الدروس
03:34:60 ساعة
47 الدروس
الجيتار
التحضير للأربيجيو
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

بتحّدث طارق عن مبدأ ”التحضير“ باليد اليمنى ل( الأربيجيو) و هي طريقة عزف النوتات المكونة للكودر بطريقة متتالية و التمارين المتعلقة بذلك في الجيتار الكلاسيكي للوصول إلى التحّكم بالسرعة.


طارق حرب:


"مرحبا أنا طارق حرب من اعزف دوت كوم.


واليوم لسه بدنا نكمل على مواضيع تكنيك البحت بالدرس رقم حداش على الآربيجيو بلانتيج أو تحضير للعب الأربيجيو شو معنى آربيجيو شرحنا قبل كورد معناته تلات نوتات أو أكتر نلعببهم مرة واحدة (يعزف الاستاذ طارق التمرين) زي هيك آربيجيو هو تحضير للكورد بس عم نلعب نوتة ورا نوتة (يعزف الاستاذ طارق التمرين).


هادا هو الآربيجيو بس إله طريقة معينة في التحضير مختلفة شوي عن السينجل نوتس وعن البلوك كوردس زي ما حكينا قبل أوكي خلنا نبسط الموضوع بدي أقولكم إن فيه طرقتين لتحضير الآربيجيوس أوكي إحنا لما نسمع النوتات زي هيك (يعزف الاستاذ طارق التمرين).


عم بيطلعو بالصوت صح إذا عم نسمعهم هيك (يعزف الاستاذ طارق التمرين) عم بينزلو بالصوت من عالي لواطي من نوتة عالية لنوتة واطية وهادية (يعزف الاستاذ طارق التمرين) من نوتة واطية لنوتة عالية أوكي ف فيه طريقة تحضير مختلفة لهاي الشغلتين ليش عشان تكنيكيا باليد اليمنى عم باسوي إشي مختلف عشان أسوي آربيجيو من واطي لعالي أو آربيجيو من عالي لواطي أوكي هو شوي شكله معقد الموضوع بس خليني أشرحلكم آربيجيو من واطي لعالي زي هيك (يعزف الاستاذ طارق التمرين) جملة من عالي لواطي (يعزف الاستاذ طارق التمرين).


يعني لما أعزف آربيجيو متصاعد بالصوت عم باتصاعد بردو ع الجيتار أو ممكن إنه فيه ناس بيشوفوها إنه عم بانزل ع الأوتار عشان عم باطلع من الخامس بانزل للأول أوكي فيكو تفكرو فيها زي ما بدكم بس المهم إنه الصوت عم بيطلع النوتة عم تعلى هادا بنسميه أسينديج آربيجيو أو آربيجيو متصاعد بغض النظر عن هو هلا أنا عم بانزل الأوتار ولا باطلع الأوتار المهم الصوت إيش عم بيصير فيه (يعزف الاستاذ طارق التمرين) الصوت عم بيطلع معناته هادا آربيجيو متصاعد (يعزف الاستاذ طارق التمرين).


الصوت عم بينزل من عالي لواطي معناته آربيجيو نازل في الصوت أو ديسيندينج آربيجيو بنسميه الأسيندينج آربيجيو بنسميه باكيجيد بلاننينج ليش باكيج يعني زي أكنه عم باحط الأصابع كباكيج كلهم كيونيت واحدة لاحظو آز آ باكيج عم باحطهم وبعدين عم بالعب واحد ورا التاني (يعزف الاستاذ طارق التمرين) كمان مرة (يعزف الاستاذ طارق التمرين).


لاحظو إن كل أصبع لساته محضر ع الوتر اللي عم بالعبه ما بالعب زي هيك (يعزف الاستاذ طارق التمرين) إنه كل واحد ورا التاني زي هيك لأ في الأسيندينج آربيجيو البلانتينج تبعه باحط اليد كيونيت و بالعبه واحد ورا التاني (يعزف الاستاذ طارق التمرين) خلني أعطيكم تمرين خفيف أربع مرات بدنا نسويها بعد ما نلعب الآربيجيو بدنا نرجع نحضر اليد ككل لاحظو (يعزف الاستاذ طارق التمرين).


بردو لاحظو كيف هاي فري ستروك الأصابع عم بيدخلو لباطن اليد وأنا عم بالعب (يعزف الاستاذ طارق التمرين) بيصفي عندي قبضة يد بالأخير من غير فورسينج من غير قوة عضلية بس عم باخلي الحركة تكمل حركة الأصبع تكمل (يعزف الاستاذ طارق التمرين) سووها أربع مرات (يعزف الاستاذ طارق التمرين) مع التحضير قبل (يعزف الاستاذ طارق التمرين).


هادا بنسميه باكيجيد بلانتينج للآربيجيو المتصاعدة أو الأسيندينج آربيجيو هلا إذا بدي ألعب ديسيندينج آربيجيو بابلش من الوتر الأول بالعب تاني تالت بعدين خامس أو سادس أو رابع اللي بدكم إياه يعني بس خلينا نخلي على الخامس هلا حاليا عشان كلنا نكون متناسقين مع بعض البلانتينج تبع الآربييو النازل أو الديسيندينج آربيجيو بنسميه سكوينشال بلانتينج أو اللي هو التحضير المتتالي أصبع ورا أصبع زي كيف أتعلمنا في الآي إم واحد ورا التاني (يعزف الاستاذ طارق التمرين) نفس الشي في الآربيجيو نلعب الأيه (يعزف الاستاذ طارق التمرين).


الإم بيحضر نلعب الإم (يعزف الاستاذ طارق التمرين) الآي بيحضر نلعب الآي (يعزف الاستاذ طارق التمرين) البي بيحضر وهكذا (يعزف الاستاذ طارق التمرين) صار عندي تحضير قبل عزف كل نوتة في الآربيجيو مع التحضير (يعزف الاستاذ طارق التمرين).

باقدر أختار السرعة اللي بدي إياها الأسيندينج آربيجيو كباكيج (يعزف الاستاذ طارق التمرين) باقدر ألعبها قد ما بدي بس باحط الباكيج (يعزف الاستاذ طارق التمرين) ذا فينجرز.


أوكي في المستقبل راح نتدرب عليهم هادول مع الميترونوم اللي هو اللي بيعطيك الإيقاع عشان تخلي الوضع متناسق العزف بإيقاع صح لاحظو كيف السكوينشال والباكيج بلانتينج بيجو ورا بعض بداية بالباكيج بلانتينج عشان صاعد بالآربيجيو (يعزف الاستاذ طارق التمرين) بعدين سكوينشال (يعزف الاستاذ طارق التمرين) بيصفي بعدين كمان مرة باكيج (يعزف الاستاذ طارق التمرين).


لاحظو كيف بالكاميرا القريبة (يعزف الاستاذ طارق التمرين) باكيج (يعزف الاستاذ طارق التمرين) سكوينشال (يعزف الاستاذ طارق التمرين) بعدين باكيج سكوينشال أوكي لاحظو هادا كتير مهم الحكي عشان يصير فيه تحكم كامل بالعزف (يعزف الاستاذ طارق التمرين) حتى آخر كورد اللي سويته اللي هو بلوك كورد حطيت الإيدين كلها سويتها بسرعة بس نسويها أبطأ شوي (يعزف الاستاذ طارق التمرين) حضرت (يعزف الاستاذ طارق التمرين) بعدين لعبت كتير مهم هادا الحكي بطريقة بطيئة وبتركيز ويتسوى هادا الحكي كل يوم بيصير عندكم سهولة في التحكم باليد اليمنى في طريقة خرافية يعني. 


و إن شاء الله بتصيرو تعزفو أي مقطوعة بدكم إياها في المستقبل."

عن المدرب
طارق حرب
طارق حرب
حائز على الجائزة الأولى وجائزة اختيار الجمهور في مسابقة باريوس WorldWideWeb 2011، إضافة الى الجائزة الأولى في مسابقة مونتريال الدولية للعزف على الجيتار الكلاسيكي. يعتبر طارق حرب أحد أهم عازفي الجيتار الكلاسيكي في جيله. وصف عزفه بأنه "عزف منساب سلس ومدروس... عازف جيتار يجب مشاهدته!" (د. جاري أنطونيو): " استثنائي موسيقيا ودقة متناهية في التكنيك." (د.الاكساندر دنن). قال الناقد الموسيقي في مونتريال جون واينز الممتحن في الموسيقى الحية أنه "...يتواصل بالموسيقى ليلامس ويحس ما لا يمكن التعبير عنه بالكلام!" كما وصف حرب بأنه "سيد الموسيقى الحزينة." عزف حرب وقدم عروضا على الجيتار في مهرجانات موسيقية مختلفة في أمريكا الشمالية وأوروبا والشرق الأوسط وأمريكا الجنوبية تخللها عروض في أماكن مرموقة مثل قاعة اوسكار بيترسون في مونتريال، كندا، المدرج الروماني ذو ال2000 عام في جرش، الأردن، وفي كونسيرتجيبوف الشهيرة على مستوى العالم في أمستردام، هولندا. تتضمن مخططاته المستقبلية عروضا في طوكيو، اليابان في ديسمبر2012 ضمن فعاليات مسابقة طوكيو ال55 للعزف على الجيتار الكلاسيكي، وكذلك في فعالية TED العالمية 2013 في ادنبرة، اسكوتلندا في يونيو من العام نفسه، اضافة الى العديد من المشاريع الأخرى. بعد انتقاله من الأردن الى كندا، درس حرب كل من الكمان والغيتار الكلاسيكي مع عازفي الجيتار رودي الياس و باتريك كيرني ود.غاري أنطونيو، ومع عازف الكمان كلود جيلينو و كليمنس ميركل من الرباعية الموسيقية بوززيني. كما شارك في العديد من الدروس المتخصصة بما فيها التي تديرها لورنزو ميشيلي ، فييكس جيسون ، بافل شتادل، ريمي باوتشر ، و مانويل باريوكو. يحمل حرب درجة الماجستير في الأداء من جامعة ماكغيل، وعلى درجة بكالوريوس في التجارة من جامعة كونكورديا. وهو يحضر حاليا لشهادة الدكتوراه في الفنون الموسيقية في جامعة تورونتو تحت وصاية الدكتور جيفري مكفادين. و يعزف حرب على أدوات موسيقية من صنع أوتو فونكل و جان رومبرى.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!