يبدأ طارق هنا بالحديث عن مبدأ ”التحضير“ و “ الإرتياح“ للنوتات باليد اليمنى على الجيتار الكلاسيكي.

طارق حرب:

"مرحبا أنا طارق حرب من اعزف دوت كوم.

واليوم بدنا نكمل بدروس تكنيك البحت وهما يمكن من أهم التكنيكس اللي راح نحكي فيهم بالكورس الأول هادا فيه تكنيك اللي بيسموه البلانتينج اللي هو التحضير باليد اليمنى لعزف النوت دايما إذا الواحد بيحضر لشي بيتأكد إنه ما بيفشل فيه.

طبعا نفس الشي في العزف إذا أنا عم بحاضر للنوتة اللي عم بعزفها راح أعزفها مية بالمية زي ما بدي بالديناميك اللي بدي بالفوليوم اللي بدي إياه بلون النوتة زي ما حكينا اللي بدي إياه عندي تحكم كامل على النوتة إذا باحضر قبلها شغلة تانية راح نحكي فيها اللي هي الديناميك بهادا بهاي الحصة فهلا بالنسبة للتحضير مثلا إحنا لما حطينا إيدنا بالأول بالدرس الرابع لليد اليمنى هيك حضرنا إيدنا صح نفس الشي لما آجي بدي أعزف نوتة قبل ما أعزفها راح لازم ألمس الوتر هيك عم باحضر هلا فيه ستيب تاني للتحضير اللي هو اتأكد إنه الوتر عم بيتحضر على اللحم وعم بيلمس الأضفر من الشقة الشمال زي هيك هادا هو التحضير الصح للنوتة أوكي ويذر هي كانت فري ستروك (يعزف الاستاذ طارق التمرين).

أو رست روك لازم نلمس الوتر ونحس فيه قبل ما نعزفه وهذا إشي بنسميه بلانتينج فعشان أعطيكم شوية تمارين لها الموضوع بدنا نعزف فري ستروك وقبل ما نعزف النوتة كل مرة بالآي فينجر بدنا نلمس الوتر ونحاول نمسكه في نفس الوقت يعني بعد ما نعزف النوتة اللي قبلها نمسكه للديوريشن النوتة نفسها يعني مثلا إذا بسوي وان (يعزف الاستاذ طارق التمرين) تو ثري (يعزف الاستاذ طارق التمرين)فور.

أوكي صار عندي الوان والثري عم باعزف والتو الفور عم باحضر كمان مرة وان (يعزف الاستاذ طارق التمرين) تو ثري (يعزف الاستاذ طارق التمرين) فور نجرب بالإم فينجر ع الوتر الأول وان (يعزف الاستاذ طارق التمرين) تحضير إلعب (يعزف الاستاذ طارق التمرين) تحضير نجرب بالأيه وان (يعزف الاستاذ طارق التمرين) تحضير إلعب (يعزف الاستاذ طارق التمرين).

تحضير كتير مهم هادا الحكي هلا الإشي الأهم كمان إللي نفهمه أنه لكل ضربة فيه تلات مراحل عشان تكون الضربة ناجحة مية بالمية المرحلة الأولى هي التحضير والمرحلة التانية هي اللعب زي ما حزرتو مظبوط المرحلة التالتة هي الريلاكسيشن أو الإرتياح بعد الضربة معناته إذا مسكت أوكي إم فينجر على الوتر التاني أول حركة للعب اللي هي تحضير زي ما حكينا تانية حركة هي اللعب (يعزف الاستاذ طارق التمرين).

تالت حركة هي الإرتياح أشيل كل الجهد اللي موجود في الأصبع يعني مرات هادا مظبوط جهد كتير قصير وممكن مابنحسش فيه بس لسه فيه إذا أنا إيدي جايه هيك لجوة معناته فيه أنا عم بابذل جهد أمسك إيدي لجوة لازم اريحها."