يبدأ جورج هنا ببعض الأخطاء الشائعة عند عزف الكوردات بأسلوب الأصابع على الجيتار و علاقة ذلك بالمرحلة التي يكون بها المتعّلم مع التركيز على التّأني في العزف في البدايات . يعطي جورج أمثلة على كوردات مختلفة مثل الـ دي و الـ سي و ينتقل إلى تشريح اليد و علاقة ذلك بالصعوبات في مسك الكوردات.

جورج النجار:

"اهلا بكم في اعزف دوت كوم هذا الدرس الثالث في السلسله الثانيه في تعليم البوب جيتار.

حكين بالدرس الاول عن ال فينجرينج و شو هو و اخذنا مثال و حكينا بالدرس الثاني عن تطبيقها على اغنيه و كلام جميل , لكن في مشاكل , في مشاكل يعني لما الواحد بيحكي هيك هين الموضوع و عارفشو الفينجرينج وعارف عارف شو الكوردز المفروض يطلع بجنن , لكن بشكل عام بدنا نحكي انه عدم الدقه و مرات الاستعجال في بعض الامور يعني هذا اللي بدنا نحكيه انه مرات الواحد بوقع فيها و انا وقعت فيها ممكن تسبب نوع من انه يكون هولو فينجرينج , يعني الواحد بيعتبر حاله انه انا بعرف الكوردز و بعرف الستريمينج و بعزف اغاني بجننوا بس بعزف الفينجرينج ما بطلعوا معاي كثير بجننوا و بحبوش , لا , خلينا نفكر فيها مزبوط.

الوا نحكي عن قضايا كثير بتصير مع الناس نمسك ال C كمثال هسا انا مبتدء على الجيتار و بعرف الكوردز و بعرف ال E ماينور و بعرف ال E مايجور , هسا معضم الناس ببلشوا يتعاملوا في البدايه مع الكوردز على وضع او وين بحط الاصبع الاول ؟ في كورد زي ال C بحط الاصبع هيك و بعدين بحطه هيك و بيتمرن عليه شوي شوي ما شاءالله عليهم و مع الايام بتصير اسرع شوي و بصير نوع من انه اذا بتدقق فيها انه الناس ما زالت بتعمل ال C بتبلش بهذا الاصبع و هذا بسبب مشكله ليش ؟ لانه اذا انا بدي اعزف اغنيه فيها كورد ال C مثلا خلينا ننتقل من ال D الى ال C ( يعزف الاستاذ جورج التمرين )لاحظتوا انه انا بلشت احط الاصبع هذا هون بس مشان ما تنقطع الموسيقى عزفت البيس , بس دقيقه البيس مش جاهز لسا المفروض انه اول اصبع انه انا احط هذا و هاي القضيه طبعا احنا ما حكينا فيها من الاول طبعا انه مع ازدياد المهاره بصير الواحد يعني يحط الثلاثه مره وحده بس في ناس بكونوا لسا مو واصلين هاي المرحله و حابيت يبلشوا بالفينجرينج , و طبعا البطء البطء دايما التمارين ع البطيء اذا الصوت مش طالع معي صح كل الموضوع يعني بتقدر توصل لمستوى العزف على الجيتار اللي بدك اياه لكن في اشياء يعني بدها دقه اعلى و اجمل فبدها وفت و بدك تدرس انه ايش بالزبط اللي مش طالع مزبوط معي , ففي ناس يعني اذا بدك تعزف في اشي طالع مش مزبوط ( يعزف الاستاذ جورج التمرين ) هيه في ( يعزف الاستاذ جورج التمرين ) هذا مش طالع و ( يعزف الاستاذ جورج التمرين )هذا مش طالع و عادي بتعزف.

لا ,يعني ما بغلب كثير انه انا اقرب الاصبع هذا هون بدل ما يضل هون يعني بصير يطلعهيك ( يعزف الاستاذ جورج التمرين )بدل ما يطلع هيك ( يعزف الاستاذ جورج التمرين ) يعني بدهاش اشي شويه دقه و تفكير انه الواحد ما يستعجل, ما يستعجل في التطبيق و ما يستعجل في التمرين يعزف شوي شوي و يفكر ايش اللي قاعد بطلع معه يعني ( يعزف الاستاذ جورج التمرين )انتقال من ال D الى ال C ( يعزف الاستاذ جورج التمرين ) بررح الى هذا اول ( يعزف الاستاذ جورج التمرين ) لانه لما تعمل الاشي الصح بطيء ( يعزف الاستاذ جورج التمرين ) رح تصير اسرع و اصح ( يعزف الاستاذ جورج التمرين ) يعني انت قاعد بتعزف بالسلسله الثانيه و مريت بالاولى و انت بتعزف جيتار و ما في اشي بيصير بيوم واحد , اول قضيه اذا انه البيسيز لما الواحد بيعزفهم في كورد مثل ال G ( يعزف الاستاذ جورج التمرين ) او ال C ( يعزف الاستاذ جورج التمرين ) الواحد يكون ديق شوي , طبعا بيجي العزف مرات على كورد مثل ال D ( يعزف الاستاذ جورج التمرين ) A ( يعزف الاستاذ جورج التمرين ) E ( يعزف الاستاذ جورج التمرين ) بحبهم هذول لانه ما فيهم مسك و الوتر فالت فطبيعه الحال يطلع مزبوط.

لكن بصير عنا قصيه برضو مخفيه مرات ما بتبين معنا بالسترامينج و بالفينجرينج بتبلش تبين يعني ( يعزف الاستاذ جورج التمرين ) لكن ( يعزف الاستاذ جورج التمرين ) مشي حالك بالسترامينج ماشي حالك لانه بشكل اساسي طالعين الاوتار اللي مفتوحه , بيجوز هذا اللي ماسك بالاصبع الاول ( يعزف الاستاذ جورج التمرين )ماشي منيح بس هذول انا مش ماسكهم منيح او بجوز اكون ماسكهم منيح بس شاد كثير ( يعزف الاستاذ جورج التمرين ) ليش مش طالع الصوت اه لانه هذا الاصبع ضارب على الوتر لانه انا المفروض امسكه بالاصبع الثاني و يكون من الاصبع الثاني من هذا العربه من هذا الثريت و المفروض ما يكون في اشي على الطريق , و اذا اجا أي اشي على الطريق ( يعزف الاستاذ جورج التمرين ) مش رح يطلع صوت.

فاذا تمارين الفينجرينج دائما ما تتوقع انه خلال اول ما تتعلم فينجرينج انه خلال تمسك كورد جديد اغنيه جديده انه يطلع معاك مزبوط من اول يوم , لا بدها خبره شوي اكمن اسبوع و الا اكمن شهر , و كل ما بطأت و دققت بالموضوع انه كيف يعيني بدك تفكر بالموضوع انه ايش مسكه الكورد اللي بيطلع صوت نظيف( يعزف الاستاذ جورج التمرين ) و لا تيأس اذا من اول يوم ما طلع معاك صوت نظي لانه بتعرف مفاصل اوتار عضلات و مرات الواحد بيكون ماسك مسك غلط ( يعزف الاستاذ جورج التمرين ) فبدك تفكر انه هذا الاصبع ضارب على الوتر طيب شو اساوي انا ( يعزف الاستاذ جورج التمرين )طيب مرات انه بتكون بهاي السهوله ( يعزف الاستاذ جورج التمرين )انه بس انه تحركه شويه و بيطلع معانا مزبوط , طبعا انه مرات انه في مدارس من فكر الجيتار بيقولولك انهلا لازم الاصبع لازم يكون نازل على زاويه تسعين درجه ميه بالميه ( يعزف الاستاذ جورج التمرين ) ااااه لا مش ضروري شوف الاسلوب الي و احنا مخلوقين مختلفين و في ناس اصابعهم خميله و في ناس بنفكرانه انا اصابعكي قصيره كثير و ما بزبط اعزف جيتار و الا اصابعي خميله كثير بينفعش اعزف جيتار.

لا هاي حجه بس الواحد بده يدور شو اللي بناسبه ( يعزف الاستاذ جورج التمرين ) بيطلع كله بيجنن. في الدرس الجاي بدنا نوخذ اعنيه نمط جديد و اغنيه جديده و بدنا نحكي شوي عن موضوع التوزيع الجيتاري."