الدروس
03:34:60 ساعة
47 الدروس
الجيتار
ضرب الوتر
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يبدأ طارق بالحديث عن الضربات المختلفة لليد اليمنى , أنواعها , كيفّيتها و علاقتها بالأصابع و الجيتار الكلاسيكي.


طارق حرب:


"مرحبا أنا طارق حرب من اعزف دوت كوم.


واليوم بدي إحكي معكم شوي على التكنيك تمارين تكنيكية بحت. 


يعني بعد ما اتعلمنا نطول الأضافر ونبردهم وننعمهم بورق الأزاز زي ما شرحنا بدنا نبلش نتعلم هلا الضربات المختلفة باليد اليمنى وهما كيف يعني مبدأيا هما ضربتين أساسيتين بيكونو واحدة إسمها فري ستروك وواحدة اسمها ريستروك يعني الضربة الحرة في اليد اليمنى والضربة اللي بتريح ع الوتر في اليد اليمنى يعني في واحدة بتكون لما تضرب الوتر بيكون فيه فريدوم بيكون فيه حرية للإصبع إنه يكمل في باطن الكف والضربة التانية ريستروك اللي بنحكي عليها في ليسون نمبر إيت بيكون الأصبع بيضرب في الوتر اللي جانبه فخلينى اشرحلكم.


هلا كيف بيصير الوضع بعد ما حطينا إيدنا زي ما شرحنا في الدرس الرابع حطيناها ع الأوتار بدنا نتعلم هلا كيف نحرك كل أصبع لحاله بس مع مساعدة الأصابع التانيين اللي يشكل كقبضة يد بعد ما نلعب الحركة يعني مثلا بدي ألعب بالآي فينجر على الوتر التالت (يعزف الاستاذ طارق التمرين) بالعب معاه كل الأصابع لجوة زي ما انتو شايفين هيك (يعزف الاستاذ طارق التمرين) هاي الفري ستروك فيه الإصبع إله حرية يمشي كل المجال لجوة أوكي شايفين كيف (يعزف الاستاذ طارق التمرين).


مثلا نجرب الإم على السكاند سترينج بردو بنحرك كل اليد (يعزف الاستاذ طارق التمرين) بتصير كقبضة مهم كتير هاي الحركة (يعزف الاستاذ طارق التمرين) بنسميها فلو ثرو بالإنجليزي (يعزف الاستاذ طارق التمرين) أو متابعة للضربة هي ي كيف لما بتضربو مثلا طابة كرة القدم بالقدم (يعزف الاستاذ طارق التمرين).


والإجر بتكمل بعد ما تضرب الكرة ما بتوقف بالهوا الإجر بتكمل مع الحركة فهاي نفس المبدأ عم نضرب الوتر (يعزف الاستاذ طارق التمرين) وعم نكمل الحركة الكاملة لليد عشان تسوي قبضة يد (يعزف الاستاذ طارق التمرين). 


ومع هاي الحركة بتقدرو تطلعو الصوت اللي بدكم إياه راح نشرحه بالدرس التاسع عن الديناميك وكيف نطلع أصوات مختلفة عالية وواطية في الجيتار فهلا نرجع نحكي عن الفري ستروك بردو زي ما حكينا في اليد اليسرى مهم كتير نحرك الإصبع من المفصل الأول تبع اليد يعني ما نسوي شي زي هيك (يعزف الاستاذ طارق التمرين).


مثلا أوكي بدنا نحرك من المفصل هاد وبندخل لجوة وبنخلي الوتر يمشي على الإضفر ويتركه (يعزف الاستاذ طارق التمرين)زي هيك عشان هيك مهم الأضفر يكون منعم في طريقة إنه ما يكون فيه أي نتوءات عشان الوتر يمشي على الأضفر بطريقة سلسة جدا أوكي شغلة تانية مهمة باليد اليمين البوزيشن عشان نقدر نسوي الفري ستروك بطريقة صحيحة ونمشي على الوتر ما نضرب الأوتار التانية لازم نفكر فيها كيعني كشكل اليد يكون المفصل الأول تقريبا فوق الوتر اللي عم تلعبوه."

عن المدرب
طارق حرب
طارق حرب
حائز على الجائزة الأولى وجائزة اختيار الجمهور في مسابقة باريوس WorldWideWeb 2011، إضافة الى الجائزة الأولى في مسابقة مونتريال الدولية للعزف على الجيتار الكلاسيكي. يعتبر طارق حرب أحد أهم عازفي الجيتار الكلاسيكي في جيله. وصف عزفه بأنه "عزف منساب سلس ومدروس... عازف جيتار يجب مشاهدته!" (د. جاري أنطونيو): " استثنائي موسيقيا ودقة متناهية في التكنيك." (د.الاكساندر دنن). قال الناقد الموسيقي في مونتريال جون واينز الممتحن في الموسيقى الحية أنه "...يتواصل بالموسيقى ليلامس ويحس ما لا يمكن التعبير عنه بالكلام!" كما وصف حرب بأنه "سيد الموسيقى الحزينة." عزف حرب وقدم عروضا على الجيتار في مهرجانات موسيقية مختلفة في أمريكا الشمالية وأوروبا والشرق الأوسط وأمريكا الجنوبية تخللها عروض في أماكن مرموقة مثل قاعة اوسكار بيترسون في مونتريال، كندا، المدرج الروماني ذو ال2000 عام في جرش، الأردن، وفي كونسيرتجيبوف الشهيرة على مستوى العالم في أمستردام، هولندا. تتضمن مخططاته المستقبلية عروضا في طوكيو، اليابان في ديسمبر2012 ضمن فعاليات مسابقة طوكيو ال55 للعزف على الجيتار الكلاسيكي، وكذلك في فعالية TED العالمية 2013 في ادنبرة، اسكوتلندا في يونيو من العام نفسه، اضافة الى العديد من المشاريع الأخرى. بعد انتقاله من الأردن الى كندا، درس حرب كل من الكمان والغيتار الكلاسيكي مع عازفي الجيتار رودي الياس و باتريك كيرني ود.غاري أنطونيو، ومع عازف الكمان كلود جيلينو و كليمنس ميركل من الرباعية الموسيقية بوززيني. كما شارك في العديد من الدروس المتخصصة بما فيها التي تديرها لورنزو ميشيلي ، فييكس جيسون ، بافل شتادل، ريمي باوتشر ، و مانويل باريوكو. يحمل حرب درجة الماجستير في الأداء من جامعة ماكغيل، وعلى درجة بكالوريوس في التجارة من جامعة كونكورديا. وهو يحضر حاليا لشهادة الدكتوراه في الفنون الموسيقية في جامعة تورونتو تحت وصاية الدكتور جيفري مكفادين. و يعزف حرب على أدوات موسيقية من صنع أوتو فونكل و جان رومبرى.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!