يبدأ الأستاذ جورج بالحديث عن الـروك آند رول وضرورة التمييز بين الألوان الموسيقية المختلفة ويعطي أمثلة من الروك والـبلوز. يتحدث عن الشكل الموسيقي ١٢ بار بلوز وهو البلوز من ١٢ ايقاع والذي شكل القالب للروك آند رول مع إعطاء أمثلة على أغان في هذا القالب.
جورج النجار:
"اهلا بكم في اعزف دوت كوم هاذ الدرس رقم اثنين وعشرين من السلسله الثانيه من اساسيات البوب جيتار.
رايحين نحكي هسا عن موضوع كثير حلو اله علاقه بجوز فيه شموليه كثيره بنحكي فيه عن تاريخ الموسيقى واسس الموسيقى للجيتار، بدنا نحكي عن اشي اسمه روك اند رول ، روك موسيقى الروك لاعبه دور كثير كبير بأي بوب قاعد بتسمعه ، روك الي اجا من الروك اند رول الي اجا من البلوز القديم احنا بنسمع موسيقى البلوز وبجوز مش كثير ناس بسمعوا لبلوز لكن عازف الجيتار في ضروره الواحد يميز بين الاشكال الموسيقيه لانه بتقوييك كعازف انت بتعطي الحس المزبوط لانه انت بجوز ( يعزف الاستاذ جورج التمرين). يعني أي واحد بسمع الحكي هاذا الي بسمع بلوز بعرف انه هاذا بلوز انما ( يعزف الاستاذ جورج التمرين ) بعرف انه هاذا روك اند رول ، انما بجوز تكون عنا شغله زي ( يعزف الاستاذ جورج التمرين ) صار روك ، لكن في تسلسل تاريجي بين الانواع الثلاثه الي عزفتهم بهاذ الترتيب ، يعني بتقدرش تحكي انه ممكن يكون في اشي اسمه روك بدون الروك اند رول او روك اند رول بدون بلوز ، طيب هاي بدنا نكتفي شوي بموضوع التاريخ عشان نتعرف على الاسامي بلوز روند اند رول يعني عن ايش بحكي هالزلمه ، طيب في شكل موسيقي بنقدر نسميه يعني في عنا الاغنيه ، احنا بنسمع اليوم الاغنيه وبنوخذ منها الاعتبار الاغنيه الي احنا معروفه شو الاغنيه بس مرات الواحد مابكون مدرك الاغنيه بالشكل الي احنا بنعرفها الان احنا قاعدين اثناء دروس الجيتر بنحكي عن المقطع الاول والمقطع الثاني والى اخره ، مرات الواحد ما بدرك قبل انه من ايمتى صار في من ايمتى الاغنيه مدتها تقريبا هيك ، احنا كشعب عربي احنا بنعرف فنانين يعني مثل كأم كلثوم مافي ميه بالميه اغنيه مدتها ثلاث دقايق ونص فمن ايمتى وكيف الموضوع صار هيك، طبعا الواحد لحتى يدرك الاشياء بده يرجع شوي بالتاريخ ومرات في اشياء بتفاجأ الواحد انه هاذ الحكي اله علاقه باختراع الراديو ،انه الاغنيه كما احنا بنعرفها الان اخذت الشكل هاذا لانه يلي احنا بنقدر نسميه الشكل التجاري للاغنيه ، برضو احنا مابدنا نفوت بتفاصيل هاي وياريت لو تقرؤا عنها ، الشكل الموسيقي في عنا سيمفونيه السيمفونيه من الاشكال الموسيقيه يعني الواحد مرات بسمع موسيقى كلاسيكيه بقول والله هاي سمفونيه ، لا السيمفونيه الها معطيات خاصه فيها برضو بدناش نفوت بتفاصيل ما هيه السمفونيه.
في شكل من اشكال الشكل الموسيقي للبوب ميوزيك لحنل بنسميه اسمه العالمي تويلف بار بلوز ، تويلف با بلوز شو بتيجي عنا ، بلوز من اثناعشر ايقاع هاي ترجمتها الحرفيه عنا بلوز من اثناعشر ايقاع ، البلوز من اثناعشر ايقاع كان نوع من القال يعني كان جدا مشهور يعني بلش انتشاره بالولايات المتحده بالاربعينات تقريبا او اواخر الثلاثينات ، وفعليا صعب انك تفصل ما بين التويلف بار بلوز و الروك اند رول لانه معظم اغاني الروك اند رول كانت تويلف بار بلوز يعني يكتبو على قالب معين ، طبعا للانسان المش موسيقي ويلي ما بعرف بالكوردز او الاشياء هاي هاذ كلام بجوز ليس له معنى لكن بالنسبه النا ( يعزف الاستاذ جورج التمرين ) لو بدنا نمسك هاي ايقاع على E ميجر ( يعزف الاستاذ جورج التمرين ) ايقاعين ( يعزف الاستاذ جورج التمرين )ثلاثه ( يعزف الاستاذ جورج التمرين ) اربعه ( يعزف الاستاذ جورج التمرين ) هسا الايقاع الخامس بدنا نروح على ال A ( يعزف الاستاذ جورج التمرين ) و كذلك لما السادس ( يعزف الاستاذ جورج التمرين ) السابع بنرجع لل E ( يعزف الاستاذ جورج التمرين ) والثامن ( يعزف الاستاذ جورج التمرين ) التاسع على ال B سيفنث ( يعزف الاستاذ جورج التمرين ) العاشر على ال A ( يعزف الاستاذ جورج التمرين ) الحداعش على ال E ( يعزف الاستاذ جورج التمرين ) الثناعش هي صارو اثناعشر ايقاع ( يعزف الاستاذ جورج التمرين ) على الB سيفيتث ، لاحظا انه مش اثناعشر كورد همه ثلاث كوردات ، فيك تعتبرهم اثناعش لانه في ال E وبعدين في ال E الي بعده وبعدين في ال E الي بعده بس بجوز اسم ما تدقق اثناعش ايقاع ، كلها كامله E ( يعزف الاستاذ جورج التمرين ) اثنين ( يعزف الاستاذ جورج التمرين ) ثلاثه ( يعزف الاستاذ جورج التمرين ) اربعه ( يعزف الاستاذ جورج التمرين ) خمسه ( يعزف الاستاذ جورج التمرين ) ومن اول ( يعزف الاستاذ جورج التمرين ) في كثير بجوز مئات الاغاني انكتبت عنها فيكوا تسمعوا اغاني الروك اند رول القديمه مثل بيل هالي المغني بيل هالي بأغنيه روك اند رول كلوك القالب الي همه ماشيين عليه ميه بالميه تويلف بار بلوز ، عند لافس بريسلي جيل هاوس روك للتل ريتشارد لوسيل عندك رول اوفر بتهوفن لتشيك بيري ، هذول كلهم فنانين مؤسسين الروك اند رول ، يعني بتلاحظ الاغنيه يعني نوعا ما ماشيه على نفس القالب الثناعشر كورد هذول احنا طبعا مع الترانسبوسيشن ممكن ما يكونو من ال E ميه بالميه بس رح تشوفوا لسبب بدنا نوخذهم كمان شوي من ال E."
