بعد أن إنتهى طارق من الحديث عن النوتات ينتقل هنا للحديث عن عزف السّلم الموسيقي لنوتة الـ سي بالطريقة السليمة و تحضير اليد بعزف كورد الـ سي و يعطي تمرين يتضمن السلم و الكورد.
طارق حرب:
"مرحبا أنا طارق حرب من اعزف دوت كوم.
وهلا بعد ما إتعلمنا كل النوتات بالبوزيشن الأول على الكلاسيكال جيتار لكل الأوتار نقدر نستخرج منهم سلم السي ماجور ألا وهو بيبلش من السي الواطية للسي العالية اللي إتعملناها أوكي هلا إنتو عم بتتسائلو طب وين السي الواطية ووين السي العالية هلا إذا بنتذكر مثلا بدرس الوتر التاني كان في عنا سي بعد ما نلعب البي (يعزف الاستاذ طارق التمرين) صار عنا السي هون (يعزف الاستاذ طارق التمرين).
صح غير هيك ما وصلنا للسي صفينا سوينا دي إيه إف جي خلاص مفيش سي هون فأعلى واحدة كانت هاي السي اللي إتعملناها وأوطى واحدة إذا بننزل في النوتة زي ما اتعلمنا (يعزف الاستاذ طارق التمرين) جي (يعزف الاستاذ طارق التمرين) أيه (يعزف الاستاذ طارق التمرين).
وبعدين إحنا سوينا دي إيه إف صح ما فيه عليهم سي هادول طب والوتر الخامس شو عليه أيه بي سي هاي السي الواطية غير هيك مافي خلاص عشان بعدها بيصفي عنا جي إف إيه ما في سي أوطى من هيك ع الجيتار ف صفينا عنا السي هاي (يعزف الاستاذ طارق التمرين) والسي هاي (يعزف الاستاذ طارق التمرين).
ف السلم الموسيقي هو اللي عم بيوصل بين نوتة السي للنوتة اللي زيها اللي بعدها بيمر في كل النوتات كسلم بتشوفوه ع الورق أو بتسمعوه بالصوت طالع نوتة نوتة عبال ما يمر السبع نوتات وبعدين يرجع للنوتة التامنة اللي هي زي النوتة الأولى صفينا مسويين وان اوكتاف أو أوكتاف واحد بسلم موسيقي هلا ممكن أنا أكمل بعدها بس نتعلم البوزيشنس التانيين نطلع للسي اللي بعدها بيصفي إنه أوكي بنوصل للسي وبعدين بنكمل دي إيه إف جي أيه بي سي نوصل للسي اللي بعدها صفينا مسويين أوكتافين من خلال اتجاهنا بالسلم طالعين لفوق طبعا السلم ممكن يطلع وينزل عادي يعني ف بالتمرين الجاي راح نسوي راح نطلع بالسلم من السي للسي العالية بعدين راح ننزل للسي الواطية هلا فيه شغلة مهمة كتير إنه أنا بالتمرين هادا جمعت بردو طريقة عزف الكورد اللي هو كورد السي ماجور بعد ما أخلص عزف السلم ليش عشان بدي أدربكم بالعزف الباكيج كورد زي ما سوينا بالدروس الماضية إنه كيف نحضر ونعزف كورد مرة واحدة كنا عم نسويها مع الأوبن سترينجس هلا بدنا نسويها مع الكورد الأول اللي بدنا نتعلمه اللي هو السي ماجور.
أوكي إذا بنتطلع ع المازورة الأخيرة بالدرس الأول أو بالإكزامبل الأول اللي عندكم فيه هول نوتس مكتوبين فوق بعض هلا النوتة لما تيجي النوتة فوق بعض معناته بنلعبها بنفس الوقت أوكي مش واحدة ورا التانية زي ما إنتو شايفين جاية واحدة ورا التانية ع الورق عادة بالسلم الموسيقي إذا إجت النوتة فوق بعض نلعبها مع بعض فهون عنا أربع نوتات فوق بعض خلنا نشوف شو هما النوتات بنتطلع ع النوتة الأولى اللي هي من تحت عليها لاجر لاين واحد هاي شوفناها بالوتر الخامس اللي هو الأصبع التالت كانت هي السي الواطية أوكي ف هاي النوتة الأولى هلا اللي فوقها جاية مفشقة سطر بعدين مفشقة كمان سطر هي السطر التاني أوكي اللي ماسكه المفتاح الجي سمى حاله على إسمه جي كليه أو مفتاح التريبل اللي هو لالآلات اللي صوتها عالي بالفرنسي كليدوصول صول هي الجي فهاي الجي إتعلمناها بالوتر التالت اللي هي الأوبن جي (يعزف الاستاذ طارق التمرين).
أوكي صار عنا نوتين هلا اللي هما السي (يعزف الاستاذ طارق التمرين) والجي (يعزف الاستاذ طارق التمرين) أوكي النوتة اللي بعدها بنتطلع هي على الفراغ الرابع من الخمس أسطر ف إحنا إيش قولنا بنقدر نعرف هاي النوتة بأكتر من طريقة فإذا إحنا عارفين إنه الجي هو السطر التاني بنطلع السبيس التاني بيصير أيه السطر التالت بي و السبيس التالت سي ف عرفنا إنه هاي هي السي أوكي ف صار عنا سي (يعزف الاستاذ طارق التمرين) جي (يعزف الاستاذ طارق التمرين) سي (يعزف الاستاذ طارق التمرين).
أو بنقدر نتذكر الفكرة اللي حكينا عنها اللي هي لكل الفراغات هي إف أيه سي إيه اللي سوت فيس ف صار عنا الفراغ التالت سي ألا وهو النوتة السي على الوتر التاني اللي إتعملناها بحصة الوتر التاني ف فيه أكتر من طريقة نعرف النوتة هي كيف جاية أو طبعا بالأخير راح نحفظها من غير ما نحاول يكون إلنا ريفرانس أو يكون إلنا نقطة نسترجع إلها عشان نعرف النوتة شو هي ف مع الوقت بتصيرو تتطلعو ع النوتة وتشوفوها وبتعرفو شو هي من غير ما تعدو آه والله هادا فراغ هادا سطر بدها تمرين بس سهلة كتير بتصير بيصفي أسهل من قرآة اللغة يعني."
