في الدرس الخامس و العشرين و الأخير وهو مكون من ستة أجزاء يشرح طارق كيفية عزف المقطوعة الكلاسيكية Joseph للمؤلف Andantino الأولى و هي مقطوعة Kuffner.
طارق حرب:
(يعزف الاستاذ طارق التمرين) مرحبا أنا طارق حرب من اعزف دوت كوم واليوم راح نحكي على المقطوعة الأولى اللي راح تعزفوها بعد ما تدرسو الأربعة وعشرين درس اللي حكينا فيهم.
هاي هي مقطوعتكم الأولى من مؤلف ألماني إسمه جوزيف كوفنار أوكي وبتشوفو إسمه على النوتة الموسيقية ع اليمين فوق.
أوكي بدي أشرحلكم هلا كل شي مكتوب على النوتة الموسيقية يعني ثيوري بالأول بعدين راح نتطلع على إيدي الشمال أو إيدكم الشمال نعرف بالظبط شو الأصابع اللي بنستعملها عشان نعزف النوتة بعدين راح نتطلع على إيدنا اليمين و نعرف أنهو أصابع على أنهو أوتار نعزف عشان نعزف المقطوعة بطريقة حلوة وسلسة و بصوت جميل ونتمتع بنفس الوقت وإحنا بنعزفها ف أول شي بتتطلعو على النوتة الموسيقية بنشوف التايتل أو اسم المقطوعة بسمينها أندنتينو أندنتينو بالطلياني يعني هو سرعة المشي هو بس عم بيحكيلكم إنه هاي هي سرعة المقطوعة.
أوكي زي ما مثلا نحكي مقطوعة عربية بنسميها سرعة أو سريعة أو بنسميها مثلا المقام عجمي مثلا يعني عم نحكي خاصية المقطوعة يا إما في الهارموني أو في الميلودي أو في الريذم الإيقاع بهاي الحالة عم بيحدد سرعة المقطوعة وبنفس الوقت عم بيستعملها كالتايتل تبع المقطوعة ف أندنتينو يعني سرعة المشي يعني كيف الواحد ممكن سرعة المشي تكون مثلا إذا الواحد بيقوم بيمشي شوية بالغرفة هيك مثلا هيك كل إجر هي نبضة هاي هي سرعة المقطوعة.
أوكي سرعة كل نبضة في المازورة بإضافة لهيك صارو يعطو هلا حاليا يعطو الرقم اللي بنقدر نحطه على الميترونوم عشان يصير عنا أدق الإيقاع نعرف الإيقاع بطريقة أصح يعني بدال ما نحذر والله شو سرعة المشي مثلا ف هون حاطين سرعة الكوارتر نوت زي ما إنتو شايفين حاطين الكوارتر نوت تساوي مية وتمانية ع الميترونوم هيك السرعة بتكون يعني هادا اللي عم بيمشي كتير أسرع من اللي إحنا مثلا حكينا عنه بس بردو ممكن إحنا ناخدها في تمبو بنسميه تمبو اللي هو إيقاع أبطأ من ما هو حطوه عليه هادا بس ساجستشن يعني إقتراح إنه ناخدها بها السرعة ف أنا اللي بدي إياكم تسوه مثلا لما تبدو إبدو بسيكستي بيتس بير مينيتس كمان كيف إحنا نشتغل بالأول وشوي شوي مع الوقت حاولو وصلوها لمية وتمانية بيتس بير مينيت زي ما مكتوب في المقطوعة هيك إحنا صرنا شايفين إنه فيه التايتل بعدين ع الشمال فيه رقم الميترونوم اللي بنحتاج نوصله مع التمرين و ع الشقة اليمين لفوق اسم الكومبوزر أو اسم المؤلف جوزيف كوفنر وتحتها السنوات اللي عاش فيها
