في الجزء الثالث يبدأ طارق بشرح كيفية ضرب الوتر باستخدام اليد اليمنى و وصف حركة اليد أثناء و بعد ضرب الوتر ، و يوضح طارق كيفية ضرب الوتر باستخدام أصابع اليد اليمنى. ينتقل طارق لوصف حركة الابهام في ضرب الوتر ثم يوضح طارق الوضحية الصحيحة لليد اليمنى أثناء ضرب أكثر من وتر في نفس الوقت. يختم طارق بكيفية التحكم بعلو أو انخفاض الصوت باستخدام اليد اليمنى.
طارق حرب:
"وكيف ممكن نسوي هيك لما نحط أصبعنا ع الوتر بدنا نلعب لجوة اليد (يعزف الاستاذ طارق التمرين) يصير عنا زي قبضة هذا التمرين كتير مهم وبدنا إنه تو ... الحركة إنه مع إنه إحنا لما نعزف بس نعزف هيك (يعزف الاستاذ طارق التمرين).
بس اللي بدنا نسوي إنه نعزف (يعزف الاستاذ طارق التمرين) ونخلي القبضة زي هيك عشان نتعود ع الحركة الكاملة تبعة الإصبع زي مثلا تخيلو حالكم عم تلعبو بيسبول أو شي بدك تضرب بدكم تضربة الطابة بس لما تضرب الطابة بتوقفو الحركة شو بيصير فيهو الواحد بيتشنج ما بيظبط لازم يكمل حركة البات لورا عشان تضلها الضربة مريحة وناتشيورال نفس الشي في اليد اليمنى لما آجي أنا أعزف و أوقف إيدي زي هيك (يعزف الاستاذ طارق التمرين).
صار في تشنح باليد اليمنى ما بيظبط لازم أكمل الحركة كاملة نفس الشي (يعزف الاستاذ طارق التمرين) زي هيك (يعزف الاستاذ طارق التمرين) خلنا نجربها بالإم فنجر فبتحطو الإم إصبع الإم اللي هو الميديل فينجر على الوتر التاني مع إنه عم نلعبه لحاله بس بدنا ندخل كل الأصابع لجوة قبضة نسوي قبضة يد مع كل الأصابع زي هيك (يعزف الاستاذ طارق التمرين) خلينا نيجي للإصبع الأيه على فرست سترينج أو الوتر الأول نفس الشي بنحطه لحاله وبعدين نلعب كل الأصابع لجوة (يعزف الاستاذ طارق التمرين).
هيك بنتأكد إنه الحركة تكون متكاملة ومفيهاش أي جهد كتير عالي في نفس الوقت عم نطلع صوت عالي وصحي من الجيتار من غير ما نكون عم نضرب ع الفريتس زي ما قولنا قبل والوتر عم بيتحرك بحرية كاملة فيه الصوت يضله ماشي عبال ما إحنا نوقف الصوت الصوت إذا إحنا لعبنا (يعزف الاستاذ طارق التمرين).
بيضله ماشي عشان الوتر إله حرية في الحركة ما خبط في الجيتار ما خبط في الفريتس ما صارله أي إعاقة في الحركة من الوضعية نفسها هاي بدنا نتعلم كيف نلعب بالإبهام أو البي الثامب نفس الشي بدنا نثبت اليد نقطة الإرتكاز صارت بالأصابع التلاتة اللي هما الآي والإم والأية صارت نقطة الإرتكاز زي هيك والثامب صار هو الفري يلعب صار إله حرية يلعب فبنحطه ع الوتر ووبنلعبه زي هيك (يعزف الاستاذ طارق التمرين) نحطه ع الوتر وبنلعبه (يعزف الاستاذ طارق التمرين) إشي طبيعي إنه الإبهام يضرب ع السبابة إشي طبيعي إنه البي يضرب في الآي لما نلعب الإبهام (يعزف الاستاذ طارق التمرين).
هادا أنا بردو بشجع معناته عم بتكملو حركة الإبهام مش عم بتسوو هيك (يعزف الاستاذ طارق التمرين) أوكي لاحظو كيف هيك أنا عم باقلل من حركة الإبهام (يعزف الاستاذ طارق التمرين).
صار فيه تشنج بالإيد وهذا ما راح يضاين معك كتير يعني راح إيدكم راح تتعب بعد فترة ف تكملو الحركة (يعزف الاستاذ طارق التمرين) وبيخبط بالآي حركة صحية هيلثي موف أنا بشجع فيها دائما في اليد اليمنى كمان مرة هيك (يعزف الاستاذ طارق التمرين).
طبعا فيه ضربات مختلفة للوتر راح نحكي فيها في الحصص الجاي آخر شي بدي أركز عليه في اليد اليمنى اللي هي كيف نلعب كل الأوتار مع بعض أو الأوتار اللي لامسينها كيف نلعبهم كلهم مع بعض بهاي الحالة عنا أربع أصابع ماسكين الأوتار معناته راح نلعب أربع نوتات في نفس الوقت زي هيك (يعزف الاستاذ طارق التمرين).
من هاي الحركة بتحسو إنه بردو صارت اليد قبضة بعد ما لعبنا عشان كملنا كل حركة الأصابع نفس الوقت صار عنا قبضة يد هاي فيك تلعب عالي كتير (يعزف الاستاذ طارق التمرين) صوت عالي كتير أو (يعزف الاستاذ طارق التمرين) صوت واطي من نفس الحركة أو (يعزف الاستاذ طارق التمرين).
كيف سويت الجيتار أعلى وليش صار أعلى لما زدت البريشر ع الإسترنجس باليد اليمنى اللي بيحدد علي النوتة في الجيتار هو قد إيش انت بتحرك الوتر من محلة الأصلي هلا الوتر ثابت محله من البريدج للنوت لما نحركه خلينا نحكي مسافة قليلة جدا ونفلته (يعزف الاستاذ طارق التمرين) بيطلع صوت معين صح إذا بدي أزيد الفوليوم أو أزيد علو الصوت تبع هاي النوتة بحرك الوتر أكتر لتحت آي ديبريس ذا سترينج بوطي السترينج أكتر تجاه الجيتار وبافلته (يعزف الاستاذ طارق التمرين) علي الصوت لحاله إذا بدي أوطي النوتة تكون نوتة خفيفة وحلوة و ما تكون عالية كتير بس باوطي بس باحط أصبعي على الوتر أوطيه شوي وألعب (يعزف الاستاذ طارق التمرين).
صارت النوتة واطية نفس الشي لما أحط كل إيدي ع الجيتار بي آي إم أيه من غير ما أدعس ع الأوتار كتير بس ألمسهم لمس (يعزف الاستاذ طارق التمرين) صار عندي الصوت خفيف أو بيانو بنسميه بيانو يعني خفيف واطي إذا مسكت الأوتار ودعست عليهم كتير قبل ما أعزف وبعدين فلتهم (يعزف الاستاذ طارق التمرين).
صار عندي إشي بنسميه فورتي بالطلياني أو عالي صوت عالي عشان إني حركت الأوتار من وضعهم الأصلي لوضع كتير واطي ع الجيتار وفلتهم (يعزف الاستاذ طارق التمرين) صار عندي الصوت عالي وهيك بنتحكم في الديناميك أو الفوليوم تبع النوتة اللي بدنا نعزفها من خلال اليد اليمنى لحالها"
