ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
1 - الجيتار الكلاسيكي

نتعرف في الدرس الأول على طارق حرب كموسيقي و عازف جيتار محترف و مدرس في جامعة تورونتو في كندا. يبدأ طارق بمقدمة عن الدورة و المنهج المستخدم الذي طوره بنفسه ثم ينتقل لشرح الأدوات التي يحتاجها الطالب للبدء بتعلم العزف على الجيتار الكلاسيكي بدءا بكيفية اختيار الجيتار المناسب.


طارق حرب:


"مرحبا أنا طارق حرب من اعزف دوت كوم.


بدي ابدأ معكم كورس الكلاسيك جيتار اللي هو الفاندمينتال أوف كلاسيك جيتار بيرفورمانس أو الأداء الموسيقى على آلة الكلاسيكال جيتار وهذا المنهج اللي أنا بنيته مبني على دراستي في حياتي الموسيقية اللي هي بدأت في البكالوريوس للماجستير في أداء الكلاسيكال جيتار وهلا حاليا عم بسوي دكتوراه في الكلاسيكال جيتار بيرفومانس بجامعة تورنتو وعم بادرس هناك ف إن شاء الله هتنبسطو معاي.


في الدرس الأول راح نحكي على الأدوات اللي نحتاجها عشان نبدأ الكلاسيكال جيتار كورس أول أشي بدي أحكي فيه إنه طبعا نحتاج جيتار معين لعزف الموسيقى الكلاسيكية ع الجيتار أوكي في كتير جيتارات هلا لما نروح على جيتار شوب أو محل موسيقى بنلاقي كتير أنواع جيتارات كيف بدنا نعرف أي جيتار بننقي ف هلا مهم طبعا يكون جيتار أكوستيك إشي طبيعي ما يكون أليكتريك ما يكون فيه جاك أو أي شي من ها النوع بس غير ع الجيتار الأكوستيك لازم يكون جيتار كلاسيكال ومش فلامنكو يعني هلا شو الفرق الكلاسيكال طبعا بدك تتأكد إنه يكون الأوتار عليه من نايلون ف كيف بتعرفوا هاد الش إذا بتتطلعو ع الأوتار النحيفة أنحف أوتار بيكونو ترانسبيرنت شفافين.


يعني ما بيكونو من حديد فهيك بتعرف إنه الأوتار المستخدمة على الجيتار اللي بدك تشتريه نايلون تاني شي بدي تنتبهو عليها عشان تشترو الكلاسيكال جيتار الصح إنه يكون الخمل تبع النك من هون خميل نوعا ما مش زي الإلكتريك بيكون أنحف والأكوستيك بيكون شوية بس لسه أنحف من الكلاسيكال فإذا بدكن اسألو صاحب المحل على عرض النك من هون يكون اتنين وخمسين ميلليميتر.


هيك بتتأكدو إن هذا النك للكلاسيكال جيتار وبردو اتأكدو إنه الباطن العلوي تبع الجيتار من هون بيضم على الفريت رقم اتناش عشان فيه جيتارات الأكوستيك بيجي على الفريت رقم اربعتاش زي هيك وفيه جيتارات إلهم بيسموه كات أوي بيكون مقصوص الجيتار من هون عشان يسهل الحركة لليد اليسرى بس احنا بدنا نتأكد من الجيتار اللي نشتريه يكون يساوي اتنين جايين على الفريت رقم اتناش عشان فيه تكنيك معين للعزف بالمنطقة هاي في الجيتار وهاي إلها حس معين وإلها دراسات معينة اللي بدنا نمشي فيها مع بعض من غير كات أوي ويكون فيها زي ما حكينا إن الباطن العلوي عند الفريت رقم اتناش.


كمان شي بدي تتأكدو منه عشان ما يكون فلامنكو جيتار يعني لو عندكن فلامنكو جيتار ما إلو كات أوت بيمشي الحال بس الصوت ما حيكون نفس الشي الفلامنكو بيكون أخف وزنه وعرضه من هون كتير أنحف أوكي ف إذا بتقدرو تركزو تحكو لصاحب المحل إنه بدكن كلاسيكال جيتار.


زي في مثلا جيتار من ياماها اللي هو مع حرف سي سي فورتي أو سي وان توينتي أو أي إشي بس سي داش رقم معناته هذا كلاسيكال الفلامنكو أظن بيكون إف أو سي إف أو جي إف جيتار فلامنكو داش سومثيتج ف مهم يكون رقم الجيتار بيكون مكتوب من جوة إذا لاقيتو عليه سي داش من ياماها هذا معناته كلاسيكال جيتار وهادول أنواع الجيتارات منيحة كتير ورخيصة يعني للمبتدئين ممتازة وبيكون الدوزان فيه منيح وكل شي مبني يعني بطريقة صحيحة هذا بالنسبة للجيتار.


هلا اتأكدنا إنه عنا جيتار عشان نتأكد إنه نفعد الوضعية الصح نحتاج إشي بنسميه في الإنجليزي فووت ستول أو إشي تريح عليه القدم تبعك تيجي زي هيك من حديد أو من خشب هاي الفوت ستول إلها لما نفتحها زي هيك إلها على معين كل واحدة إلها علي معين فاتأكدو إنه يكون فيه قد ما بتقدرو إذا لاقيتو مثلا فيه واحدة سيفين بوزيشنس أو فايف بوزيشنس أحسن مما تلاقو واحدة فيها تو بوزيشنس بس شغلة تالتة بنحتاجها عشان نعزف كلاسيكال جيتار اللي هي الميوزيك ستاند عشان تحط عليها النوتة الموسيقية طبعا هلا الواحد بيفكر أوكي يعني مابحتاجش الميوزيك ستاند اقدر أحط النوتة ع الطالولة أو على كرسي قدامي مظبوط صح بس هادا ما راح يساعدك كتير إنه تقدر تعزف وتطلع الموسيقى ع النوتة الموسيقية لوقت طويل راح يصير الواحد منحني وتعبان ومش قادر يقعد يعني فمع الميوزيك ستاند الواحد بيقدر يرفع النوتة الموسيقية لعلو العين وبيصفي القعدة مريحة ودغري وبيقدر يقرأ لساعات يعني من غير ما يتعب ف الميوزيك ستاند فيري إمبورتانت كتير مهمة شغلة رابعة بنحتاجها اللي هي التيونر.


وشغلة خامسة الميترونوم هلا التيونر هي عشان تساعدك تو تيون يور الجيتار يعني هلا أول شي الواحد أنا عندي إياهم الاتنين بآلة واحدة ف أورجيكم التيونر اللي هو باخد نوتة الوتر الأول مثلا وبادوزن عليها من هناك وبعدين راح اعلمكم كيف بندوزن باقي الأوتار بناءا على الصوت اللي أخدناه من التيونر فالتيونر كتير مهم طبعا إذا عندك بيانو تقدر تاخدها من البيانو إذا ما عندك بيانو بتقدر التيونر بتشترها من أي محل موسيقى مش كتير غالية وبيجو حتى مرات تيونر ومترونوم مترونوم هي الآلة اللي بتعطيك الإيقاع بس بتعطيك الإيقاع منتظم ليش عشان تقدر تبني عليه الرذم تبعك ويصير عندك رذم تقدر تعتمد على الرذم اللي عنك إياه عشان إحنا كلنا عنا رذم.


طبعا بس مش دايما منتظم ومش دايما نقدر نخليه مع الآلة الموسيقة إنه يكون منتظم ف باستخدام المترونوم اللي هو بس بيعطيك دقة يعني يا إما سريعة أو بطيئة إنت تقدر تنقي السرعة تبعت المترونوم منها نقدر يعني نمشي على هادا النبضات المنتظمة ويصير عنا موسيقى متساوية وجميلة ومنتظمة عبر الوقت ف المترونوم والتيونار ممكن يجو بأداة واحدة و هيك بيكن تقدر تبدأ الكلاسيكال جيتار كورسيس جاهز ومتحضر يعني نشوفكم المرة الجاية"


فيديوهات دروس الدورة - تعلم الجيتار الكلاسيكي 1
1 الجيتار الكلاسيكي Opened 06:59
2.1 الجلسة الصحيحة Opened 06:13
2.2 مرتبة القدم و نقاط التلامس Opened 06:05
3.1 اليد اليسرى Opened 04:13
3.2 اليد اليسرى Opened 03:48
4.1 اليد اليمنى Opened 04:09
4.2 اليد اليمنى Opened 04:25
4.3 اليد اليمنى Opened 06:06
5.1 الأظافر و أشكالها Opened 03:15
5.2 الأظافر و أشكالها Opened 04:40
6.1 برد الأظافر Opened 04:53
6.2 برد الأظافر Opened 04:38
7.1 ضرب الوتر Opened 03:25
7.2 الضرب الحر Opened 04:04
8.1 ضربة الاسناد Opened 04:23
8.2 ضربة الاسناد Opened 04:26
9.1 التحضير و الارتياح Opened 03:37
9.2 التحضير و الارتياح Opened 04:01
10 التحضير للكوردات Opened 07:00
11 التحضير للأربيجيو Opened 06:28
12.1 التنسيق Opened 03:56
12.2 التنسيق Opened 04:15
13.1 تركيب الأوتار Opened 03:25
13.2 تركيب الأوتار Opened 04:33
14.1 الدوزان Opened 04:03
14.2 الدوزان Opened 04:57
14.3 الدوزان Opened 04:22
15.1 المدرج الموسيقي Opened 05:48
15.2 المدرج الموسيقي Opened 04:38
16.1 الوزن الايقاعي Opened 05:15
16.2 الوزن الايقاعي Opened 05:33
17 الصوت الفخم Opened 04:56
18 نوتات الوتر الأول Opened 06:10
19 نوتات الوتر الثاني Opened 05:45
20 نوتات الوتر الثالث Opened 05:03
21 نوتات الوتر الرابع Opened 04:24
22 نوتات الوتر الخامس Opened 04:15
23.1 نوتات الوتر السادس Opened 03:10
23.2 نوتات الوتر السادس Opened 04:15
24.1 سلم و كورد الـ سي Opened 04:53
24,2 سلم و كورد الـ سي Opened 04:24
25.1 مقطوعتك الكلاسيكية الأولى Opened 03:51
25.2 مقطوعتك الكلاسيكية الأولى Opened 04:17
25.3 مقطوعتك الكلاسيكية الأولى Opened 06:45
25.4 مقطوعتك الكلاسيكية الأولى Opened 05:04
25.5 مقطوعتك الكلاسيكية الأولى Opened 04:50
25.6 مقطوعتك الكلاسيكية الأولى Opened 03:25
}