ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
17 - الصوت الفخم

يرجع طارق هنا إلى مهارات اليد اليمنى و مبدأ الصوت ”الفخم“ من الجيتار الكلاسيكي. و يناقش موضع اليد بالنسبة للوتر وعلاقة ذلك بنوع الصوت الصادر.


طارق حرب:


"مرحبا أنا طارق حرب من اعزف دوت كوم.


واليوم بدنا نرجع نحكي شوي على تمارين تكنيك يعني أكتر مفهوم هو من تمارين تكنيكي بس بردو إله خص باليد اليمنى.


خلصنا من شرح النوتة ومن شرح الإيقاع وكل ها الشغلات هاي بس بدنا نحكي قبل ما نبلش نتعلم النوتة على كل وتر ع الجيتار بدنا نحكي كيف نطلع الصوت الصح من الآلة الموسيقية اللي هي الجيتار هلا حاليا أسم الحلقة بالإنجليزي يعني ذا كونسبت أوف جود تون أو مبدأ الصوت الفخم اللي بنطلعه من الوتر أوكي أشرحلكم كيف بنحب نطلع الصوت من الجيتار.


أوكي كل مبدأ مش إحنا حكينا بحصة البلانتينج أو التثبيت إنه بنحضر الأصبع على اللحم والأضفر بنفس الوقت أوكي هادا بيسوي شغلتين طبعا بيثبت الأصبع وبيساعد على اللعب بسكيوريتي يعني وأمان من غير ما الواحد ما يصيب الوتر أو يصير عليه أغلاط تاني شي بيأكد إنه الوتر يتزحلق على الأضفر كاملا من الشمال لتقريبا نص اليمين زي ما حكينا بوقت برد الأضافر فلما نتأكد إنه عم نريح ع اللحم والإضفر من الشمال النوت الوتر ... على (يعزف الاستاذ طارق التمرين).


الأضفر كاملا بقدر الإمكان يعني فإذا أخذنا الوتر يعني بس يمسك من نص الأضفر زي هيك (يعزف الاستاذ طارق التمرين) ونلعب بس بمنطقة صغيرة من الأضفر راح يطلع عنا الصوت نحيف وخجول يعني زي ما إنتو سامعين هيك (يعزف الاستاذ طارق التمرين) عشان إني بس ركزت إنه يكون اللعب في طرف الأضفر بس إذا اتأكد إنه أزحلق الوتر على الأضفر كاملا (يعزف الاستاذ طارق التمرين).


صار عندي الصوت فخم وعالي وفيه ثقة ف كيف بدنا نفهم هادا الموضوع أكتر فيزيائيا يعني هي بس حركة يد أو حركة أصبع صغيرة جدا فيه كتير ناس بيحبو يلعبو زي هيك مع اليد مايلة من هون أوكي وجاي الأصبع يم تسعين درجة على الوتر أوكي هادا بيطلع الصوت زي هيك (يعزف الاستاذ طارق التمرين).


نحيف وتاني شي مش منيح لليد عشان فيه إنحناء كبير في الرسغ هادا مع الوقت راح يضر اللاعب خصوصا إذا بيلعب ساعات متواصلة كتير راح يصير فيه عنده ألم أو شي هادا إشي مضمون عشان الحركة مش فيزيائية ومش صحية سبحان الله يعني لما نحرك إيدنا دغري تصير هيك بيصير عنا إرتياح تام وتمكن كامل من التكنيك باليد اليمنى وبنفس الوقت الصوت (يعزف الاستاذ طارق التمرين) بيصير أفخم وأنصح حابب أحكي وصحي أكتر ليش عشان صار عنا حركة كاملة في اليد (يعزف الاستاذ طارق التمرين).


هيك مابنقدرش نتحرك بسهولة أول شي تاني شي عم نعزف على طرف الأضفر مش على كل الأضفر تالت شي ما عنا كتير تحكم بالأنجل تبع الأضفر من هون أوكي يعني أنا ممكن هيك أكون ممكن أعزف هيك أو ممكن أعزف هيك (يعزف الاستاذ طارق التمرين) أسوي الصوت الفخم عندي القابلية أعزف يا هاي يا هاي بردو هادا الصوت مش كتير إحنا بنحبه بس مش معناته ما بنستعمله أبدا يعني مثلا إذا عم باعزف ميلودي زي ما تقول زي هيك (يعزف الاستاذ طارق التمرين) وعم باعيدها مرتين مثلا باقدر أسويها أول مرة هيك (يعزف الاستاذ طارق التمرين) تاني مرة (يعزف الاستاذ طارق التمرين) بس للفرايتي يعني يصير في عندي صوت متغير مش نفس الوقت دائما أعزف (يعزف الاستاذ طارق التمرين) ممكن أسوي (يعزف الاستاذ طارق التمرين).


غيرت بالكواليتي أو بالصوت بالتون تبع النوتة بس بمجرد إني ميلت هيك ف كتير مهم إنه الواحد يركز إن الرسغ يصير دغري ويتأكد إنه البلانتينج يصير من المنطقة الشمال على الأضفر ولما يلعب (يعزف الاستاذ طارق التمرين) يتزحلق على الوتر كاملا عشان يطلع الصوت الحلو والناصح والصحي طبعا كل هادا بيصير بعد ما نبرد الأضافر صح و ننعمهم بورق القزاز زي ما وريتكم قبل نشوفكم المرة الجاية عشان نبدأ بالنوتة على الوتر الأولز."


فيديوهات دروس الدورة - تعلم الجيتار الكلاسيكي 1
1 الجيتار الكلاسيكي Opened 06:59
2.1 الجلسة الصحيحة Opened 06:13
2.2 مرتبة القدم و نقاط التلامس Opened 06:05
3.1 اليد اليسرى Opened 04:13
3.2 اليد اليسرى Opened 03:48
4.1 اليد اليمنى Opened 04:09
4.2 اليد اليمنى Opened 04:25
4.3 اليد اليمنى Opened 06:06
5.1 الأظافر و أشكالها Opened 03:15
5.2 الأظافر و أشكالها Opened 04:40
6.1 برد الأظافر Opened 04:53
6.2 برد الأظافر Opened 04:38
7.1 ضرب الوتر Opened 03:25
7.2 الضرب الحر Opened 04:04
8.1 ضربة الاسناد Opened 04:23
8.2 ضربة الاسناد Opened 04:26
9.1 التحضير و الارتياح Opened 03:37
9.2 التحضير و الارتياح Opened 04:01
10 التحضير للكوردات Opened 07:00
11 التحضير للأربيجيو Opened 06:28
12.1 التنسيق Opened 03:56
12.2 التنسيق Opened 04:15
13.1 تركيب الأوتار Opened 03:25
13.2 تركيب الأوتار Opened 04:33
14.1 الدوزان Opened 04:03
14.2 الدوزان Opened 04:57
14.3 الدوزان Opened 04:22
15.1 المدرج الموسيقي Opened 05:48
15.2 المدرج الموسيقي Opened 04:38
16.1 الوزن الايقاعي Opened 05:15
16.2 الوزن الايقاعي Opened 05:33
17 الصوت الفخم Opened 04:56
18 نوتات الوتر الأول Opened 06:10
19 نوتات الوتر الثاني Opened 05:45
20 نوتات الوتر الثالث Opened 05:03
21 نوتات الوتر الرابع Opened 04:24
22 نوتات الوتر الخامس Opened 04:15
23.1 نوتات الوتر السادس Opened 03:10
23.2 نوتات الوتر السادس Opened 04:15
24.1 سلم و كورد الـ سي Opened 04:53
24,2 سلم و كورد الـ سي Opened 04:24
25.1 مقطوعتك الكلاسيكية الأولى Opened 03:51
25.2 مقطوعتك الكلاسيكية الأولى Opened 04:17
25.3 مقطوعتك الكلاسيكية الأولى Opened 06:45
25.4 مقطوعتك الكلاسيكية الأولى Opened 05:04
25.5 مقطوعتك الكلاسيكية الأولى Opened 04:50
25.6 مقطوعتك الكلاسيكية الأولى Opened 03:25
}