يبدأ جورج بالتأكيد على الدّقة و التنقّل بين الكوردات بسلاسة و الوصول إلى ذلك بالعزف البطيء، و ينتقل ليستكمل الكوردات و كيفية عزف اللحن و الكوردات معاً بأسلوب ضرب الأوتار بالأصابع كل على حدى.
جورج النجار:
"مرحبا بكم في اعزف دوت كوم احنا في الدرس التاسع من السلسله الثانيه من اساسيات البوب جيتار.
شفنا بالدرس الماضي بدايه سبيكس سوفتلي لوف و هون بدنا نكمل بالجزء الثاني و حاب اجكي عن موضوع الدقه شوي , و ططبيعه الانسان انه احنا لما بدنا نعزف احنا بدنا نستمتع شوي فمرات موضوعنا بتحول الى شغل فممكن شوي الواحد بكون بده يسرع الموضوع شوي فمثلا انا لما بعزف ( يعزف الاستاذ جورج التمرين ) اااه ( يعزف الاستاذ جورج التمرين ) ف ال ااه هاي بدنا نشيلها يعني زي ما بنقول ثانيتين زياده و احاول ادرك لانه احنا رح تكون قطعه موسيقيه كامله بالنهايه فبجوز الجزء الاول سهل كثير ( يعزف الاستاذ جورج التمرين ) و اذا بدي انا اسمح لحالي انا انا اضل اوقف هون و اضل انسى هاي شو هيه الخطوه الجيده انك تقول انا بنسى هاي شوهي طيب وقف هون و قول طيب شو هاي و قبل ايش بتيجي و بعد شو طيب يعني مثال لانه موضوع الخربطه وارد شو ما كان الواحد عازف لكن في المرحله الاولى لما كان في عندنا كوردز يعني ليش الموضوع هذا اصعب شوي لا خلينا نحكي لا هو مش اصعب هو شوي اطول و بده دقه اكبر يعني انا لما بدي اعزف اغنيه فيها كورد بايقاع كامل و فيه كذا ثانيه بقعد بعدين بروح على كورد ثاني ببلغوك عنه فبكون اسهل من موضوع النقل المستمر يعني هسا بدي اعزف هاي ( يعزف الاستاذ جورج التمرين ) بعدين هاي ( يعزف الاستاذ جورج التمرين ) بعدين بتيجي هاي ( يعزف الاستاذ جورج التمرين ) هسا بتيجي هاي مع هاي ( يعزف الاستاذ جورج التمرين ).
يعني البطء الشديد و اعاده الحكي مرات و مرات و في ناس انه لما اعيد الموضوع مرات و مرات ما بتستفيد و في ناس لما بعيد الموضوع قدامهم عشر مرات في يوم واحد خلص بتحفظ و في نس عشرين , فالموضوع مش موضوع اكمن مره بدك تعيد لكن هو الموضوع فكره انه العزف على الجيتار موضوع مستمر فاحنا رح نقعد سنين و احنا بنعزف على الجيتار فاذا تبنيت من اولها التصرف الصح رح تصير تعزف اسرع مش هو الموضوع قديش بدها تاخذ وقت احنا بنفكر بموضوع انه انت بتختصر وقت اذا بتشتغل صح , طيبالجزء الثاني هسا وصلنا لعند ( يعزف الاستاذ جورج التمرين ) لما بضرب البيس هذا فعليا انا خلصت اربع ايقاعات ( يقرأ الاستاذ جورج التمرين قراءه ايقاعيه ) خشينا في اول ايقاع ( يقرأ الاستاذ جورج التمرين قراءه ايقاعيه ) A ماينور ( يقرأ الاستاذ جورج التمرين قراءه ايقاعيه ) E ماينور ( يقرأ الاستاذ جورج التمرين قراءه ايقاعيه ) و كمان E ماينور , مراجعه بسيطه اول كورد ( يعزف الاستاذ جورج التمرين ) ثاني كورد ( يعزف الاستاذ جورج التمرين ) ثالث كورد ( يعزف الاستاذ جورج التمرين ) و رابع كورد زي الثالث , انت بتلاحظ شغله انه عند رابع كورد انا بلشت بلحن جديد انا بلشت الميلودي من اول و جديد يعني ( يقرأ الاستاذ جورج التمرين قراءه ايقاعيه ) ( يعزف الاستاذ جورج التمرين ) و هي الرابع ( يعزف الاستاذ جورج التمرين ) وهذا الل حصل معنا من البدايه انا بتلاحظ انه انا ببلش اغني قبل ما يبلش الكورد الاولاني ( يعزف الاستاذ جورج التمرين ) صح هيها هي البدايه ( يعزف الاستاذ جورج التمرين )و هسا خش الكورد.
و نفس الاشي بالنسبه للجزء الثاني هو تقريبا نفس الاشي بس الفرق الوحيد انه البيس بده يضل شغال في الاصل هي الثاني لوحده ( يعزف الاستاذ جورج التمرين ) E ماينور ( يعزف الاستاذ جورج التمرين ) بعدين E كمان مره ( يعزف الاستاذ جورج التمرين ) بس هذا ال E مش ماينور ميجور و هسا بنحكي فيه ( يعزف الاستاذ جورج التمرين ) A ماينور ( يعزف الاستاذ جورج التمرين ) وكمان A ماينور ( يعزف الاستاذ جورج التمرين ) طيب خلينا نشوف اول اشي ككوردات من اولها و رح نحكي احنا وين اثناء العزف ( يعزف الاستاذ جورج التمرين ) E ماينور ( يعزف الاستاذ جورج التمرين ) A ماينور ( يعزف الاستاذ جورج التمرين ) E ماينور ( يعزف الاستاذ جورج التمرين ) اخر E ماينور ( يعزف الاستاذ جورج التمرين ) E ماينور جديد ( يعزف الاستاذ جورج التمرين ) E مايجور ( يعزف الاستاذ جورج التمرين ) A ماينور ( يعزف الاستاذ جورج التمرين ) و بدنا نخش هسا بالمقطع الثالث , اذا حلو اذا بنكتبها كسلسله من اربع كوردات كل مقطعين بمقطع واحد احنا قلنا ( يعزف الاستاذ جورج التمرين ) E ماينور ( يعزف الاستاذ جورج التمرين ) A ماينور ( يعزف الاستاذ جورج التمرين ) E ماينور( يعزف الاستاذ جورج التمرين ) E ماينور ( يعزف الاستاذ جورج التمرين ) هذا على سطر خليه , بعدين ( يعزف الاستاذ جورج التمرين ) E ماينور ( يعزف الاستاذ جورج التمرين ) E مايجور ( يعزف الاستاذ جورج التمرين ) A ماينور ( يعزف الاستاذ جورج التمرين ) A ماينور ( يعزف الاستاذ جورج التمرين ).
و هسا بدنا نخش بالجزء الثالث بالدرس الجاي."
