ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
18.1 - تقنيات على أغنية إيماجين

في هذا الدرس يتناول الأستاذ جورج تقنيات على الجيتار وتطبيقها على أغنية إيماجن للمؤلف جون لينون من فرقة البيتلز المشهورة وهي أغنية تعزف على آلة البيانو في الأصل، وأهمية هذه التقنيات في تجسيد الحس الأصلي للأغنية Imagine John Lennon The Beatles.


جورج النجار:


"اهلا بكم في اعزف دوت كوم و هسا بدنا نحكي بالدرس الثامن عشر من السلسله الثانيه من اساسيات البوب جيتار.


رايحين هسا نبدأ بامور شوي متقدمه بتستخدم مش بس الفينجيرينج و بتستخدم ايضا بعض الافكار اللي بجوز حكيناها المتعلقه بالتوزيع الموسيقي على الجيتار , يعني احنا من حد ما بلشنا مسكنا بعض الالحان و كنا بجوز بالبدايه و متقيدين بالتقنيات اللي عندنا فلازم على نفس النمطيه الاغنيه من اولها الى اخرها بس احنا بنعرف انه في اغنيه بتكون بالبدايه خفيفه بعدين بجوز بتعلى شوي يعني بدنا نعطيها حس الاغنيه الحقيقيه اللي بعض الاحيان بتكون اوكيسترا كامله بس احنا ما عندناش غير الجيتار فبدنا نشوف بعض التقنيات اللي تعلمناها كيف ممكن نطبقها على الجيتار انه كيف بدنا نعطيها حس الاغنيه ؟ الاغنيه اللي رح نوخذها هيه ايماجين لجون لينون اغنيه كثير مشهوره الاغنيه في الاصل الاله الاساسيه فيه بيانو واك احنا بنلمس اشي بجوز حكيناه بالبدايه انه اوك بدنا نعزف الاغنيه هاي بس هاي الاغنيه فيش فيها جيتار اصلا ! يعني البيانو اله موسيقيه فيه نغمات مثل أي اله موسيقيه يعني فيها نغمات مثل A B C مثل الجيتار عنده نغمات كمان A B C بس الموضوع مش بس ترجمه النغمات انه شو هي النغمات هذول على الجيتار , الحس كمان مهم يعني معرفه تقنيات الجيتار ضروريه لحتى نقدر نترجم الاشي اللي قاعدين بنسمعه الى هاي الاله.


طبعا ضروري تسمعوا الاغنيه قبل ما نبلش نطبق تعليم العزف نفسه , اذا بتحتاج وقف الفيديو و اسمع الاغنيه و يا ريت و انت بتسمع الاغنيه تسمع الاغنيه منيح لحتى تشبع من المقاطع الموجوده بالاغنيه , على شان لما نحكي بالاغنيه ما يصير في لخبطه رح تكتشف انه بيانوا بيلعب اشياء بجوز تكون قريبه لهذا ( يعزف الاستاذ جورج التمرين ) مش ضروري تعر ف الاشياء اللي انا قاعد بعملها هسا لانه لسا اوك صارت اقرب للبيانه بس مش ميه بالميه هيك , هاي لسا اقرب و اقرب ( يعزف الاستاذ جورج التمرين).


طيب بدنا كمان نقرب اكثر و اكثر لاحظ انه هون في فينجيرينج بجوز غريب شوي عن اللي حكيناه في السابق , لاحظ انه هذول الثلاث اصابع بيعزفوا على اول ثلاث اوتار يعني انا قاعد بعزف هيك هه ( يعزف الاستاذ جورج التمرين ) و رايحين نشوف ( يعزف الاستاذ جورج التمرين ) كمان شوي تفاصيل اللي قاعد بيصير هون , يعني انا قاعد بستخدم الاصبع هذا هون و مش يعني ثلاث اصابع فقط و لاحظ انه هذول ما بيشتغلوا من مره ( يعزف الاستاذ جورج التمرين ) و بعدين بعمل هيك ( يعزف الاستاذ جورج التمرين )بس بدنا نشوف بالدقه كمان مره , طيب فبدنا لسا نشتغل على تفاصيل اعلى شوي و بدنا نلعب لعبه اللي بتقدروا تسمعوها بالاغنيه الاصليه عند كورد ال F ( يعزف الاستاذ جورج التمرين ) شايفين ضربنا مرتين ( يعزف الاستاذ جورج التمرين )حبيت ما اغني حتى تسمع العزف منيح و مع الغناء بتصير ( يعزف الاستاذ جورج التمرين ) والى اخره الى اخره.


طيب خلينا نشوف الجزء الاول هذا كيف شغالين فيه."


فيديوهات دروس الدورة - تعلم الجيتار 2
1 أسلوب العزف بالأصابع Opened 04:55
2 أسلوبي ضرب الأوتار Opened 05:55
3 الأخطاء الشائعة في أسلوب العزف بالأصابع Opened 06:02
4.1 أهمية معرفة أسماء النوتات Opened 04:28
4.2 معرفة نغمة البيس Opened 04:18
5 التوزيع الموسيقي Opened 04:58
6 التنويع بين أساليب ضرب الأوتار Opened 06:13
7 موسيقى فيلم العراب Opened 06:54
8.1 أغنية سبيك سوفتلي لف Opened 03:43
8.2 التوزيع و الكوردات وأوتار البيس Opened 05:38
9 الدقة و السلاسة في العزف Opened 05:02
10 عزف اللحن الأساسي مع الكوردات Opened 05:06
11.1 التنوع في العزف Opened 06:07
11.2 ملاحظات على ضرب الأوتار Opened 06:56
12.1 البار كوردز Opened 05:44
12.2 كورد الـ بي ماينور Opened 06:37
13 وضعية الجسم خلال العزف Opened 06:06
14.1 تغيير الطبقة و أنواع الـ بار كوردز Opened 04:36
14.2 تغيير الطبقة في أغنية هوتيل كاليفورنيا Opened 05:33
15 البار كوردز لأغنية سبيك سوفتلي لف Opened 06:37
16.1 أساليب الـ بار كوردز Opened 04:59
16.2 كورد الـ بي ماينور Opened 03:06
17 كيف تنهي عزف أغنية Opened 06:58
18.1 تقنيات على أغنية إيماجين Opened 03:38
18.2 كوردات و تفاصيل Opened 04:24
19.1 المقطع الثاني من أغنية إيماجين Opened 05:31
19.2 نصائح مفيدة وتطبيقات Opened 04:24
20.1 المقطع الثالث من أغنية إيماجين Opened 04:24
20.2 التوزيع الموسيقي على الجيتار Opened 06:15
21.1 الإضافات و الجماليات في الموسيقى Opened 05:58
21.2 تمرينات Opened 06:50
22.1 الروك آند رول و الأشكال الموسيقية Opened 05:39
22.2 قالب الـ ١٢ بار بلوز Opened 03:39
23.1 خط البيس Opened 04:33
23.2 خط البيس و الـ ١٢ بار بلوز Opened 04:05
24 خط البيس وموقع الأصابع Opened 05:05
25.1 تفاصيل في الـ ١٢ بار بلوز Opened 04:45
25.2 تفاصيل وجماليات موسيقية وتطبيقها Opened 04:09