في الجزء الثاني من الدرس يكمل جورج بالأسلوب الثالث لعزف البار كوردز وهو مزج بين الأسلوب الأول والثاني المستعرضين في الدرس السابق. ينصح جورج بالتدرب على الأساليب الثلاثة لزيادة المعرفة و فهم الجيتار. كما يتناول جورج كورد جديد وهو الـ بي سيفينث (أو من الدرجة السابعة) ينهي جورج في هذا الدرس مقطوعة فيلم العراب ولكنه يترك النهاية الأجمل للدرس القادم ويتناول فيه التوزيع الموسيقي في الجيتار.
جورج النجار:
"الاسلوب الثالث هو انه لما بنزل بنزل هيك ( يعزف الاستاذ جورج التمرين ) و اعزف مزبوط و كأنه بار كورد.
هسا الوتر هذا اللي بدي اعزفه الثالث عند النهايه ( يعزف الاستاذ جورج التمرين ) رح تلاحظ انه البار فعليا رح احتاجه بس على شان النغمه هاي ( يعزف الاستاذ جورج التمرين ) فانا بنزل البار لما احتاج ( يعزف الاستاذ جورج التمرين ) نزلت البار لما احتجته ( يعزف الاستاذ جورج التمرين ) طبعا الاسلوب هذا كثي كويس لانه قريب للاسلوب اللي بدنا اياه اللي هو ال F و منه البار كمان انت مش مضطر تمسك البار طول الوقت انت بتنزل باصابعك هون ( يعزف الاستاذ جورج التمرين ) و رح تلاحظ انه لما بتنزل مش ضروري ترجع كمان مره انزل و خليك لانه كلهم ثلاث نغمات ( يعزف الاستاذ جورج التمرين ) و هون بتروح على الكورد للي بعضه , جربهم الثلاثه و شوف شو اللي بناسبك و السيناريو الاحسن انه تشتغل فيهم الثلاثه لانه بتزيد معرفتك الجيتاريه , طيب بعد الكورد ال F هذا انت مطلوب منك كورد ال B سيفينث هذا الاصبع هون و هذا هون و هذا هون و هذا هون الاصبع الثاني على الوتر الخامس بالخانه الثانيه ( يعزف الاستاذ جورج التمرين )الوتر اللي تحته مباشره اللي هو الرابع بتحط الاصبع الاول لكن على الخانه الاولى ( يعزف الاستاذ جورج التمرين )الوتر اللي بعده مباشره بتحطه على الاصبع الثالث بالخانه الثانيه ( يعزف الاستاذ جورج التمرين ) انسى الوتر اللي تحته خليه فالت ( يعزف الاستاذ جورج التمرين ) الاصبع الرابع بتحطه تحت خالص( يعزف الاستاذ جورج التمرين ) احنا رايحين نتعلم الكورد كامل بالرغم من انه مش رايحين نقرب على الوتر الاول بس احفظه هيك , و العزف فيه بعد ما تطلع من كورد ال F بتعزف الوتر الخامس مع الثاني ( يعزف الاستاذ جورج التمرين ) و لعبه البيس ( يعزف الاستاذ جورج التمرين )هو فعليا كأنه خلصنا.
طيب نعزف المقطع الثاني باكمله ( يعزف الاستاذ جورج التمرين ) حتى ضليتني خاشش عمدا على المعزوفه كمان مره , هيك فعليا خلصنا المعزوفه بس ضل شغله انه بدي انهيها , كيف ؟ لانه فعليا ممكن بالبدايه اوك يا شباب بدنا نعزف سبيك سوفتلي لوف ( يعزف الاستاذ جورج التمرين ) طيب كيف بدي انهي هسا ؟ اوك وصلت لهون انا ( يعزف الاستاذ جورج التمرين ) وين بدي اروح يعني هي بتخلص لما نهايه المقطع الاول ( يعزف الاستاذ جورج التمرين ) كان ممكن انهيها هيك بس في نهايه بالحقيقه اجمل من هيك و الها دخل بالتوزيع الموسيقي و التوزيع على الجيتار بنشوفه بالدرس الجاي."
