ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
6 - متابعة غناء مقام الكرد

يتحدث الأستاذ ريبال هنا عن مقام الكرد من المنظور النظري و يحلّل الأجناس الموسيقية المرتبطة به.


ريبال خضري:


"مرحبا، أنا ريبال من إعزف دوت كوم. 


اليوم الدرس راح نكتفي أكتر راح نكفي أكتر بمقام الكرد، أنا متأكد إن أكترنا بيستمتع بمقام الكرد على اعتبار إن هو من المقامات اللي جداً ذائع الصيت و كتير شهيره، قبل ما نكفي و ناخد تمارين صوتيه خلينا نتعرف نظرياً على مقام الكرد كيف بيكون.


يعني نحنا أخدنا بالبدايه بس إن هو شو الأبعاد هو شو النوتات كيف لازم تكون، أي النوتات اللي عليها البي مول أي النوتات اللي عليها دييز، تعوا نشوف أنا جنسياً أو أنا لو بدي أنا أرتجل على هادا المقام بشكل أكتر هادا الإشي بيكون بالدرس القادم الإرتجال بس نحنا لازم نقدر نركز كيف إنتقال الأجناس لازم يكون، بتذكر نحنا بتتذكروا نحنا حكينا عن موضوع إنتقال المقامات بالدرس الماضي، إنتقال الأجناس ضمن المقامات، قلنا إن كل مقام لازم على الأقل يكون في جنسين باللغات الأجنبيه أو بالتصنيف الأجنبي بيسموه تتراكورد، اللي هو معناه عباره عن أربع نوتات متتاليه تلات أبعاد بيناتهن، مو ضروري الأبعاد يعني ون تون، لأ، ممكن يكون ون تون نص تون بس مو إن يكونوا نوتات متتاليه في بيناتها بعد في بيناتها قيمة بعد زمني، ممكن بعد نص أو غيره، هلأ لو اتطلعنا عنا، راح نشوف إن مقام الكرد أساساً أو ضمن التصنيف هو عباره عن جنسين أساسيّين، الجنس الأول هو جنس مبني على الراي و متل ما بنعرف دائماً إذا مقام أساسي فالجنس الأدنى فيه لازم يكون إسمه من إسم المقام الأساسي أو ما راح يكون مقام أساسي بهيك حاله، المقام نحنا عنا الجنس الأدنى هو كرد راي.


راح نلاحظ إن نحنا لو قسناها صوتياً عنا بين الراي و المي بي مول عنا نصف بعد أو بالإنجلش بنسميها السيمي تون، بين المي بي مول و الفا عنا بعد كامل، و بين الفا و الصول عنا بعد كامل، معناتها نحنا طريقة التصنيف هي نصف-بعد-بعد، هلأ هادا الإشي لو لاحظنا بيفرق عن العجم و عن النهاوند، بالعجم نحنا كنا بين كنا نقول طريقة التصنيف للجنس الأساسي للعجم هو بعد-بعد-نصف النص كان فوق، بالنهاوند كان بعد-نصف-بعد النص كان بالنص بالضبط، بالكرد راح يكون النصف تحت، حيكون نصف-بعد-بعد، هاي بالنسبه لجنس الكرد الأساسي ياللي أي مقام أي مقام حيبتدي من الأدنى حيكون عنا هاي الأبعاد نصف-بعد-بعد حيكون بالتالي هو إما كرد أو مشتق من مشتقات مقام الكرد اللي اح نتعرف عليهم بالدرس القادم، هلأ الجنس التالي اللي موجود اللي عادةً يركز عليه هو جنس مقام النهاوند على الصول، حنشوف إن نحنا عنا صول لا سي بي مول و السي... عفواً سي بي مول و الدو، يعني أنا بالإنجلش حيكون عندي جي أي بي فلات و حيكون عندي السي، نفس أبعاد النهاوند اللي هنن بعد-بعد-نصف بعد، هلأ لو انتبهتوا لشغله تصنيف هدول الجنسين ورا بعض هو عباره عن جنسين متصلين، ليه؟ لإن ما في بيناتهن بعد، متل ما كنا بالعجم كنا نقول دو راي مي فا هاي أول جنس، التاني صول لا سي دو، ففي عنا بعد بين الفا و الصول، هلأ هون نحنا ما عنا هادا الإشي نحنا عنا دو راي مي فا صول-صول لا سي دو، فإذاً عندي ما في الجنسين متصلين و الصول علامه مشتركه بين كلا الجنسين، طبعاً برجع بأكد إن نحنا ممكن إن نحنا نعمل جنس نغير نخلي راي مي فا صول لا سي دو راي، نعتبر إن نحنا عم بنتعامل مع كرد تاني على درجة اللا، بس ضمن ما نحنا عم بنحكي على مقام الكرد، الأكتر تداولاً هو نحنا نقول عنا جنسين جنس كرد على الراي و جنس نهاوند على علامة الصول، هلأ حنشتغل بداية سماعي بسيط لطاطيوس بس البدايه تبعه، حنحاول إن نحنا ناخد توناليتيه أكتر بالصوت و نحنا عم بنغني نفتح تمنا أكتر نحاول نخلي الصوت لتحت قد ما بنقدر، اليوم التمرين إن أنا أجرب أقول مقام الكرد أجرب أقول لحن أنا أحفظه شوي شوي، بعد ما أحفظه أجرب إني أنا أخلي صوتي قد ما أقدر عريض لحتى أمرن صوت الحنجره بشكل أكبر، حنقول (يعزف الأستاذ ريبال التمرين).


السماعي هو سماعي طاطيوس أفندي من حناخده من درجة الدو كرد الدو (يقرأ الأستاذ ريبال التمرين قراءة ايقاعية)، راح إرجع أعيده مره تانيه (يقرأ الأستاذ ريبال التمرين قراءة ايقاعية)، إنتبهنا كيف أما ما قلت (يقرأ الأستاذ ريبال التمرين قراءة ايقاعية)، لأ (يقرأ الأستاذ ريبال التمرين قراءة ايقاعية)، مسكتها متل ما هي من تحت لفوق (يقرأ الأستاذ ريبال التمرين قراءة ايقاعية).


تمام، هادا السماعي اللي أنا بدي أشتغل عليه اليوم لحتى أمرن صوتي أكتر، حنجرب ناخده كمان من طبقه أوطى، حنقول من كرد اللا (يقرأ الأستاذ ريبال التمرين قراءة ايقاعية)، طبعاً إنتبهوا لفكرة تنظيم النفس، إن ممكن أنا بحكم إني أنا إلي فتره طويله بدرب صوتي و بغني فيكون نفسي أطول أقدر أقول الجمله كامله، هلأ ممكن إن إنتي إذا شخص مستجد إنك اتقطع النفس أكتر، إن (يقرأ الأستاذ ريبال التمرين قراءة ايقاعية)، ممكن تقول (يقرأ الأستاذ ريبال التمرين قراءة ايقاعية).


بهيك حاله أعطيت راحه أكتر لإني أنا أغنيها بشكل صح، لما نفسي راح يقدر يقولها بالكامل الجمله طويله ما راح يكون عندي أي مشكل بإني أقولك تقولها من أول للآخر بدون أي نفس.


هادا كان بالنسبه لدرسنا لليوم، شكراً إلكن."


فيديوهات دروس الدورة - تعلم الغناء العربي 3
1 عرب صوتية على حرف آه Opened 04:34
2 عرب بسيطة و مراجعة تعريف العرب Opened 05:24
3 مقام الكرد Opened 05:31
4 تطبيق على مقام الكرد Opened 04:24
5 تعلم غناء موشح يمر عجبا Opened 07:54
6 متابعة غناء مقام الكرد Opened 07:21
7 تعلم غناء أغنية إنت عمري Opened 07:44
8 تعلم غناء أغنية مشغول عليك مشغول Opened 03:53
9 فروع مقام الكرد Opened 08:08
10 الصوت المستعار Opened 05:10
11 تطبيقات على الصوت المستعار Opened 05:14
12 الأحرف الأنفية ميم و نون Opened 05:30
13 تعلم غناء مقام الحجاز Opened 05:01
14 تطبيقات أخرى على مقام الحجاز Opened 04:18
15 موشح لسّيد درويش على حجاز ري Opened 06:51
16 التنويع بمقام الحجاز Opened 04:28
17 تعلم أغنية بحلم بيك Opened 05:56
18 تراث دمشقي على الحجاز Opened 05:39
19 تعلم مقام الشهناز في الغناء العربي Opened 04:18
20 الطريقة السليمة لتعلم غناء الأغاني Opened 08:36