ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
تعلم غناء موشح يمر عجبا

يشرح ريبال هنا مقاطع الموشح و نصائح الغناء السليم لهذا الموشح الذي يعتبر من الموشحات الصعبة نسبياً.


ريبال خضري:


"مرحبا، أنا ريبال من إعزف دوت كوم.


هلأ راح نروح لموشح راح نشتغل عليه اليوم، حنقول موشح يمر عجباً، يمر عجباً هو من الموشحات ياللي كتير صعبه، بس أنا متأكد إن بعد المرحله ياللي نحنا اشتغلناها بالكورس الأول و التاني حيكون يمر عجباً أسهل شوي، راح أقول (يعزف الأستاذ ريبال التمرين).


بس أنا راح أوطى الطبقه شوي صغيره مشان الناس اللي يعني راح آخد طبقه مناسبه إلى كصوت تانر، ممكن الأشخاص ياللي صوتهن أوطى شوي ممكن بآخر الدرس إني أنا أرجع أعزفها بشكل آخر ياللي هو الشكل الخاص بصوت الباريتون (يقرأ الأستاذ ريبال التمرين قراءة ايقاعية).


هلأ الموشح أنا قلته من طبقه مناسبه إلي، بدي أنتبه بدي أعطي أكتر من ملاحظه قبل ما أنا أرجع أعيد الموشح بطبقة أوطى شوي، أول ملاحظه إن ما بيعني فكرة الطبقه إن هي عاليه أو واطيه إن هادا الصوت هو جيّد إن هادا الصوت هو أفضل، أبداً، في أشخاص بطبقه واطيه وصلولنا و كانوا من أشهر المشاهير و كانوا من الأصوات الكتير مهمه، هلأ راح إرجع أعيده مره تانيه، راح نحاول نركز على كيف بدي إفتح تمي، راح نحاول نركز تحديداً لما أنا عم بغني موشحات شغلتين أساسيّين، الصوت لازم يكون عريض شوي من الحنجره أكتر، لازم إني أنا ألفظ الحرف بشكل أفضل بكتير لإن أنا عم بتعامل مع لغه عربيه فصحى، لا يجوز إني أنا ألفظ بشكل يضيع الشخص اللي عم بيستمع، راح أقولها هلأ من كرد اللّا (يعزف الأستاذ ريبال التمرين).


حنشوف نفس النوته ياللي نحنا شفناها على كرد الدو عشان ما يضيع الشخص اللي عم بيغني، بس راح نوطي الطبقه شوي ضمن الغناء، طبعاً هادا الإشي ما بيأثر أثناء الغنا، إحنا بيعنينا فقط أثناء ما نحنا بنقرأ النوته نشوف كيف عم بتتحرك النوت كيف عم بتطلع و كيف عم بتنزل (يقرأ الأستاذ ريبال التمرين قراءة ايقاعية).


هلأ ملاحظات بسيطه كتير، إن أنا بالإعاده حاولت إني أنا أعمل عرب أكتر ممكن ما تلاقوها مسجله على النوت لإن بالنهايه المغني هو سينس هو إحساس، أنا أشوف إن أنا أمشي بالضبط بالضبط متل النوته هادا الإشي حيخليني آله، حيخليني إشي جامد تماماً، فإنتي بإمكانك إن إنتي تعدل و لكن تعدل بالمعيار المنطقي إنك تعمل عرب بسيطه، هاي العرب ممكن تختلف عن النوته بس هي راح تكون جميله مع النوته.


آخر معلومه راح أقولها بالنسبه لهادا الدرس كمان إن أنا الطبقه كانت واطيه علي، أنا حكيت هادا الكلام فممكن ببعض المناطق الواطيه نحس إن صوتي خمد شوي، فحاول إن هادا الإشي ما يأثر عليك، حاول إن يكون صوتك مستمر أكتر لإن إنتي تتمتع أكيد بقرار أفضل مني إذا كان إنتي صوتك من ضمن أصوات الباس و الباريدون، شكراً."


فيديوهات دروس الدورة - تعلم الغناء العربي 3
1 عرب صوتية على حرف آه Opened 04:34
2 عرب بسيطة و مراجعة تعريف العرب Opened 05:24
3 مقام الكرد Opened 05:31
4 تطبيق على مقام الكرد Opened 04:24
5 تعلم غناء موشح يمر عجبا Opened 07:54
6 متابعة غناء مقام الكرد Opened 07:21
7 تعلم غناء أغنية إنت عمري Opened 07:44
8 تعلم غناء أغنية مشغول عليك مشغول Opened 03:53
9 فروع مقام الكرد Opened 08:08
10 الصوت المستعار Opened 05:10
11 تطبيقات على الصوت المستعار Opened 05:14
12 الأحرف الأنفية ميم و نون Opened 05:30
13 تعلم غناء مقام الحجاز Opened 05:01
14 تطبيقات أخرى على مقام الحجاز Opened 04:18
15 موشح لسّيد درويش على حجاز ري Opened 06:51
16 التنويع بمقام الحجاز Opened 04:28
17 تعلم أغنية بحلم بيك Opened 05:56
18 تراث دمشقي على الحجاز Opened 05:39
19 تعلم مقام الشهناز في الغناء العربي Opened 04:18
20 الطريقة السليمة لتعلم غناء الأغاني Opened 08:36