ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
تعلم أغنية بحلم بيك

بعد التكلم عن جنس الحجاز و مقام الحجاز يعطي الأستاذ ريبال أغنية "بحلم بيك" لعبد الحليك حافظ.


ريبال خضري:


"مرحبا، أنا ريبال من إعزف دوت كوم.


إن أنا بدي إحكي عن نتعرف على مقام الحجاز أكتر، بدي أشوف قدامي كيف أجناس مقام الحجاز، حتلاقوا إن الموضوع هاد كتير سهل علينا لإن مشابه لمقام الكرد، بس اللي فرق عندي إن أنا صار عندي مقام الحجاز أنا عم بحكي على راي، مي بي مول، فا دييز، صول، أو دي، إي فلات، إف شارب، مع الجي، هادا بالنسبه لجنس الحجاز، هو الجنس الأعلى بيضل متل ما هو اللي هو جنس نهاوند الصول، صول لا سي بي مول دو، أو جي إي بي فلات سي، نحنا عم بنحكي على جنسين متصلين متل لما كنا عم بنحكي بمقام الكرد (يعزف الأستاذ ريبال التمرين)، نجرب نشوفهن (يقرأ الأستاذ ريبال التمرين قراءة ايقاعية).


هادا هو جنس الحجاز، حنجرب نطلعه و ننزله (يقرأ الأستاذ ريبال التمرين قراءة ايقاعية)، طبعاً وقت الغنا أنا ما في داعي إكتب فا أقول فا دييز أو مي بي مول، فيني أقولها فا عاديه خلص و مي، بس بغنيها فا دييز بس بلفظها فا مشان ما إلفظ زياده (يقرأ الأستاذ ريبال التمرين قراءة ايقاعية)، لأ (يقرأ الأستاذ ريبال التمرين قراءة ايقاعية)، ليسهل علي، الجزء التاني الأعلى اللي هو التتراكورد الأعلى، تتراكورد النهاوند الصول (يقرأ الأستاذ ريبال التمرين قراءة ايقاعية)، المقام صار (يقرأ الأستاذ ريبال التمرين قراءة ايقاعية) تمام.


طبعاً بالإضافه لتكرار الراي، تمام، هادا بالنسبه لمقام الحجاز كيف عندي عم بيمشي كجنسين متصلين، آخر شي راح نحكي عنه اليوم راح ناخد مثال صغير، أكيد كلكن بتعرفوها أغنية بحلم بيك للعندليب الأسمر لعبد الحليم حافظ (يعزف الأستاذ ريبال التمرين)، حناخد منها بس البدايه و حنحكي بشكل عام شو كيف تقطيعات الأغنيه مقامياً، أول ما بتفوت الأغنيه بتكون على المقام الأساسي اللي هو مقام الحجاز (يقرأ الأستاذ ريبال التمرين قراءة ايقاعية). 


بدي إنتبه لإن أنا طبعاً أخدتها طبقتي طبقة تانر أو سوبرانو، بدي إنتبه إن أنا أول ما ابتديت بلشت حجاز، لما رحت (يقرأ الأستاذ ريبال التمرين قراءة ايقاعية)، تمام، قربت أكتر على جنس النهاوند مع إني ما استقريت عليه، بالآخر رحت على رست الصول (يقرأ الأستاذ ريبال التمرين قراءة ايقاعية)، تمام (يقرأ الأستاذ ريبال التمرين قراءة ايقاعية)، و رجعت دغري للحجاز (يقرأ الأستاذ ريبال التمرين قراءة ايقاعية).


تمام، راح أروح للمقطع اللي ممكن يقوله مغني صوت باس (يقرأ الأستاذ ريبال التمرين قراءة ايقاعية)، هلأ آخر ملاحظه بدي أحكيها إن أنا هلأ لما عم بتدرب على الأغنيه ضروري إني أنا ألفظها صح، ضروري إني أنا أغنيها كإني عم بعمل وظيفه، هلأ لما أنا بدي أغنيها بدي أحاول أنسى كل شي عملته و أفكر بإني بدي أغني بإحساسي الطبيعي، ليش؟ لإن التمرين لازم يكون عم بيأثر علي و أنا عم بغني، مش يعني باللا وعي، بلاقي حالي عم بغني عم بغني صح، عم بفتح تمي عم بياخد صوتي مكانه الطبيعي بدون ما أنا أقعد أفكر فيها و إلتهي بإن أنا أفكر كيف إفتح تمي، و كيف وين بدي أودي صوتي و إنسى كيف أنا بدي أحس بالكلام أكتر، يعني أنا لو بدي أغني بحلم بيك (يقرأ الأستاذ ريبال التمرين قراءة ايقاعية).


حاولت أحسها أكتر، أعطيها عربها أعطيها حقها، ما أفكر بطريقة الغنا، إذا ما أنا كان عم بيفتح تمي بشكله الطبيعي وصل لمرحله إن باللا وعي يفتح، فأنا عملياً ما بكون بستفيد من دروس الغنا، هادا كان كل شي لليوم، هادا درسنا عم بنحكي عن مقام الحجاز، الدرس الأخير عن مقام الحجاز راح اناقش أكتر المقامات الفرعيه، و راح نشوف كيف ممكن نتجه على مقام الحجاز، باي."


فيديوهات دروس الدورة - تعلم الغناء العربي 3
1 عرب صوتية على حرف آه Opened 04:34
2 عرب بسيطة و مراجعة تعريف العرب Opened 05:24
3 مقام الكرد Opened 05:31
4 تطبيق على مقام الكرد Opened 04:24
5 تعلم غناء موشح يمر عجبا Opened 07:54
6 متابعة غناء مقام الكرد Opened 07:21
7 تعلم غناء أغنية إنت عمري Opened 07:44
8 تعلم غناء أغنية مشغول عليك مشغول Opened 03:53
9 فروع مقام الكرد Opened 08:08
10 الصوت المستعار Opened 05:10
11 تطبيقات على الصوت المستعار Opened 05:14
12 الأحرف الأنفية ميم و نون Opened 05:30
13 تعلم غناء مقام الحجاز Opened 05:01
14 تطبيقات أخرى على مقام الحجاز Opened 04:18
15 موشح لسّيد درويش على حجاز ري Opened 06:51
16 التنويع بمقام الحجاز Opened 04:28
17 تعلم أغنية بحلم بيك Opened 05:56
18 تراث دمشقي على الحجاز Opened 05:39
19 تعلم مقام الشهناز في الغناء العربي Opened 04:18
20 الطريقة السليمة لتعلم غناء الأغاني Opened 08:36