الدروس
03:34:60 ساعة
47 الدروس
الجيتار
اليد اليمنى
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يستكمل طارق حديثه عن اليد اليمنى و و حركتها على الجيتار و احتكاكها بجسم الجيتار و تقنية تغير لون النوتة اعتمادًا على موقع اليد اليمنى.


طارق حرب:


"فعشان نرجع نعيد بنريح اليد زي هيك بنحط البي على الوتر السادس و نحط الآي ع الوتر الرابع الإم بنحطه ع الوتر التاني والأيه بنحطه ع الوتر الأول.


هيك صار عنا البوزيشن البدائي لليد اليمنى فهلا بردو بدنا نتأكد إنه يكون عنا حرية بهالحركة فبدي إياكم ما تحطو إيدكم زي هيك تتحركو لفوق ولتحت على الأوتار بحرية تامة بس مجرد تسحل أو نسحل إيدنا على الجيتار من هون مش أكتر عشان هيك كتير مرات بتشوفو عزيفة جيتار حاطين زي كلوث هون أو زي جرابة أو زي إشي ماسك عشان يسحل منيح ع الجيتار زيك هيك عشان لو أنا مثلا مش لابس قميص جلدي هيعلق ع الجيتار وراح يصعب الحركة من اليمين لليسار تبعة اليد اليمنى ليش بنحرك من اليمين لليسار في بالكلاسيكال جيتار إشي كتير مهم بنسميه اللي هو لون النوتة نفسها مثلا إذا حركنا إيدنا لهون كتير قريب ع البريدج تبع الجيتار وعزفنا (يعزف الستاذ طارق التمرين).


بتطلع النوتة زي ما بتقولو نحيفة أو برايت فاتحة لونها إذا حركنا شوي لهون وعزفناها نفسها (يعزف الستاذ طارق التمرين) بتطلع كتير أضخم ودافية فصار عنا زي أكنه الواحد عم بيسوي بالغناء زي لما الواحد بيفتح تمه وبيغني عنا كل هاي الإحتماليات تبع الصوت نفس الشي بالجيتار لو بلشنا نعزف من هون شوي شوي اتحركنا لاحظو كيف الصوت بيتغير (يعزف الستاذ طارق التمرين).


أوكي ف مهم يكون عنا الحرية باليد عشان نقدر نطلع الألوان المختلفة للنوتة اللي بدنا إياها شغلة تانية بدنا نركز عليها طبعا بالعزف كيف نحط الإصبع على الوتر هلا على الوتر هلا بس إحنا حطيناهم هيك في طريقة معينة اللي نتأكد إنه نعزف النوتة صح كيف نحرك الوتر من الوضعية الأساسية تبعة اليد اليمنى خلينا نبلش بالآي فينجر اللي هو اللي بدي أحكيلكم إياه هلا بينطبق على الآي والإم والأيه الإصبع الصغير ما بنستعمله في العزف بنستعمله في العزف بالإضفر لبرة زي هيك (يعزف الستاذ طارق التمرين).


بس ما بنستعمله بالعزف لجوة أوكي بيسموه هادا اللي هو الخنصر سي لاتشيكو بس مش ضروري نركز عليه كتير بنحكي فيه في الحصص الجاية لما نيجي نتعلم الراسكيدو والرش بنسميه بالعربي فهلا خلنا نركز ع البي والإم والآي والأيه كيف بدنا نعزف النوتة بطريقة صحيحة بطريقة صحية من غير جهد كمان مرة بس بنحط إيدنا زي هيك بدنا نقيم كل الأصابع نخلي الإبهام يكون زي أنكر أو زي هو اللي بيسوي البلانس لكل اليد فينا نريح على الوتر من خلال الإبهام بس نحط إيدنا زي هيك بنقيم الأصابع وبنخلي الإبهام زي نقطة ارتكاز على الوتر السادس ومنها بيصير هذا التوازن لليد بنقدر نحرك الأصابع التانية مع الثامب شغال زي مركز اليد على الوتر من غير ما تكون بالهوا هيك ماإلهاش إرتكاز فحطينا الثامب زي هيك بدنا نحط بس الإنديكس ع الوتر التالت هلا فيه كتير مرات باشوف ناس بيرفعو الوتر لفوق (يعزف الستاذ طارق التمرين) وبيلعبو هيك أوكي هادا بيطلع الصوت حاد (يعزف الستاذ طارق التمرين) وممكن يسوي سلاب أو ضربة على الفريتس (يعزف الستاذ طارق التمرين).


هادا ما بدنا إياه حاليا هذا سبيشيال إفيكت ممكن نستعمله بعدين في مقطوعات معينة في الكلاسيكال جيتار ممكن نستعملها بس حاليا الوضعية الأساسية بدنا نسوي العكس إنه نضرب نحرك الوتر لداخل الجيتار لجوة."

عن المدرب
طارق حرب
طارق حرب
حائز على الجائزة الأولى وجائزة اختيار الجمهور في مسابقة باريوس WorldWideWeb 2011، إضافة الى الجائزة الأولى في مسابقة مونتريال الدولية للعزف على الجيتار الكلاسيكي. يعتبر طارق حرب أحد أهم عازفي الجيتار الكلاسيكي في جيله. وصف عزفه بأنه "عزف منساب سلس ومدروس... عازف جيتار يجب مشاهدته!" (د. جاري أنطونيو): " استثنائي موسيقيا ودقة متناهية في التكنيك." (د.الاكساندر دنن). قال الناقد الموسيقي في مونتريال جون واينز الممتحن في الموسيقى الحية أنه "...يتواصل بالموسيقى ليلامس ويحس ما لا يمكن التعبير عنه بالكلام!" كما وصف حرب بأنه "سيد الموسيقى الحزينة." عزف حرب وقدم عروضا على الجيتار في مهرجانات موسيقية مختلفة في أمريكا الشمالية وأوروبا والشرق الأوسط وأمريكا الجنوبية تخللها عروض في أماكن مرموقة مثل قاعة اوسكار بيترسون في مونتريال، كندا، المدرج الروماني ذو ال2000 عام في جرش، الأردن، وفي كونسيرتجيبوف الشهيرة على مستوى العالم في أمستردام، هولندا. تتضمن مخططاته المستقبلية عروضا في طوكيو، اليابان في ديسمبر2012 ضمن فعاليات مسابقة طوكيو ال55 للعزف على الجيتار الكلاسيكي، وكذلك في فعالية TED العالمية 2013 في ادنبرة، اسكوتلندا في يونيو من العام نفسه، اضافة الى العديد من المشاريع الأخرى. بعد انتقاله من الأردن الى كندا، درس حرب كل من الكمان والغيتار الكلاسيكي مع عازفي الجيتار رودي الياس و باتريك كيرني ود.غاري أنطونيو، ومع عازف الكمان كلود جيلينو و كليمنس ميركل من الرباعية الموسيقية بوززيني. كما شارك في العديد من الدروس المتخصصة بما فيها التي تديرها لورنزو ميشيلي ، فييكس جيسون ، بافل شتادل، ريمي باوتشر ، و مانويل باريوكو. يحمل حرب درجة الماجستير في الأداء من جامعة ماكغيل، وعلى درجة بكالوريوس في التجارة من جامعة كونكورديا. وهو يحضر حاليا لشهادة الدكتوراه في الفنون الموسيقية في جامعة تورونتو تحت وصاية الدكتور جيفري مكفادين. و يعزف حرب على أدوات موسيقية من صنع أوتو فونكل و جان رومبرى.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!