يشرح ريبال فروع مقام الكرد و يتابع أيضا الحديث عن تعريف المقامات الفرعية.

ريبال خضري:

"مرحبا، أنا ريبال من إعزف دوت كوم.

هلأ نحكي عن فروع مقام الكرد، نحنا بنتذكر إن قلنا الكرد هو عباره عن جنسين أساسيين (يعزف الأستاذ ريبال التمرين)، اللي هنن جنس كرد الراي (يعزف الأستاذ ريبال التمرين).

و عنا جنس آخر اللي هو جنس نهاوند الصول (يقرأ الأستاذ ريبال التمرين قراءة ايقاعية)، و اتفقنا إن هدول الجنسين من الأجناس المتصله، من المقامات الفرعيه اللي كتير متداوله اللي هو مقام حجاز كار كرد، نحنا بتتذكروا من قبل قلنا إن لحتى أقول إن عندي مقام فرعي أو مشتق من هادا المقام في عندي أكتر من إحتمال، ممكن يكون هو المقام نفسه أنا عم برجع بعيده من طبقه تانيه أو بطريقه أخرى أنا عم بصوره.

طبعاً هاي الطّريقه كيف وصلت كيف وصلنا يعني كيف وصلنا إن الكقامات مشتقه من هادا النمط، هي بتكون بنسميها مشتقه بس هي نفسها عباره عن تصوير، بالإنجليس متل لما أنا بقول ترانزبوزيشين، لما بيكون عندي دي ميجر بيروح للإي ميجر، بس بالإنجليش هو دي ميجر إي ميجر، بالعربي هو مثلاً نهاوند راي مثلاً نهاوند راي على الإي ممكن يكون مقام بوسليك بي مش نهاوند راي علماً إن هو نفسه بس تغير الإسم، كيف وصلنا لهالمرحله، إن بيكون مثلاً مقام إنتقل مثلاً مقام إخترع بقريه بإيران أو بقريه بتركيا أو حتى بالعراق، لما شخص بيزور هاي القريه بيحفظ هادا المقام، هلأ شو بيروح، بيروح بينقله مثلاً على بلاد الشام، لما كان طبعاً هادا الكلام بنحكي على إشي كتير قديم، لما كان ييجي يغنيه مثلاً فطبيعي إن التونانيتيه بتنزل ممكن بالعراقي يقولوه من الراي هو بيقوله من الدو، فبالتالي بيصير هو عنده من الدو و هنيك من الراي و هادا إله إسم هون و إله إسم هون، تمام، هلأ من المقامات الفرعيه اللي بالكرد اللي بتواجهنا هو مقام الحجاز كار كرد اللي هو نفس أسلوب الكرد بالضبط نفس النوتات بس أنا عم بنقلها بصورها من الدو، نفس الأبععاد، حيكون عندي نص-بعد-بعد بعدين بعد-نص-بعد بعدين آخر شي بعد، حنسمع المقام حيكون عندي (يعزف الأستاذ ريبال التمرين)، حيبلش من الدو كإني أنا عم بقول كرد دو (يقرأ الأستاذ ريبال التمرين قراءة ايقاعية).

تمام، هلأ من المقامات التانيه ياللي نحنا بنحكي عنها من المقامات الفرعيه عن مقام الكرد هو مقام الطرزنوين، مقام الطرزنوين أنا عم بحكي على مقام فرعي من الكرد فإذاً أكيد من تحت أو من الجنس الأدنى لازم يكون عندي كرد راي، لما بطلع لفوق أكتر راح يكون عندي حجاز الصول، راح أبدل النهاوند اللي كنت أقوله من الصول حبدله بالراي، يعني بهادا الشكل (يقرأ الأستاذ ريبال التمرين قراءة ايقاعية).

بعدين برجع على كرد الراي (يقرأ الأستاذ ريبال التمرين قراءة ايقاعية)، من أكتر الأشيا المشهوره على مقام طرزنوين في فالس موسيقي للموسيقار مارسيل خليفه، معروف إسمه فالس طرزنوين، قليل كتير إن نلاقي أغنيه عم بتتداول مقام الطرزنوين، المقامات الفرعيه دائماً بالموسيقى العربيه قليلة الإستخدام مش متل المقامات الأساسيّه طبعاً إلا إذا كنا بنحكي على الموشحات أو الأدوار ممكن نلاقيها أكثر استعمالاً و لكن مع هيك أنا إذا بدي أصنف راح أقول دائماً المقامات الأساسيّه هي اللي بتاخد أكتر أغاني تأليفاً، هلأ آخر إشي راح أحكيه اليوم بدرسنا إن أنا إذا أنا بدي أرتجل على إشي على مقام كرد الراي، أنا أهم شغله بدي أرجع أركز عليها إذا بدي أرتجل عالكرد نفسه على المقام الأساسي، لازم أحاول أنتبه على الأجناس الأساسيّه، أنا عندي جنس بالكرد الأساسي جنس كرد الراي، جنس كرد راي و عندي جنس نهاوند صول، كتير كتير كتير مهم إني أنا أعرج عليهم بعدين أنا لو حبيت إني أروح لأجناس تانيه لمقامات تانيه أنا ممكن أكون بعرفها أخدتها من قبل أو سمعياً أنتقلها، لازم إني أول شي أكون بالمقام الأساسي أعرج عالجنسين تبعه، بعدين أنتقل على مقامات أخرى بعدين ممكن إني أنا أعطي التكنيك أو قدرة صوتي أوضحها للشخص اللي عم بيسمعني، و لازم أختم بطريقه قويه تنهيلي هادا المقام على درجة الإستقرار الأساسيه تبعه، عادةً بتكون يععني عادةً بيختموا بالإستقرار الأدنى مش الإستقرار الأعلى، راح أعطي مثال (يقرأ الأستاذ ريبال التمرين قراءة ايقاعية)، أنا هون أعطيت الجنس الأدنى (يقرأ الأستاذ ريبال التمرين قراءة ايقاعية).

رجعت ختمته على كرد الراي، رحت على جنس نهاوند الصول شوي و رجعت آخر شي ختمت على كرد الراي، هلأ إذا أنا بدي أغير بدي أعمل مقامات تانيه (يقرأ الأستاذ ريبال التمرين قراءة ايقاعية)، أنا هون عم بشتغل على حسين الراي أو على بيات الراي مع سي نص بي مول (يقرأ الأستاذ ريبال التمرين قراءة ايقاعية).

رجعت شوي عالكرد لإن أنا بدي أعطي تكنيك أكتر هلأ لصوتي (يقرأ الأستاذ ريبال التمرين قراءة ايقاعية)، أعطيت التكنيك اللي أنا حابه، آخر شي بدي أختم بطريقه قويه (يقرأ الأستاذ ريبال التمرين قراءة ايقاعية)، هاي من الأشياء الأساسيه لما أنا حابب إني أنا أرتجل على مقام الكرد، بهالطريقه نحنا غطينا أكتر جوانب مقام الكرد، عنا وظيفه للدرس القادم أو وظيفه بتخصكم إنتوا، تحاولوا تفتشوا على أربع خمس ست سبع أغاني تكون على مقام الكرد نفسه، تجربوا من إدنكم تعرفوا هل هادا المقام كرد أو لأ، نحنا طرحنا كتير أمثله ممكن تخليكم تتذكروا، نحنا طرحنا إنتا عمري، نحنا طرحنا موشح يمرّ عجباً، حكينا عن مشغول عليك مشغول، و أكيد في كتير أغاني موجوده بالموسيقى العربيه أو حتى بالأغاني الحديثه. 

شكراً."