الغناء العربي.
ريبال خضري:
"مرحبا، أنا ريبال من إعزف دوت كوم.
درسنا اليوم راح يكون أكتر تشويق، أكتر تعقيد، راح نحكي أكتر على مقام الحجاز، أنا كيف ممكن إني أنا أنوع على هادا المقام، راح ناخد مقطع صغير، بيجوز بعضكم يحسه قريب لأغنية الحلوه دي، تمام، طبعاً باي ذا واي أغنية الحلوه دي هي من أغاني مقام الحجاز (يقرأ الأستاذ ريبال التمرين قراءة ايقاعية).
نحنا عم بنقول (يقرأ الأستاذ ريبال التمرين قراءة ايقاعية)، حنقول أول بارت من هادا التمرين هو كإن بدايتها، بعدين حنعمل تعديل عليه، منها بنكون مرنا الإدن، مرنا الصوت، مرنا الإنتقالات، و مرنا عقلنا على كيف ممكن نستوعب ألحان بتشبه بعضها أحياناً و نقدر نكون كتير دقيقين فيها، التمرين هو (يقرأ الأستاذ ريبال التمرين قراءة ايقاعية)، حعيده مره كمان (يقرأ الأستاذ ريبال التمرين قراءة ايقاعية).
تمام، هلأ بدي أركز كتير إن أنا لما عم بطلع بتكون النوتات كتير نظيفه، مشان هيك ضروري إني أعيده مرتين تلاته أتأكد إن أنا حفظت كل نوته كيف عم بتتحرك (يقرأ الأستاذ ريبال التمرين قراءة ايقاعية)، كمان مره (يقرأ الأستاذ ريبال التمرين قراءة ايقاعية)، هلأ حاخدها على (يقرأ الأستاذ ريبال التمرين قراءة ايقاعية).
دائماً محافظ على البوزيسيون لقدام (يقرأ الأستاذ ريبال التمرين قراءة ايقاعية)، هاي بالنسبه لشخص صوته تانر أو سوبرانو، بالنسبه للصبيه اللي صوتها ألتوم أو بالنسبه للشب اللي صوته باس (يعزف الأستاذ ريبال التمرين)، حنبلش من اللا (يقرأ الأستاذ ريبال التمرين قراءة ايقاعية).
بحاول إن صوتي يكون لقدام قد ما بقدر (يقرأ الأستاذ ريبال التمرين قراءة ايقاعية)، عنا مطلق الحريه بإن أنا أحط نفس بين كل جمله و جمله، و بين إني أنا آخد كل جملتين، و بين إني إتركه طول الوقت، نفس كل جمله و جمله متل هيك (يقرأ الأستاذ ريبال التمرين قراءة ايقاعية)، نفس كل جملتين هو (يقرأ الأستاذ ريبال التمرين قراءة ايقاعية)، نفس كلياتها (يقرأ الأستاذ ريبال التمرين قراءة ايقاعية).
طبعاً أكيد مش بسهوله أنا راح إقدر أقولها كلياتها بنفس واحد، ففيني بالبدايات دائماً كل جمله صغيره نفس، بعدين كل جملتين نفس، بعدين ممكن كل تلاته نفس الأخيره نفس لحالها، بعدين ممكن كلياتها إقدر عليها بنفس واحد.
هاي بالنسبه لتمرين اليوم على مقام الحجاز، باي"