الدروس
01:51:94 ساعة
20 الدروس
الغناء
تراث دمشقي على الحجاز
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

تطبيقات أخرى على مقام الحجاز في الغناء.


(يقرأ الأستاذ ريبال التمرين قراءة ايقاعية)، مرحبا، أنا ريبال من إعزف دوت كوم.


أكيد عرفتوا إن نحنا هلأ عم بنشتغل على مقام الحجاز من أول و جديد، الأغنيه اللي ابتدينا فيها من أغاني التراث الدمشقي من مقام الحجاز، نحنا أنا غنيتها من حجاز الصول، حجاز على درجة النوا، هلأ لو بدنا نراجع شوي بالتراث العربي، حنلاقي إن تقريباً أكتر البلدان لازم البلدان العربيه فيها أغاني من الأغاني التراثيه البسيطه ياللي أو الشعبيه اللي بترجع لمقام الحجاز، يعني مثلاً لو نحنا بدنا نحكي عن بلاد الشام مثال، حنقول عنا هالأسمر اللون، حنلاقي عنا (يقرأ الأستاذ ريبال التمرين قراءة ايقاعية).


حنلاقي هالأسمر اللون، حنلاقي (يقرأ الأستاذ ريبال التمرين قراءة ايقاعية)، حنلاقي عنا (يقرأ الأستاذ ريبال التمرين قراءة ايقاعية)، دائماً مقام الحجاز من أكتر المقامات ياللي يستعمل بالغناء الشعبي القديم نظراً لإن هو مقام فيه حكينا سابقاً صبغه إسلاميه، فيه صبغه حزينه مترافقه مع يمكن مع الأزمات اللي عاشتها المنطقه العربيه من أكتر من أربعمية أو خمسمية سنه، حتى بمصر راح نلاقي الحلوه دي (يقرأ الأستاذ ريبال التمرين قراءة ايقاعية).


عم بنحكي على أغاني شعبيه منتشره بالعالم العربي، حنيجي هلأ اناقش شو ممكن يكون عنا مقامات متفرعه من مقام الحجاز، أنا راح أقلقن اياها بطريقه كتير أسهل، نحنا حكينا إن المقام الفرعي إما إن هو يكون عندي تصوير للمقام، هو حجاز راي حيصير حجاز دو حيصير حجاز لا و غيره ممكن يتغير تسميته، أو إن يتغير الفرع أو الجزء الجنس التاني من هادا المقام، مثال على هيك إن مثلاً نحنا عنا حجاز الراي (يقرأ الأستاذ ريبال التمرين قراءة ايقاعية).


نقول راي (يقرأ الأستاذ ريبال التمرين قراءة ايقاعية)، نحنا عم بنحكي هلأ على حجاز طبيعي، جنس حجاز تحت، جنس نهاوند على الصول، هلأ لو إجيت بدي آخد مثلاً إشي مصور أو مقام مصور عليه بيتغير تسميته هو مقام، يعني ما فينا نقول بيتغير نفسه، حنلاقي الحجاز كار اللي هو نفسه الحجاز، و لكن هادا الحجاز أنا بقوله من الدو و شو بعمل إضافةً إلى ذلك، إني أنا بحول الجنس الآخر الجنس التاني الأعلى اللي هو صول لا سي بي مول دو راي، بخلي الدو تصير دو شارب أو دو دييز لحتى تعطيني جنس بنسميه جنس نوا أثر، تمام، بيصير عندي مقامين، بيصير عندي جنسين جنس، إذا إحنا بنحكي عالدو جنس حجاز دو (يقرأ الأستاذ ريبال التمرين قراءة ايقاعية).


هلأ بده يصير عندي جنس نوا أثر من الفا (يقرأ الأستاذ ريبال التمرين قراءة ايقاعية)، هلأ في نظريتين لهادا المقام، في نظريه بتقول إن أنا مقام النوا أثر، عفواً مقام الحجاز هو عباره عن جنس حجاز على الدو مع جنس نوا أثر على الفا، ياللي هو (يقرأ الأستاذ ريبال التمرين قراءة ايقاعية).


اللي هو من المقامات الفرعيه المعدله عن النهاوند بنحكي عنها لاحقاً بدورات سابقه بدورات لاحقه، بالإضافه لهيك في نظريه تانيه بتقول إن لأ، أنا عندي حجازين متقابلين، حجاز دو مع حجاز صول، يعني (يقرأ الأستاذ ريبال التمرين قراءة ايقاعية)، هادا هو الحجاز، الحجاز التاني (يقرأ الأستاذ ريبال التمرين قراءة ايقاعية).


لاحظوا إني أنا تحت كان عندي نص بعد، بعد و نص، نص، و فوق بعدين عندي بعد فاصل كان بين الفا و الصول، بعدين كان عندي من الصول للدو كمان نص بعد، بعد و نص، نص بعد، باي."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!