في الجزء الأول من الدرس الثاني نتعرف على الوضعية الصحيحة للجلوس بحيث نتجنب الاصابات و التعب الناتج عن العزف بوضعية جلوس خاطئة. يركز طارق على أهمية التوازن و الجلوس بشكل صحي يمكن العازف من العزف لساعات طويلة دون الاحساس بالتعب و ينتقل لوضعية الجيتار بالنسبة للجسم.
طارق حرب:
"مرحبا أنا طارق حرب من اعزف دوت كوم.
واليوم راح نبدأ دروسنا للكلاسيكال جيتار بوضعية الجلسة الصحيحة لعزف الكلاسيكال جيتار.
زي ما إنتو شايفين أنا مامعيش جيتار هلا بإيدي ليش عشان بدنا نراجع بس كيف الجلسة الصحيحة ع الكرسي من غير الآلة الموسيقية هلا إحنا عادة كتير لما نقعد كل يوم يعني بنقعد بنريح ضهرنا لورا زي هيك.
أوكي هذا إيش بيسوي و إحنا عم نعزف مثلا إحنا بنقعد مثلا كتير ساعات نتمرن وهيك بيتعب الضهر هاي الحركة مش عم بنخلي الضهر هو اللي يوقف الجسم عم نعتمد على الكرسي اللي هو بيثبت الجسم وهذا بيرخي عضلات الضهر فبيتعبنا بعد فترة بيصفي لما نقوم من الكرسي حاسين إنه تعبانين و زي أكنه عم نشتغل كتير بس اللي بدنا نتعلمه اليوم إنه نلاقي وضعية تكون كتير بلانسيد من غير ما نريح ضهرنا على الكرسي لورا فكيف هاي ممكن نلاقيها بدنا نشوف إيش معناة بلانس يعني إيش معناة التساوي بالوزن الموجود بجسم الإنسان إحنا فيه عنا.
طبعا كتير عنا الإجرين إلهم وزن الراس إلهم وزن كل هادا مرات بيخالف بعض بيصفي الواحد عنده زي وضعية مش كتير صحية فعشان نفهم هذا الحكي كيف نكون قاعدين من غير أي جهد هادا اللي بدنا نوصله من غير جيتار أول شي بدنا نقعد من غير أي جهد بيكون زي أكنه معلفين إحنا مش عم نبذل أي جهد في القعدة فكيف ممكن نحس هذا الشي بدي إياكم بس تحاولو مثلا ترفعو إجريكم من ع الأرض أوكي هادا بتلاحظ إنه راح يكون شوي صعب أولها وراح يتفشكم لقدام زي هيك بس إذا بتلاحظو إنه بنقدر تو بلانس بيصفي من غير إجرينا بس قاعدين زي أكنه معلقين عم نروح يمين شوي.
إذا حركت إيدي لقدام راح اروح لقدام إذا أنا هيك حركت إيدي لورا راح يصير تقل لورا شوفتو كيف إذا حطيت إيدي بطريقة معينة إذا ثبت حالي هيك صار عندي بلانس أوكي هلا في كتير إفورت برجليا عشان إني رافعهم بس هادا هو الشعور البلانس اللي بدنا نحسه و إحنا إجرينا ع الأرض أوكي هلا إذا أنا قاعد زي هيك وحسيت مثلا إني عم بوقع لقدام هاد معناته راسي كتير لقدام كان أحاول ارجعه شوي لورا بارفع من هون بسوي بلانس إذا صار بدي اوقع لورا معناته كتير حطيت وزن لورا براسي عشان هو الراس وإذا ما ديرنا بالنا عليه وحطيناه بالبوزيشن الصح راح هو اللي يتفش الجسم لقدام أو لورا هذا طبعا الحكي لازم يكون الواحد قاعد على طرف الكرسي من قدام مش طرف طرف يعني بس المهم ما يكون قاعد في نص الكرسي يعني ما أكون قاعد هيك إذا قعدت زي هيك خلاص بطل عندي الثبات في الضهر صار عندي تقويس بالضهر زي هيك ودائما راح يخليني أسوي زي هيك بمجرد ما قعدت زي هيك صار عندي ثبات أكتر عشان الإجرين صارو واخدين الوزن أكتر هيك وزن الجسم و أنا قاعد زي هيك باظبط صار عندي هلا الشعور زي أكنه في خيط طالع من راسي وماسك بالسقف.
إذا بتحسو هذا الشعور هيك بلانس مية بالمية باقدر أضل قاعد زي هيك ساعات من غير ما أحس بتعب عشان كل شي متوازن كل شي محله زي ما بيقولو ومفيش أي جهد عم ببذله عشان أوقف دغري أوكي هلا عشان الجيتار بدنا نضيف آيتم معين اللي هو الفووت ستول اللي حكينا عنها في الدرس الأول لازم يكون عندكم إياها الفوت ستول هاي بنستعملها مبدأيا عشان البوزيشن تبع الكلاسيكال جيتار كتير مهم يكون الجيتار ثابت بطريقة معينة ما يتحرك كتير.
أوكي ويكون النك تبع الجيتار في زاوية معينة اللي يساعد ع اليد اليسرى بالتحرك بكل حرية اللي بتحتاجها اليد اليسرى واليد اليمنى كمان وبردو ليش هما نقوا هاي البوزيشن للكلاسيكال جيتار عشان إنها جاية في وسط الجسم بدال ما تكون البوزيشن هيك زي مرات كتير في جيتارجية بيعزفو يعني بيصفي القعدة زي أكنه إنتو واقفين وعم تعزفو يعني الواحد لما يوقف الآلة الموسيقية الجيتار الجيتار بيكون في وسط الجسم ف نفس الإشي يحاولو إنه يلاقو هذا البوزيشن وهما قاعدين من غير ما يكون الجيتار ع اليمين أو ع الشمال يكون بالظبط في النص.
فلاقو إنه الناس اللي بيكتبو باليد اليمين هما اللي بيعزفو باليد اليمين واللي بيكتب باليد اليسار بيعزف باليد اليسار فعشان هيك بدنا نرفع الجيتار بطريقة معينة لليد اليسرى إذا كنا إحنا يمينين طبعا بنعزف باليد اليمين ف بتحط الفوت ستوول عند الرجل الشمال إذا انت يميني أو بتحطوها بالإجر اليمين وبتعكسو كل عم بحكيه بتصير ميرور إميج يعني إذا انتو شماليين بتعزفو باليد الشمال فهلا أنا عشان يميني و معظم الناس يمينيين فراح أعتبر إنه كلنا عم نعزف بالطريقة هاي إذا انتو شماليين بس اعكسو كل شي اللي عم بحكيه.
فهلا لما احنا نحط الفووت ستول زي هيك ع الأرض بدنا نحط إجرنا الشمال عليها هلا صار عندي ع السريع صار عندي شعور إني ارجع لورا علشان ليش رفعت إجري الشمال صار في دفش لورا فلازم أوازي هذا الدفشة بوين باحط إجري اليمين.
أوكي أنا بالنسبة إلي أنا ظبط معايا إني أحطها شوي لورا هيك هيك صار عندي توازن أوكي فيه ناس بيحبو يحطو الإجر اليمين لتحت زي هيك بيصير عندهم توازن هما هيك."