الدروس
03:34:60 ساعة
47 الدروس
الجيتار
تركيب الأوتار
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

في الدرس الثالث عشر يشرح طارق كيفية تركيب الأوتار على الجيتار بالطريقة الصحيحة ، و يشرح الطريقتين المعتمدتين في ربط الوتر حسب نوع الوتر إن كان من النايلون الشفاف (الوتر الأول والثاني و الثالث) أو معدني (الرابع و الخامس و السادس) و يبدأ طارق بتركيب الوتر الأول على الجيتار.


طارق حرب:


"مرحبا أنا طارق حرب من إعزف دوت كوم.


واليوم بدي أعلمكم كيف تحطو الأوتار على الكلاسيك جيتار تبعكم طبعا لما تشترو الكلاسيكال جيتار بيكون جاي عليه الأوتار جاهز وصحي ومدوزن وكله ما بتحتاجو تغيرو الأوتار أكيد بس بعد فترة لما تلعبو تتدربو لفترة معينة بيصفو الأوتار مكتومين وصوتهم مش فخم مش زي أول ما جيبتوهم فبنحتاج نغير الأوتار بها الحالة طبعا هادا بيصير بعد يمكن خمس ست أشهر من العزف كمبتدئين بس مع الوقت ومع التقدم في العزف والتدريب أكتر بخلال اليوم لما تصفو تعزفو ساعات باليوم الواحد ممكن تغيرو الأوتار بوقت أقل مثلا.


أنا باغير أوتاري كل أسبوعين عشان باعزف أكتر من تلات ساعات في اليوم ف الزيوت باليدين بيدخلو ع الوتر ويخلوه مكتوم وصوته مش حلو مش زي لما وهو جديد فخلينا نتعلم كيف نغير الأوتار على الكلاسيكال جيتار هلا فيه طريقتين لعمل الربطة من عند البريدج بس هي الطريقتين بيعتمدو على أي وتر عم تستعملوه يعني مثلا الوتر الأول والتاني والتالت عشان إنه نايلون وشفاف وممكن يتزحلق بده ربطة خصوصية غير عن ربطة البيز سترينج زي الرابع والخامس والسادس أوكي فخلنا ناخد الوتر الإي سترينج أنا عندي وتر أنا هون زي ما تشوفو بيجي ملفوف هو بالباكيت تبعه.


فبدنا نفرده وتر النايلون عادة بيكون من الطرفين متشابه يعني ما بيفرق من وين بندخله البريدج ف من أي منطقة إستعملتوه عشان تدخلوه ع البريدج ما بيفرق شكله زي ما هو عدا الوتر البيز زي ما راح نحكي كمان شوي فبناخد أي طرف من الإي سترينج أو الوتر الأول وبندخله بالخازوق تبع الوتر الأول يعني زي ما انتو شايفين فيه ست خزوق للبريدج الخازوق هو محل الوتر الأول بندخله فيه صار زي هيك وهلا بدنا نلفه وننزله من الوتر الأصلي زي ما إنتو شايفين هيك هلا أنا بدي أحاول يعني أشوف إنتو كيف أعتمد عليكم على التفرج يعني أكتر من إنه أنا اقعد أشرح الإتجاهات عشان راح يغلب شوية ف ركزو معاي ع الكاميرات كيف عم باشتغل عشان راح يكون أسهل الوضع.

زي ما إنتو شايفين طلعته ونزلته من تحت الوتر وهلا بارجع بالفه وبادخله بسوي زي عقدة واحدة بس عشان الوتر الإي سترينج هادا والأوتار التريبل ممكن يتزحلقو عشان إنهم نايلون شفاف بحب ألفهم مرتين وتلات مرات زي ما إنتو شايفين هيك بامسكه من هون وخلاص بعدين باشده باليد اليسرى وصفى ماسك بالبريدج ما هيتزحلق زي هيك قد ما باشد عليه أوكي هلا المنطقة الزايدة اللي هون طبعا هاي نقدر نقصها بس بنجيب مقص الوضع سهل كتير يعني باسوي زي هيك وبنقصها وبطلت هيك تخدش الجيتار وصارت بعيدة عن وجه الجيتار ما راح تخدش الخشب بس لسه ماسك بالبريدج وما راح يتزحلق."

عن المدرب
طارق حرب
طارق حرب
حائز على الجائزة الأولى وجائزة اختيار الجمهور في مسابقة باريوس WorldWideWeb 2011، إضافة الى الجائزة الأولى في مسابقة مونتريال الدولية للعزف على الجيتار الكلاسيكي. يعتبر طارق حرب أحد أهم عازفي الجيتار الكلاسيكي في جيله. وصف عزفه بأنه "عزف منساب سلس ومدروس... عازف جيتار يجب مشاهدته!" (د. جاري أنطونيو): " استثنائي موسيقيا ودقة متناهية في التكنيك." (د.الاكساندر دنن). قال الناقد الموسيقي في مونتريال جون واينز الممتحن في الموسيقى الحية أنه "...يتواصل بالموسيقى ليلامس ويحس ما لا يمكن التعبير عنه بالكلام!" كما وصف حرب بأنه "سيد الموسيقى الحزينة." عزف حرب وقدم عروضا على الجيتار في مهرجانات موسيقية مختلفة في أمريكا الشمالية وأوروبا والشرق الأوسط وأمريكا الجنوبية تخللها عروض في أماكن مرموقة مثل قاعة اوسكار بيترسون في مونتريال، كندا، المدرج الروماني ذو ال2000 عام في جرش، الأردن، وفي كونسيرتجيبوف الشهيرة على مستوى العالم في أمستردام، هولندا. تتضمن مخططاته المستقبلية عروضا في طوكيو، اليابان في ديسمبر2012 ضمن فعاليات مسابقة طوكيو ال55 للعزف على الجيتار الكلاسيكي، وكذلك في فعالية TED العالمية 2013 في ادنبرة، اسكوتلندا في يونيو من العام نفسه، اضافة الى العديد من المشاريع الأخرى. بعد انتقاله من الأردن الى كندا، درس حرب كل من الكمان والغيتار الكلاسيكي مع عازفي الجيتار رودي الياس و باتريك كيرني ود.غاري أنطونيو، ومع عازف الكمان كلود جيلينو و كليمنس ميركل من الرباعية الموسيقية بوززيني. كما شارك في العديد من الدروس المتخصصة بما فيها التي تديرها لورنزو ميشيلي ، فييكس جيسون ، بافل شتادل، ريمي باوتشر ، و مانويل باريوكو. يحمل حرب درجة الماجستير في الأداء من جامعة ماكغيل، وعلى درجة بكالوريوس في التجارة من جامعة كونكورديا. وهو يحضر حاليا لشهادة الدكتوراه في الفنون الموسيقية في جامعة تورونتو تحت وصاية الدكتور جيفري مكفادين. و يعزف حرب على أدوات موسيقية من صنع أوتو فونكل و جان رومبرى.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!