يكمل الأستاذ جورج بالمقطع الثالث من أغنية إماجن وكيفية النقل ما بين مقطع وآخر. المقطع الثالث مكون من أربعة كوردات وهي الـ إي سي جي إف.
جورج النجار:
"اهلا بكم باعزف دوت كوم ، هاذ الدرس رقم عشرين من سلسله الثانيه من اساسيات البوب جيتار ، احنا قاعدين بنحكي عن اغنيه ايماجن.
شفنا المقطه الاول والمقطع الثاني وبدنا نحكي هسا عن المقطع الثالث بالاضافه لبعض التفاصيل بالنقل بين المقاطع ، في شي بجوز لمسناه بالاول بمراحل عديده من تعليمنا عالجيتار ، وهذا بحصل في أي اله موسيقيه ، انك تكون عندي مثلا مقطع اول من اغنيه خلينا نسميه A وعندي مقطع ثاني نسميه المقطه هاذا الثاني B ، انا بنمرن كثير كثير كثير عالمقطع A صار هذا المقطع عندي ممتاز وبتمرن كثير كثير كثير عالمقطع B برضو صار عندي ممتاز ، فبتهيألي لما بدي اعزف الاغنيه رح يعني موضوعها يكون سهل انه اعزف المقطع A ثم B لانه انا بعرفهم الثنين مزبوطين ، بنتفاجأ انه النقل او منطقه النقل مابين A و B مرات العمليه بدها تمرين لحالها ، يعني الواحد بكون بخربط فيه انه طيب ليش ما انا بعرف A مزبوط و B مزبوط ، فبما اننا هلا بنعزف اغنيه من ثلاث مقاطع بدنا نهتم بالموضوع هاذا واماجن بالذات النقل بين المقاطع تبعاتها سيء مافي امور او تخيلات خاصه انه ضروري نهتم فيها ، المقطع الثالث وانتو سامعين الاغنيه طبعا بيجي بمكان بعد ال G سيفينث ( يعزف الاستاذ جورج التمرين ).
خلينا نعمل مقطع ثانيونرجع للمقطع الاول زي ما سوينا بالدرس الماضي ( يعزف الاستاذ جورج التمرين ) ومافي مشكله معاها لتحت بتلاقي نفسك انه مجرد انه تفكر انه في مقطع ثاني وبدي اروح للمقطع الاول ممكن توخذ معك ثانيه زياده وبتوقف الاغنيه ، بدها تمرين يعني مو غلط انك تتمرن على المقطع هاذا كما سويته انا هسا ( يعزف الاستاذ جورج التمرين ) اوك هسا المره الثانيه لما ( يعزف الاستاذ جورج التمرين ) هسا بدي اروح عالمقطع الثالث ( يعزف الاستاذ جورج التمرين ) اوك بنكتب الكوردات اول اشي همه اربع كوردات بظلوا يتكرروا همه F ( يعزف الاستاذ جورج التمرين ) G ( يعزف الاستاذ جورج التمرين ) C ( يعزف الاستاذ جورج التمرين ) E ميجر ، كمان مره صاروا اربع كوردات على السطر ، نعيد ونفس الاربع كودات كمان مره ( يعزف الاستاذ جورج التمرين ) E ميجر ( يعزف الاستاذ جورج التمرين ) كمان مره الثالثه ( يعزف الاستاذ جورج التمرين ) انما المره الرابعه يعني اشي مختلف عشان بدنا نرجع ل ( يعزف الاستاذ جورج التمرين ) المقطع الاول ( يعزف الاستاذ جورج التمرين ) مافي E بنعتبرها انه هونا كأنها ساكته ، هيه مش ساكته بدنا نشوف كمان شوي ايش اللي بصير فيها.
بنحكي هسا انه هونا مختلف طبعا مختلف من ناحيتين لانه المقطع الثالث برضو في اله مخرجين يعني خلينا نشوف يعني الموضوع صار هيك بلخبط ، المقطع الثاني مره ممكن ارجعه للمقطع الاول ومره ممكن يوديني على المقطع الثالث ، برضو اسمع الاغنيه واذا بتحب تكتب على ورقه نوع نت الخريطه انه ايش اللي بصير ، سميه المقطع الاول A او أي حرف او رقم سميه واحد والمقطع الثاني اثنين والمقطع الثالث ثلاثه ، فيعني فيك تكتب مربعات انه واحد اوك سهم بروح على اثنين برد يرجع لواحد لانه هاذا كثير بريح في ناس مرات بنسو كلمات الاغنيه ، و يعني باسلوبك الخاص المهم يكون عندك صوره واضحه انه ايش او كيف الاغنيه بتتصرف وكيف بروح انا.
طيب حكينا انه المقطع الاول دايما بودي عالمقطع الثاني ، المقطع الثاني مرات برجع على المقطع الاول و مرات بروح عالمقطع الثالث ، المقطع الثالث كل مره برجعني على المقطع الاول شبه كأنه ببلش الاغنيه من اول وجديد ، ماعدا في النهايه لانه في النهايه بنتهي هيك ( يعزف الاستاذ جورج التمرين ) على ال C بدون E."
