ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
10 - الصوت المستعار

يعرف الفنان ريبال الخضري الصوت المستعار و استخداماته مع النصائح المرتبطة بهذه الطريقة للغناء للجنسين.



ريبال خضري:


"مرحبا، أنا ريبال من إعزف دوت كوم.


الدرس اليوم راح يكون شوي مختلف عن باقي الدروس، نحنا اليوم مش راح نتعرض لمقامات، نحنا اليوم حنتعرض لشي نحنا حكينا عنه سابقاً بدنا نفسره أكتر شوي، في البعض بيسألني أو مش البعض صراحةً كتير ناس بتسألني إن شو هو الفيك فويس شو هو الصوت المستعار.


أنا حكيت سابقاً عن الصوت المستعار أنا بيكون عندي صوت مختلف كلياً، أنا الحبال الصوتيه بتكون بالصوت الطبيعي هي عم بتدق ببعضها كاملةً و الصوت المستعار بيكون قسم هو اللي عم بيدق مش مش القسم الأساسي، في معلومه أساسيه بحكيها عن الصوت المستعار و هاي بتهم كل شخص بيغني بالكواير تحديداً بالنسبه للصبايا، الحنجره الحبلين الصوتيين في عليهم عباره عن مواد أو خلينا نسميها خليات صبغيه بتصبغ هادا الصوت بطابع معين، مشان هيك أنا صوتي بيفرق عن صوت إبراهيم بيفرق عن صوت محمد بيفرق عن صوت علا، بيقرف عن صوت كل بني آدم، هاي الصبغيات بيكون عباره عن مساحه حجم قدره غير عن إن هندسة الحنجره بحد زاتها تختلف من شخص لآخر، هلأ هاي الأشياء أو هاي الخلايا الكتير صغيره عادةً تتوضّع على الطرف الخير من الصوتن، إذا أنا سبعه فبالقاعدتين هون أكترهم بيكونوا موجودين، مشان هيك لما أنا بس الحنجره بتغني بشكلها الطبيعي بتكون عم بتصفق كلياتها بالكامل، فبالتالي بيكون الصوت واضحه صبغته أو واضح البصمه تبع هادا الصوت، هلأ بالفيك فويس الحنجره ما بتصفق بالكامل، بتصفق فقط بقسمها الأمامي، بقسمها الأولاني، مشان هيك لما بدنا نغني كواير بنطلب من الكل يغني فيك فويس سواءً شباب أو بنات بالأكتريه، بس طبعاً الفيك فويس بالنسبه للشباب اللي هو مختلف شوي، للبنات بيكون بالنسبه إلهن (يقرأ الأستاذ ريبال التمرين قراءة ايقاعية)، مش (يقرأ الأستاذ ريبال التمرين قراءة ايقاعية).


ما عم بخليها إن تغني بكامل صوتها الطبيعي، ليه لأ، لإني أنا بدي الصوت يكون موحد، بهاي المنطقه ما في خلايا صبغيه ما في يعني ما في بصمه للصوت، بينما لما بتغني بكامل الصوت بكامل الحبلين بيكون الصوت إله صبغته الحقيقيه، فبالتالي بالكواير أنا بكون طالب إني إسمع صوت واحد بالكل، أسلوب واحد بالغنا، فبحاول إني أحول الصوت إن يكون فيك فويس، هلأ في نقطه مهمه تحديداً عند الشباب بتهمهم أعتقد، اللي هي أنا كيف بدي أوصل صوتي الطبيعي بصوتي المستعار، كيف يعني (يعزف الأستاذ ريبال التمرين)، حنقول (يقرأ الأستاذ ريبال التمرين قراءة ايقاعية).


لحديت الآن أنا صوتي الطبيعي عم بيطلع عم بنطلع البوزيسيون لفوق (يقرأ الأستاذ ريبال التمرين قراءة ايقاعية)، نقلت للفيك (يقرأ الأستاذ ريبال التمرين قراءة ايقاعية)، أنا قادر إني أنا أخلص طبق تعلى أكتر عن طريق الفيك فويس، هلأ عادةً بالعالم العربي مش كتير محبذ إني أنا أشتغل خاصةً كشب بالفيك فويس فوق، إلا بحاله وحده إني أنا أكون قادر أوصلهم بشكل كتير يكونوا قراب لبعض، من الناس القلال اللي بيقدروا يعملوا هالإشي أعتقد بالعالم العربي هن ممكن نحكي عن رامي عيّاش ممكن نحكي عن ماجده الرومي، باقي الأصوات اللي ممكن تسمعوها و هي بتغني بالعالي بتكون يعني في صوت، عم بسمع فيك فويس عم بسمع صوت مستعار و عم بسمع صوت طبيعي و لكن الوصل ما عم بيكون ما عم بيكون صح، عم بسمع صوتين مختلفين عن بعض، هلأ ويتش إز غود يعني مش كتير مشكل إني أنا إسمع هدول الصوتين.


بس أنا لو حبيت إحصل على مساحه واسعه، لازم ألاقي طريقه إني أنا أوصل صوتي، و باي ذا واي هادا الإشي مش الكل بيقدر يعمله و مش الكل ممكن يتقن هاي (يقرأ الأستاذ ريبال التمرين قراءة ايقاعية)، حتى أنا و أنا عم بغنيه بشكل ما كان واضح هادا الفيك فويس، تمام، هلأ شو ممكن شو ممكن الطرق اللي أنا تخليني إني أنا أقوي الصله بين الفيك فويس و الصوت الطبيعي، أنا بدي أنتبه إن أنا صوتي الطبيعي عم بيصدر من الحنجره و ما تحت الحنجره، كل ما عم بطلع الزاويه عم بتطلع عم بتطلع عم بتطلع عم بتطلع ليصل لمرحله أقرب، أقرب صوت للصوت الفيك هو صوت الراس اللي هو (يقرأ الأستاذ ريبال التمرين قراءة ايقاعية)، لاحظتوا هاي النوته، هاي نوته أنا مباشرةً خليتها تطلع (يقرأ الأستاذ ريبال التمرين قراءة ايقاعية).


طلعت بين الفيك و بين العادي، فإذاً هاي النوتات العاليه لما أنا بقولها من راسي، بتكون كتير قريبه لصوتي الفيك، تمام، فممكن إني أنا أقويها كيف، بإني أنا أشتغل علطبقات العليا و أحاول أخلي هاي الطبقات فقط من صوت الراس من صوت العين (يقرأ الأستاذ ريبال التمرين قراءة ايقاعية)، مش (يقرأ الأستاذ ريبال التمرين قراءة ايقاعية)، لأ (يقرأ الأستاذ ريبال التمرين قراءة ايقاعية)، إلى حدٍّ ما قدرت إني أنا أوصلهم بشكل أقرب، ممكن (يقرأ الأستاذ ريبال التمرين قراءة ايقاعية)، أحاول خلي حتى الفيك فويس ياخد نفس تشنج العضلات اللي أنا عم إستغله لما أنا عم بغني بصوتي الطبيعي. 


شكراً."


فيديوهات دروس الدورة - تعلم الغناء العربي 3
1 عرب صوتية على حرف آه Opened 04:34
2 عرب بسيطة و مراجعة تعريف العرب Opened 05:24
3 مقام الكرد Opened 05:31
4 تطبيق على مقام الكرد Opened 04:24
5 تعلم غناء موشح يمر عجبا Opened 07:54
6 متابعة غناء مقام الكرد Opened 07:21
7 تعلم غناء أغنية إنت عمري Opened 07:44
8 تعلم غناء أغنية مشغول عليك مشغول Opened 03:53
9 فروع مقام الكرد Opened 08:08
10 الصوت المستعار Opened 05:10
11 تطبيقات على الصوت المستعار Opened 05:14
12 الأحرف الأنفية ميم و نون Opened 05:30
13 تعلم غناء مقام الحجاز Opened 05:01
14 تطبيقات أخرى على مقام الحجاز Opened 04:18
15 موشح لسّيد درويش على حجاز ري Opened 06:51
16 التنويع بمقام الحجاز Opened 04:28
17 تعلم أغنية بحلم بيك Opened 05:56
18 تراث دمشقي على الحجاز Opened 05:39
19 تعلم مقام الشهناز في الغناء العربي Opened 04:18
20 الطريقة السليمة لتعلم غناء الأغاني Opened 08:36