يبدأ الأستاذ جورج بموضوع مهم جدًا لكل عازف وهو موضوع الـبار كوردز وهو من المواضيع التي تعد صعبة للعازف و يجب التمرين بشكل جيد لإتقانها بالشكل الصحيح ، يتطرق جورج الى بعض الأخطاء الشائعة في الـبار كوردز وكيفية تفاديها أو تصحيحها.

جورج النجار:

"اهلا بكم في اعزف دوت كوم احنا بالدرس رقم اتناعشر من السلسله الثانيه من مقدمه في عزف البوب جيتار. خلصنا الجزء الاول من سبيك سوفتلي لوف و في ناس بيحكوها معزوفه الجود فاذير على اسم الفيلم و الكل متوقع انه بدنا نخش بالجزء الثاني و كورداتها و هيك , كان ممكن انه نعمل هيك بس انا بالسلسله هاي في عندنا موضوع لازم نحكي فيه و كان عندي خيارين انه نخلص المعزوفه و بعدين نحكي فيه او نحكي فيه و نستخدمه بالمعزوفه , طبعا انا اخترت انه نحكي عنه هسا و بنطبقه بالمعزوفه طبعا لما بنوصل لوقتها رايحين تعرفوا عن ايش بالزبط انا قاعد بحكي, الموضوعببساطه هو موضوع بار كوردز و عادتا اللي واصل لهيك مستوى بالجيتار صار شايفهم اللي همه الكوردات اللي بالاصبع الاول بنمسك اكثر من وتر او كل الاوتار, و لما بيجيني طالب واصل لهذا المستوى من اول الاشياء اللي بحكيلي اياها انه بتغلب فيهم , اكيد , حتى انا في مخيلتي انه انا بتخيلهم انهم اصعب اشي بالجيتار و مش انه هسا بدنا ناخذ اصعب اشي يعني انه رح يكون الدرس صعب لا مش رح يكون الدرس صعب لكن القصد انه اذا الواحد بحاول يعملهم و هو ما بكون واصل للمرحله المناسبه انه يتعلمهم فيه بتكون العمل بنفس الصعوبه انه مش زابط كثير كبير , و اوك انا حكيت كثير بالموضوع و مركز فيه لانه بدي اختمها بالمفهوم التالي اللي عندي اياه , البار كوردز كانوا على وشك انهم يخلوني انه ما اكمل على الجيتار , انا يوم من الايام كان عنديانه اقتنعت زمان و كثير زمان انه انا مش رح اقدر انه اعزفهم لانه انا كنت ماسك الموضوع غلط لما شفتها هيك انه الواحد اثناء التعليم انه كثير ناس بيستصعبوا الاشي من خلال يوم او اسبوع اسبوعين او مرات شهر شهرين بصير يتخلوا انه انا ما عندي موهبه كفايه و انا مو موهوب بالموضوع , لا لا هو بكون مرات استعجل شوي او عنده خطأ بالتكنيك , و انا مرات بقول لطلابي انه اذا انا قدرت اعزف على الجيتار أي واحد بقدر يعزف على الجيتار , طيب البار كوردز اللي همه البار مفهوم انه اصبع و بالحقيقه مش شرط الاصبع الاول يعني في عندنا كوردز( يعزف الاستاذ جورج التمرين ) الاصبع الرابع هون ماسك ثلاث اوتار.

طبعا اذا بتحاول هسا و اذا ما كانش في أي تدريب ممكن يطلع معك هيك ( يعزف الاستاذ جورج التمرين ) اوك يقول لا انا مستحيل اساويه و الكل بيقول انا مستحيل اساويه لكن لما انت يوميا تدريبك يومي يعني مش ضروري تتمرن عشر ساعات في اليوم يعني في ناس مرات بتسائلوا انه قديش انا لازم اتمرن في اليوم ؟ اتمرن اللي بتقدر عليه يعني لكن انه أي واحد اذا مسكل بموضوعيه ربع ساعه او ثلث ساعه عالاقل مش وقت كثير مع الايام بصير يعزف مليح و حسب كمان اذا بدك تعزف قطعه كلاسيكيه لمؤلف كبير و طويله مش زي لما بتعزف اغنيه فيها ثلاث اربع كوردات يعني واضحه , طيب البار كوردز ( يعزف الاستاذ جورج التمرين )همه بشكلوا بالحقيقه معضم الكوردات اللي موجوده على الجيتار , يعني معضم الكوردات اللي موجودين على الجيتار همه بار كوردز و الظاهره اللي بتصير انه الواحد بفضل انه يهرب منهم يعني اللي بصير و انا شخصيا كنت اساويها انه الاغنيه اللي فيها البار كوردز بعزفهاش بفضل ادور على اغنيه ما فيها بار كوردز او بعزف الاغنيه لحتى اوصل لبار كورد و بس اوصل البار كورد بطلع معي ( يعزف الاستاذ جورج التمرين ) ابصر كيف و بوقفها يعني في اشياء كثيره بتمر على الواحد الاشاء هاي بدي اكثر فيها حكي و احد المشاكل هايممكن تصير معك كعازف جيتار بس ما تخافش في اليه لهذا الموضوع و من المشاكل اللي بتصير مع الناس انه بحاولوا لما يعملوا البار كوردز بحاولوا انه كله يعمله مره وحده انه هو بكون بعزف صار اله فتره و قادر ينتقل من ال G الى ال D بشكل بجنن و لما بيجي كورد جديد بقلك يعني عادي خلص بحط الاصابع هيك و بطلع ( يعزف الاستاذ جورج التمرين ) و بكتشف انه اثناء العزف اشي بخن و نغمه بتطلعش و الا بطول و هو قاعد بساويه , طيب خلينا نفكر فيها انا لما بعزف كورد عادي و ببلش اتعلم كورد عادي يعني مثلا بنمسك ال D انا في تركيز انه وين كل اصبع لازم يروح و مجرد من هالناحيه انه وين كل اصبع بده يروح و ما بفكر فيها انه مراحل و كل اصبع بده يروح مكان و بده يضغط و بده يضغط بطريقه معينه لحتى الصوت يطلع نظيف يعني احط كل اصبع مكان غلط يعني بجوز احط اصبع هون مكان غلط( يعزف الاستاذ جورج التمرين ) بطلع مش صح و بتصير مع ناس ( يعزف الاستاذ جورج التمرين )او بطلع اشي بخن و بجوز بالمرحله الثالثه بجوز انا حاط اصابعي مزبوطه و ضاغط صح بس في اصبع ( يعزف الاستاذ جورج التمرين ) لانه الاصبع الثالث ضاغط على الوتر ارفعه شوي بصير( يعزف الاستاذ جورج التمرين ) زبط بس بدنا نحكي على شان الكوردات هذول اسهل شوي و اللي بكون بتعلم بضم المراحل الثلاثه هذول في عمليه وحده انه يحط الاصابع مزبوط و يضغط و الصوت يطلع ( يعزف الاستاذ جورج التمرين )."