يبدأ جورج الدرس بكيفية إنهاء مقطوعة فيلم العراب ويتكّلم عن التوزيع الموسيقي و يعطي مثال من أغنية هوتيل كاليفورنيا و يتابع بأهمّية نهاية المقطوعات الموسيقية و يطّبق مع إعطاء نصائح مهّمة للعازفين Speak Softly Now Hotel California.

جورج النجار:

"اهلا بكم في اعزف دوت كوم هذا الدرس السابع عشر من السلسله الثانيه من اساسيات البوب جيتار.

طيب هسا بدنا نعمل نهايه لمعزوفه ال سبيك سوفتلي لوف معزوفه الجود فاذير فقلنا المره الماضيه انه ممكن انهيها مجرد نهايه المقطع الاول يعني بعزف المقطع الاول بعزف المقطع الثاني بعدين المقطع الاول كمان مره بعدين بنهي , طيب انا بدي اعمل غير هيك يعني بعزف المقطع الاول بعزف المقطع الثاني بعدين المقطع الاول بعدين الثاني و بعدين الاول و بنهي طيب انه كمان بتطول كمان مره بتصير ممله يعني اذا بتطولها بدها تصير ممله و هذا بنفوت على جزء من الموسيقى اللي هو التوزيع الموسيقي بالتوزيع الموسيقي رح تلاحظ اسمع الالحان حتى الالحاتن الكلاسيكيه و الالحان الاوركيستراليه بتلاحظ مرات انه نفس اللحن بيتكرر بس فيه نوع من التنويع مرات بكون هذا التويع انه مرات بكون الفلوت و التشيللو بيعزفوا على الخلفيه و المره الثانيه بيكون الكمنجات و الاوبوا او أي تنويع بده اياه المؤلف , بنرجع كمان مره ل هوتيل كاليفورنيا , بهوتيل كاليفورنيا ببلش الفينجيرينج بالبدايه و بعدين ببلش المغني مع الايقاع , بغني المقطع الاول ما فيش اشي و بدخل بالمقطع الثاني كمان ما فيش اشي تقريبا نفس الاشي بس فيه شويه عزف على الجيتار اكثر و كلمات مختلفه و كمان المره المقطع الثاني, المقطع الثالث ما بيعزفوا ايقاع بيعزفوا كمان مره اللي هي المقدمه( يعزف الاستاذ جورج التمرين ) و بعدين بيرجع ايقاع كمان مره ( يعزف الاستاذ جورج التمرين ) و كل هذا الكلام توزيع موسيقي , مدرسه الموسيقى سألت مره انه ليش كل قطعه موسيقيه الها نهايه؟

على شان تنتهي , و هي كان جوابها رائع انه النهايه موجوده على شان الناس توقف و تزقف , مزبوط يعني بنقدر نعتبر انه القطعه الموسيقيه لما انت بتعزف قدام الناس هو كأنه كائن اله اجزاء و اله معنى و الناس بدها تعيش مع الاشي اللي بتعزفه , و بجوز حدا يقول انه هذا الاشي كثير بكير احنا لساتنا بنحكي اساسيات , لا هو مش بكير لاحظ انت لما بتعزف الجود فاذير كمبدأ مش صعبه ومش كثير صعبه ممكن أي واحد اذا اشتغل فيها يعزف اشي كثير حلو لدرجه انه ممكن تنحط كما هي خلفيه لفيلم , لكن بدنا ننهيها بدنا ننهيها بطريقه حلوه تخلي المستمع يحس انه هاي النهايه , النهايه رح تكون كالاتي , سواء احنا عدنا المقطعين الاول و الثاني سواء مرتين او مره النهايه رح تكون لما بتنهي المقطع الاول بس انت لما بتعزف المقطع الاول ينعمل هيك بشكل سريع على شان نعرف احنا وين ( يعزف الاستاذ جورج التمرين )و هون صار جزء حساس , عادتا انت هون بتعمل ( يعزف الاستاذ جورج التمرين )هيك بنساويه , هسا بدنا نعيد من عند ( يعزف الاستاذ جورج التمرين ) هون الكثير حكى وين ؟ و هون بنرجع لموضوع انه مهم انه نجزء لانه ما تمسك قطعه موسيقيه كقطعه وحده لانه لما بتعزف انت كأجزاء انت بتعرف حالك وين بتعرف انت شو اللي لازم تساويه هسا و هاي احتجناها , يعني في عندي في المقطع الاول انت بتمشي الى مكان ما و بعدين بتكمل المقطع هذا و هسا بدي اوصل الى مفترق طرق , اذا اول مره انا بعملها ( يعزف الاستاذ جورج التمرين )ثاني مره بعيد من هون ( يعزف الاستاذ جورج التمرين ) نفس الاشي تقريبا ( يعزف الاستاذ جورج التمرين )لغايه هون نفس الاشي , المفروض هون اروح على الوتر هذا الثالث و انهيها ( يعزف الاستاذ جورج التمرين ) بس ما بدنا نعمل هيك , بدي اعيد الثاني كمان مره ( يعزف الاستاذ جورج التمرين ) يعني صفى الوتر الثاني معزوف مرتين , هسا بدي اعيد على شان ما يصير خربطه و بالحقيقه بدي اعيد المرتين العاديه و اللي بتعمل الفرق , عادي ( يعزف الاستاذ جورج التمرين ) بنروح على ال A ماينور ( يعزف الاستاذ جورج التمرين ) للكورد هذا ( يعزف الاستاذ جورج التمرين )هوهاي المره الاولى ( يعزف الاستاذ جورج التمرين ) المره الثانيه ( يعزف الاستاذ جورج التمرين ) نفس الكورد ( يعزف الاستاذ جورج التمرين ) لاحظ عزفت الوتر الثاني مرتين و بروح للخانه الرابعه بالوتر الثاني ( يعزف الاستاذ جورج التمرين ) و هسا انا بنهي بال E ماينور ( يعزف الاستاذ جورج التمرين ) , لاحظ انا لما اجزء و احكي شوي شوي و بنشوف الموضوع كيف , خلينا نشوف ايش اللي بيحصل فعليا , اوك خليني اعزف المقطع الاول سريع ( يعزف الاستاذ جورج التمرين ) هون ( يعزف الاستاذ جورج التمرين ) اول مره ( يعزف الاستاذ جورج التمرين ) بعيد من هون ( يعزف الاستاذ جورج التمرين ) يعني المستمع مجرد ما انت رحت ( يقرأ الاستاذ جورج التمرين قراءه ايقاعيه ) بحس انه الموضوع مختلف و بحس انك قاعد بتنهي و انا انهيت فعليا و صار الموضوع جدا حلو , و هون في كثير بيسألوا انه كيف ترتيب المقاطه ؟ جرب بجوز انت تعزف المقطع الاول و ترد تعزف المقطع الثاني و بترجع للمقطع الاول و اذا بدك تنهي من المقطع الاول بدك تنتبه انه بتعزفه كامل و بترجع لجزء منه زي ما قلنا راجع الفيديو و تأكد وين و بتنهي و ضروري رساله هون انه انت لازم تنتبه للامور هاي لانه مرات انت بدك تعزف اغنيه بتعزف مقطع اغنيه و بتعرف الكوردز و هذا على اساس انه هي مش مهمه لا , لبيرفورمينس لعازف بدك تعزف امام ناس بدك تعمل زي القصه لانه ما بيصيرش انه تحكي قصه و بعدين والله انا نسيت النهايه انه خلص و الله هاي مثيره و انا هاي اهتميت فيها , لا المستمع دبه يسمع القصه كامله. 

و بنشوفكم بالدرس الجاي."