يبدأ الاستاذ جورج في هذا الدرس بموضوع نقل الأغنية من طبقة الى طبقة موسيقية أخرى لتناسب المغني. يأخذ مثال أغنية هوتيل كاليفورنيا و هي من أكثر الأغاني شعبية في العالم ومن ثم يتناول موضوع الـ بار كوردز و وجود ثلاث أنواع انتقال فيها ومدى صعوبة كل منها مع أمثلة. يحث جورج طلابه العازفين بالعودة للدروس السابقة لمراجعة التنقل بين الكوردات عند الحاجة.
جورج النجار:
"اهلا بكم في اعزف دوت كوم هذا الدرس الرابع عشر من السلسله الثانيه في اساسيات البوب جيتار.
عشان نختم المرحله الاولى من البار كوردز بدنا نرجع لاغنيه شفناها بالجزء الاول و بدنا نمرق على موضوع كمان اله علاقه بالنظريات و بعرف البعض منكم انه ما بده النظريات انه بس فرجينا كيف بدنا نعزفها بس مع الايام رايحين تكتشفوا انه ضروري طيب الاغنيه هيه هوتيل كاليفورنيا , و الموضوع الاضافي اللي بدنا نرجعله هو انه احنا خلصنا ال هوتيل كاليفورنيا و فيش فيها بار كوردز صح ؟ شوي شوي , في موضوع حكينا عنه باخر الجزء الاول عن موضوع الترانسبوزيشين انه موضوع نقل الاغنيه من مكان الى مكان و حكينا انه موضوع الاغاني فيها نقل طبقه يعني في رجال بتغني بطبقه صوت الرجل و اصوات الستات بتفرق عن بعض فاحنا مسكنا هوتيل كاليفورنيا ( يعزف الاستاذ جورج التمرين ) لما حكينا عن الفينجيرينج حكينا في البدايه انه لهوتيل كاليفورنيا بيلزم الفينجيرينج و لازمها كمان البار كوردز هي ( يعزف الاستاذ جورج التمرين ) هي بدايه هوتيل كاليفورنيا بار كورد و فينجيرينج ( يعزف الاستاذ جورج التمرين ) و هسا بدنا قاعدين بدنا نتعلم التقنيات هاي لانه همه عده عازف الجيتار التقنيات هاي , طيب بدناش نخشش كثير مواضيع هسا , طيب هسا الهوتيل كاليفورنيا الاصليه , الاصليه هيه اللي بيعزفوها فرقه الايجيلز , مش من ال E ماينور ( يعزف الاستاذ جورج التمرين ) هي من ال B ماينور ( يعزف الاستاذ جورج التمرين )اللي اخذناه ( يعزف الاستاذ جورج التمرين ) فهون طيب هذيك مش هوتيل كاليفورنايا ؟ لا هذيك هوتيل كاليفورنيا معموله لطبقه اخرى و في سببين للطبقه الاخرى لانه مش كل واحد بيقدر يعني على طبقه مغني محترف يعني خلينا نحكي انه مغني محترف عنده طبقات الصوت عاليه و انت حابب تغنيها فبننزلها ( يعزف الاستاذ جورج التمرين ) بس ليش حنا بدنا نرجعلها مش عشان انه احنا بدنا نرجع للاصليه و الاصليه افضل من هذيك لا مش الموضوع افضل لا احنا بدنا نرجعلها على شان نعزز موضوع البار كوردز يعني لما صار في بار كوردز صار في عندنا ثلاث انواع من الانتقال يعني صار في عندنا وحده من كورد عادي الى بار ( يعزف الاستاذ جورج التمرين ) و من بار لكورد عادي ( يعزف الاستاذ جورج التمرين ) و من بار الى بار ( يعزف الاستاذ جورج التمرين )اذا بتحب تحط النوع الرابع من عادي الى عادي ( يعزف الاستاذ جورج التمرين ) بصير.
طيب لو بدنا نسأل بعض انه شو اصعب واحد فيهم ؟ طيب بجوز الواحد يفكر فيهم طيب همه البار كوردز صعبين طيب همه البار كوردز صعبين اه بس همه في الاول صعبين بعدين بصيروا عادي زيهم زي باقي الكوردات بما انه كرودات البار صعبين فهي اكيد انه من بار الى بار اصعب , هو في الحقيقه لا , من عادي الى عادي ( يعزف الاستاذ جورج التمرين ) ما في عندنا أي مشكله فيهم , من بار الى عادي ( يعزف الاستاذ جورج التمرين ) رح تكتشف انه ما بتختلف لانه المشكله هون المحل اللي انت رايح عليه مش المحل اللى انت جاي منه يعني مثلا اذا انت كنت عامل بار كورد زي ال B ماينور ( يعزف الاستاذ جورج التمرين ) و بدك تروح لمكان اخر مثل ال G ( يعزف الاستاذ جورج التمرين ) ما في مشكله ( يعزف الاستاذ جورج التمرين ) بصفي انه هلا مين اصعب فيهم انه تروح من عادي الى بار ( يعزف الاستاذ جورج التمرين ) و الا من بار الى بار ( يعزف الاستاذ جورج التمرين ) اللي بجاوب انه من بار الى بار ( يعزف الاستاذ جورج التمرين ) ما فكر فيها مزبوط لانه اصعب عمليه بالبار كوردز هو البار نفسه يعني اذا بدي اعمل كورد ال B ماينور ( يعزف الاستاذ جورج التمرين ) و بدي اروح الى كورد زي ال F شارب ماينور ( يعزف الاستاذ جورج التمرين )البار معمول بس فيها عميليه نقل شويه اصابع عاديه فيها صعوبه شوي بس بعدين بتصير عاديه , انما من كورد عادي الى بار هي المشكله اكبر لانه لازم انصب البار( يعزف الاستاذ جورج التمرين ) و هذا اصعب اشي عندي.
بنرجع لهوتيل كاليفورنيا لانه هوتيل كاليفورنيا اذا انت بتعزف الاغنيه او جزء منها او الجزء الاول منها ففي تمارين ممتازه لكل انواع النقل طيب بتصير هسا و حكين عمليه الترانسبوزيشين و حكينا بموضوع النظريات فصار بنقدر نحكي عن الموضوع هذا بطريقه علميه.
و اذا انا حكيت اشي هسا مش كثير مفهوم ارجع لدروس النظريات بالذات الدروس اللي فيه الجدول الموسيقي اللي كتبناه C C شارب للانتقال."
