في الدرس الأخير يؤكد ريبال الخضري على ضرورة التمرين على المقاطع منفصلة لللأغاني و يعطي التمرينات اللازمة.

ريبال خضري:

"مرحبا، أنا ريبال من إعزف دوت كوم.

اليوم درسنا راح نحكي فيه عن موضوع كتير مهم و بيهم أي مغني، نحنا من قبل حكينا كيف نحنا لازم نحفظ الأغنيه بطريقة إن نحنا نحفظ الميلوديز تاعت الأغنيه، نبلش بأبسط لحن بعدين نروح للحن اللي بعده للحن اللي بعده و هيك، يعني إذا اعطيت مثال إني أنا بدي آخد عاللي جرى، مو كتير لطيف إني أنا أسمع عاللي جرى المقطع الكامل أول كاملاً و إرجع أعيده كاملاً و إرجع أعيده مره تانيه كلياته، لأ، الأفضل إني أنا أبلش بأول شطر صغير (يقرأ الأستاذ ريبال التمرين قراءة ايقاعية).

بس بحفظ هاد، برجع بعيده مره و تنين و تلاته بتأكد إن أنا حفظت صح، بروح عالشطر ياللي بعده (يقرأ الأستاذ ريبال التمرين قراءة ايقاعية)، بهالطريقه أنا بكون حفظت الأغنيه كتير بتفاصيلها، مما أخليت بأي نوته من النوتات أو بدلت نوته من عقلي أو قررت إن أنا أغير بالميلودي، و باللا وعي راح ينوصلوا هاي الميلوديات اللي أنا حفظتها كلياتها ورا بعض، هلأ بعد ما أنا حفظت هادا الميلودي شو الأسلوب الأمثل لإني أو شو التمارين الأفضل لإني أنا أعملها، أول شي راح نغني مقطع من عاللي جرى بعدين راح نحكي عالأساسيات بعد ما أنا حفظت شو لازم أتدرب لحتى أأديها بشكل صح قدام الناس (يعزف الأستاذ ريبال التمرين)، (يقرأ الأستاذ ريبال التمرين قراءة ايقاعية). 

حنحكي هلأ عن المقطع الأول بعاللي جرى، هلأ بعد ما أنا حفظت هاي الأغنيه شو لازم أعمل؟ أول شغله أنا لازم أتدرب على إني أنا ألفظ الحروف للأغنيه بشكل كتير صح، بعدن منها هلأ أنا بدي أفوت بأسلوب الأداء، شو لازم أشتغل؟ أللي أول شغله لازم أعملها إني أنا لازم أنظم نفسي بشكل كتير صح، النفس هو ياللي راح يساعدني على إني أغني بدون ما أتعب، بدون ما أتعب المستمع معي بإن صوتي طول الوقت ممكن يكون عالعالي أو عالواطي، كيف؟ أنا أول شغله لازم أعرف إن أنا مدى التنفس تبعي هو اللي على أساسه بنظم الأغنيه، مش مدى النفس للمغني الأساسي، مثلاً أنا إذا بدي أقول عاللي جرى، حنشوف الكلام قدامنا، حنشوف أنا كيف ممكن أنظم نفسي بطريقه كتير بسيطه (يقرأ الأستاذ ريبال التمرين قراءة ايقاعية).

شايفين الرقم اللي محطوط سبعه بين الكلمات، هادا الرقم يعني أنا بهادا المكان مسموحلي إني آخد نفس (يقرأ الأستاذ ريبال التمرين قراءة ايقاعية)، المثال اللي أخدته أنا كان كتير بسيط و كتير متواضع، بحيث إني أنا أعرف وين أحط نفسي، هلأ لما بعد لو أنا قدرت إني أنا أطور صوتي بشكل أفضل، حيكون عندي شكل تاني من النوت، أنا فيني إني أغني الأغنيه بشكل تاني بتنفس أوسع، يعني (يقرأ الأستاذ ريبال التمرين قراءة ايقاعية).

كتير مهم نلاحظ لما أنا وسعت المدى التنفسي قديش أنا صرت قادر أغني أكتر، قديش صار مريح للمستمع أكتر، و بنفس الوقت اتساع المده النفسيه للشي اللي أنا عم بغنيه بيعكس بيخليني أكون مرتاح أكتر إذا أنا كنت متدرب أكتر، نيجي لموضوع تاني، هلأ أنا مثلاً متل عاللي جرى، أنا وين ممكن أحط عرب؟ هلأ في نقطه كتير غلط شائع للمطربين لما هنن بيغنوا، من هون من أول ما بيفوت من أول الأغنيه أو مثلاً بيسمعني عاللي جرى مباشرةً بيبلش يعطيني عرب، مثلاً (يقرأ الأستاذ ريبال التمرين قراءة ايقاعية)، أنا لسا ما سممعت المستمع اللحن و أعطيته مباشرةً عربتين (يقرأ الأستاذ ريبال التمرين قراءة ايقاعية)، أنا أعطيت عربتين بجمله وحده بالبدايه، طب لأ، أنا بل يفضل دائماً لما أنا بدي أسمع اللحن لأول مره، أول شي بدي أعرفه عليها كيف يسمعها بصوتي، بعدين مشان ما أكرر نفس اللحن و أملله مني بقدر إني ألعب ساعتها عاللحن، يعني مثلاً (يقرأ الأستاذ ريبال التمرين قراءة ايقاعية). 

هلأ من الأشيا اللي بتسهل عليكم لما إنتوا حابين تغنوا أغنيه بنمط عرب معين بمكان معين، إن إنتي لما تكتب هاي الأغنيه و تتدرب عليها تحط إشارة العربه ممكن تنحط بإشاره متل إشارة السولفيج اللي هي بنسميها إشارة الزخرفه، متل الإشاره اللي شايفينها على وحده من الكلمات الموجودين، راح تلاقوا في حركه فوقن منها، هاي الحركه بتعني إن أنا بهاي المنطقه أنا لازم إتذكر إن أنا بدي أعمل عربه.هادا كان كل شي لليوم، بشوفكن بالدرس الجاي، باي."