ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
فهرس الدروس - تعلم الجيتار 2
1 أسلوب العزف بالأصابع 04:55
2 أسلوبي ضرب الأوتار 05:55
3 الأخطاء الشائعة في أسلوب العزف بالأصابع 06:02
4.1 أهمية معرفة أسماء النوتات 04:28
4.2 معرفة نغمة البيس 04:18
5 التوزيع الموسيقي 04:58
6 التنويع بين أساليب ضرب الأوتار 06:13
7 موسيقى فيلم العراب 06:54
8.1 أغنية سبيك سوفتلي لف 03:43
8.2 التوزيع و الكوردات وأوتار البيس 05:38
9 الدقة و السلاسة في العزف 05:02
10 عزف اللحن الأساسي مع الكوردات 05:06
11.1 التنوع في العزف 06:07
11.2 ملاحظات على ضرب الأوتار 06:56
12.1 البار كوردز 05:44
12.2 كورد الـ بي ماينور 06:37
13 وضعية الجسم خلال العزف 06:06
14.1 تغيير الطبقة و أنواع الـ بار كوردز 04:36
14.2 تغيير الطبقة في أغنية هوتيل كاليفورنيا 05:33
15 البار كوردز لأغنية سبيك سوفتلي لف 06:37
16.1 أساليب الـ بار كوردز 04:59
16.2 كورد الـ بي ماينور 03:06
17 كيف تنهي عزف أغنية 06:58
18.1 تقنيات على أغنية إيماجين 03:38
18.2 كوردات و تفاصيل 04:24
19.1 المقطع الثاني من أغنية إيماجين 05:31
19.2 نصائح مفيدة وتطبيقات 04:24
20.1 المقطع الثالث من أغنية إيماجين 04:24
20.2 التوزيع الموسيقي على الجيتار 06:15
21.1 الإضافات و الجماليات في الموسيقى 05:58
21.2 تمرينات 06:50
22.1 الروك آند رول و الأشكال الموسيقية 05:39
22.2 قالب الـ ١٢ بار بلوز 03:39
23.1 خط البيس 04:33
23.2 خط البيس و الـ ١٢ بار بلوز 04:05
24 خط البيس وموقع الأصابع 05:05
25.1 تفاصيل في الـ ١٢ بار بلوز 04:45
25.2 تفاصيل وجماليات موسيقية وتطبيقها 04:09
التنوع في العزف

في الجزء الأول يتحدث جورج عن أهمية عزف نفس الأغنية بتوزيعات مختلفة إما بشكل منفرد أو مع زملاء و الاحتمالات التي يمكن لكل عازف القيام بها ضمن الفرقة لإنتاج أغنية أجمل و غنية أكثر من العزف التقليدي بحيث يعزف كل من العازفين إما اللحن الأساسي أو خلفية تتكون من كوردات تعزف بشكل مختلف و متناغم مع بقية العازفين . يركز جورج على أهمية معرفة أسماء الكوردات للعازفين ثم ينتقل إلى الكوردات المرّكبة في نفس الأغنية.


جورج النجار:


"اهلا بكم في اعزف دوت كوم و احنا بالدرس رقم احدعشر من السلسله الثانيه من فيديوهات البوب جيتار.


نحكي عن السبيك سوفتلي لوف في الها جزئين رئيسيات الاول ( يعزف الاستاذ جورج التمرين ) هذا الاول و بعدين بنحكي عن الجزء الثاني , هسا بدني نحكي عن اخر اربع كوردات بالجزء الاول , هون في بعض الاشياء اللي بدنا نحكي فيها , طبعا انه احنا بنحكي للطلاب انه هون احنا بنعزف الكورد كذا و هون الكورد كذا طبعا على شان انه نعزز الموضوع انه الواحد يعرف انه شو الكورد اللي موجود هون و شو الكورداللي موجود هون , يعني لو في واحد ثاني قاعد بيعزف ( يعزف الاستاذ جورج التمرين ) و انا بدي اعزف معه جيتار و نصير جيتارين , و هذا اشي ممكن تساووه مع زملائكم اذا حابين تعزفوا نفس المعزوفه انه واحد بكون بعزف السولو او حتى السولو مع البيس و واحد ثاني بكون بس بيعمل بالكوردات ( يعزف الاستاذ جورج التمرين ) حلو او ممكن حتى ( يعزف الاستاذ جورج التمرين ) و حتى ( يعزف الاستاذ جورج التمرين ) او التنويع من الثلاثه بكون ممتاز انه بدل ما الواحد يستعجل انه عزفت طيب خليني اعزف اشي ثاني , لا كثير افضل انه تحاول محاولات انه تعطي خلفيه مختلفه او توزيع افضل خلينا نقول لانه هي معزوفه , و اذا مجموعه منكم بتقدروا تعملوها من اولها الى اخرها مع هذا التوزيع انه احنا بدنا نبداها , هي تجارب بدنا نجرب , بدنا نبداها اول اشي فينجيرينج ( يعزف الاستاذ جورج التمرين ) بعدين بعمل ستراميج خفيف ( يعزف الاستاذ جورج التمرين ) بستنى لما يدور الكورد , بعدين بعمل ايقاع جدا جميل , بجوز اللي ما عنده واحد بيقدر يعزف معه اشي انه ممكن انت تجيب ميجل و تسجل السولو ( يعزف الاستاذ جورج التمرين ) هالايام في كمبيوترات انه اذا خربطت مش ضروري انه تطول كثير كثير لحتى تتقنها ميه بالميه بحيث انه تكمل دراستك , فبتقدر تسجل الاجزاء الرئيسيه و تخليه الكمبيوتر يلعب السولو اللي انت سجلته و فعليا انت بتلعب مع نفسك ( يعزف الاستاذ جورج التمرين ) و انت بتعمل الكوردات , فعليا التجربه بهذا المجال اشي جدا جدا قيم , انه في تكرار هون و بتصير تفهم الموسيقى اكثر , قضيه اخرى الواحد بكون مستعجل انه الواحد مش ضروري يكون بيعرف شو الكوردات المهم انه الواحد بيعزف هون و بضرب الوتر هذا , ماشي انه بضرب الوتر هذا جزء من العمليه بس انك تدرك انه هذا الوتر E افضل و بلعب دور كثير مهم مستقبلا.


في ناس بيختصروا وقت هون انه بدهم يعزفوا بسرعه فبعانوا من مشكله لاحقا , فهو ضروري و انا بديش اشرح ليش ضروري هو ضروري رد علي انا مريت فيها , اذا بنحاول على قددر الامكان انه لما بنشتغل انه انا اكون مدرك شو الكورد اللي انا ماسكه , طيب الجزء الرابع , بدنا هسا نفوت في موضوع مختلف شوي ومش رح اشرح الموضوع بس بدي احكي انه موجود انه كثير ناس بتيجي بكون عندهم فكره عن الموضوع و بيعزفوا الكوردز الاساسيات و الفينجيرينج , بس بيوقعوا بموضوع الكوردز ( يعزف الاستاذ جورج التمرين ) زي كورد G سيفينث ( يعزف الاستاذ جورج التمرين ) D سيفينث ( يعزف الاستاذ جورج التمرين ) B سيفينث ( يعزف الاستاذ جورج التمرين ) فبسألوا اه شو سيفينث و شو كورد السيفينث , طبعا بديش اشرح شو هو كورد السيفينث , همه كوردات مختلفين شوي عن الكوردات اللي بنعرفهم , و بتبلش هون تبين ليش الكوردات الاساسيه لازم الواحد انه يعرفهم بالاسم , برضو في حاله ثانيه انه واحد بيقول الك انه في اغنيه فيها كوردز هيك ( يعزف الاستاذ جورج التمرين ) و هيك ( يعزف الاستاذ جورج التمرين ) و هيك ( يعزف الاستاذ جورج التمرين).


طيب شو الكوردز هذول ؟ ما بعرف اساميهم خلص انا بعرف اعزفهم , المهم انه انا بعرف اعزفهم , لا المهم انه تعرف الاسامي و تكون معلوماتك الموسيقيه متينه اكثر , طيبهسا في عندنا كورد , كورد جديد بدنا نمسكه يعني من قبل ما نوصل المقطع اللي مطلوب فيه الكورد هذا هسا بدنا نحكيه , السطر الاخير من الجزء الاول الكوردات الاخيره هيه ( يعزف الاستاذ جورج التمرين ) احنا وصلنا لهون ( يعزف الاستاذ جورج التمرين ) هسا عندنا ال E ماينور ( يعزف الاستاذ جورج التمرين ) بعدين A ماينور ( يعزف الاستاذ جورج التمرين ) بعدين هذا الكورد اللي هو ال B سيفينث ماينوس ناين اللي بتنكتب B سبعه ناقص تسعه , اللي هو خلينا نعتعبر انه الكوردات السيفنث اللي حكينا عنهم قبل شوي هي كوردات مركبه , هذا مركب مرتين , فضروري تعرف الاسم لانه رح تفوت لاحقا بالنظريات و لازم تفهم انه ليش الكورد هذا استخدمه و انت مش عارف اسامي الكوردز مش رح تزبط , فاحفظوا الاسامي , طيب ( يعزف الاستاذ جورج التمرين ) اذا مش بس اسمه فيها شويه تعقيد كمان مسكته مش كثير ( يعزف الاستاذ جورج التمرين )انه حتى اللي بنتقل بين الكوردات بكل سهوله بلاقي انه في اشي هون مش طبيعي , طيب هاي مسكته , انا بسمي الكوردات اللي زي هيك بحب افكر بموضوع الساندويشات لانه الاصبع الاول ماسك الوتر الرابع و بننط عن الثالث وبنمسك الثاني و نفس النمط هسا موجود لهذولالاصبعين هون و هون ( يعزف الاستاذ جورج التمرين )يعني اذا بدك تحاول من الاول تعمل هيك و اصابعي لازم يجوا مع بعض زي الاستاذجورج , لا اعرفوا انه الاستاذ جورج كان يمسكهم هيك واحد واحد و مع الايام بتصير تمسكهم بسهوله و بسرعه ف تخافوش, بس فكر بطريق سليمه من اولها بجوز بتتذكروا في اول دروس لما كنا نمسك كوردات بسيطه كنا نمسك اصبع اصبع ( يعزف الاستاذ جورج التمرين ) و ما زالت , اذا الكورد الاخير حكينا انه اول كورد من السلسله الاخيره و السطر الاخير هي( يعزف الاستاذ جورج التمرين ) E ماينور ( يعزف الاستاذ جورج التمرين ) A ماينور B( يعزف الاستاذ جورج التمرين ) سيفينث ماينوس ناين ( يعزف الاستاذ جورج التمرين ) و بنرجع الى ال E ماينور ( يعزف الاستاذ جورج التمرين) و خلصنا هيك المقطع الرابع."