الدروس
03:34:60 ساعة
47 الدروس
الجيتار
الوزن الايقاعي
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يستكمل طارق هنا بالحديث عن الوزن الإيقاعي و كيفية ملىء المازورة الموسيقية بالنوتات. و يرّكز طارق هنا أيضا على دقة العزف و إبراز النوتات على السرعات المختلفة بالإعتماد على النبضات.


طارق حرب:


"فهلا زي ما حطينا صورة الميترونوم طبعا شوفتوها بردو حطيناها بالدرس الأول بعدين بدنا نعرف كيف يعني. 


هلا المازورة نفسها كيف ممكن نعبيها ممكن نعبيها بأكتر من طريقة يعني مظبوط هو فيه أربع نبضات بس مش معناته إحنا دائما بنعزف على كل نبضة أوكي ممكن مثلا نعزف نوتة وتضلها طولها اربع نبضات أوكي يعني إذا باخد الجيتار أوكي هاي شغلت الميترونم بدي أعزف هون الصورة زي ما إنتو شايفين نوتة واحدة محطوطة دائرة هيك باعزفها (يعزف الأستاذ طارق التمرين).


تو ثري فور بنوقف هاي عبت كل المازورة تبعة الفور فور أربعة على أربعة لحالها نوتة عشان خليتها تو ساستين خليتها تمد لمدى الأربع نبضات هادول (يعزف الأستاذ طارق التمرين) ثري فور هاي بيسموها بالإنجليزي هول نوت أو النوتة المتكاملة يعني عشان هي هول عبت كل المازورة عبت المازورة كاملة مش نص المازورة أو ربع المازورة زي ما راح نشوف هلا بالنوتات التانية ف النوتة اللي دويرة بس لحالها أسمها الهول نوت وبتعبي أربع نبضات في الموسيقى وين ما حطيناها يعني النوتة التانية اللي بدنا نحكي عنها اللي هي الهاف نوت اللي هي بتيجي نص الهول نوت أوكي هاي زي ما حذرتو مظبوط تاخد بس نبضتين فإذا بدي أحط الميترونوم تو ثري فور وعندي زي ما إنتو شايفين تو هاف نوتس أوكي بالمازورة معناته راح ألعب مرتين مرة ع النبضة الأولى تمشي بعدين مرة ع النبضة التالتة تمشي هيك وان (يعزف الأستاذ طارق التمرين) تو ثري (يعزف الأستاذ طارق التمرين) فور وان (يعزف الأستاذ طارق التمرين) تو ثري (يعزف الأستاذ طارق التمرين) فور.


بدي إياكم إذا يعني ممكن تركزو منيح إنه تعزفو النوتة بالظبط مع الميترونوم لما يدق بيصير الواحد عنده إحساس إمتى راح يدق الميترونوم مش ضروي يضل يسمع الميترونوم و منتبه عليه طول الوقت لأ خلاص ما دام حطينا ميترونوم هون وبلشنا نسمع صار عنا إحساس بالنبض أوكي خلاص بنعتمد عليه وبنلعب (يعزف الأستاذ طارق التمرين) تو ثري (يعزف الأستاذ طارق التمرين) فور.


مش ضروري أضل مركز عليه باشوف إمتى راح يضرب خلاص صار عندي فكرة قديش المسافة بين النوتس راح تكون أو مسافة بين النبضات هادول كلهم هاف نوتس وان (يعزف الأستاذ طارق التمرين) تو ثري فور (يعزف الأستاذ طارق التمرين).


حلو هلا فينا كمان نجزأ المازورة وحرفيا يعني نعزف على كل نبضة هيك صفى عنا كوارتر نوتس زي ما إنتو شايفين أربع ضربات بالمازورة على كل نبضة عشان هيك قسمنا المازورة لأرباع عشان هيك أسمها كوارتر نوت اللي قبلها جزئناها لانصاص نصين هاف نوت والهول نوت واحد كاملة هيك صوت الكوارتر نوتس تو ثري فور وان (يعزف الأستاذ طارق التمرين) تو (يعزف الأستاذ طارق التمرين) ثري (يعزف الأستاذ طارق التمرين) فور (يعزف الأستاذ طارق التمرين) وان (يعزف الأستاذ طارق التمرين) تو (يعزف الأستاذ طارق التمرين) ثري (يعزف الأستاذ طارق التمرين) فور (يعزف الأستاذ طارق التمرين).


هيك لعبتها أنا مرتين الصورة اللي شايفينها قدامكم شو صار عنا هلا نراجع صار عنا الهول نوت بتاخد أربع نبضات الفور فور تايم سجنتشر اللي هو اللي شوفناه الهاف نوت بتاخد نبضتين والكوارتر نوت بتاخد نبضة فإذا ما بنحطهم كلهم مع بعض واحدة ورا التانية زي ما إنتو شايفين نبلش بالهول بعدين بالهاف نوت بعدين بالكوارتر نوت صح خلي الميترونوم ماشي وأمشي معاه (يعزف الأستاذ طارق التمرين) تو ثري فور وان (يعزف الأستاذ طارق التمرين) تو ثري (يعزف الأستاذ طارق التمرين) فور وان (يعزف الأستاذ طارق التمرين) تو (يعزف الأستاذ طارق التمرين) ثري (يعزف الأستاذ طارق التمرين) فور (يعزف الأستاذ طارق التمرين).


أوكي شفتو كيف اتجزأ كل مازورة شكل عشان عبيناها نوت شكل بسيط جدا العملية طبعا إحنا كنا على نفس النوتة هلا كنا عم نلعب نوتة السي اللي هي تالت فراغ إذا تتذكرو حكينا فيس تالت فراغ اللي هي نوتة السي راح أورجيكم وين موجودة ع الجيتار في الحصص الجاية اخر شي أحكي فيه ع الإيقاع اللي هو إيش معناة الأرقام هادول بالظبط أظن إنتو حذرتو إنه الرقم اللي فوق هو اللي بيعطيك كم من نبضة بالمازورة والرقم التحتاني بيعطيك الفاليو تبع النوتة هل هي كوارتر نون أو هاف نوت أو هول نوت فإذا الرقم اللي تحت أربعة وشيلناه مع الأربعة اللي فوق صفى يعني واحد على أربعة معناته كوارتر نوت ف أربع نبضات من الكوارتر نوتس راح يعبي المازورة بس هاي هي إذا رجعنا تبعة الثري فور.


أوكي ثري يعني تلات نبضات بالمازورة ثري أوف وات ثري أوف إيش معمولة من الكوارتر نوت ثري تلات كوارتر نوت بيعبو المازورة تبعة الثري فور وهيك بنصير عارفين نقرأ النوتة بأكملها من ميلودي أو لحن لإيقاع أو ريذم.


باشوفكم المرة الجاية."

عن المدرب
طارق حرب
طارق حرب
حائز على الجائزة الأولى وجائزة اختيار الجمهور في مسابقة باريوس WorldWideWeb 2011، إضافة الى الجائزة الأولى في مسابقة مونتريال الدولية للعزف على الجيتار الكلاسيكي. يعتبر طارق حرب أحد أهم عازفي الجيتار الكلاسيكي في جيله. وصف عزفه بأنه "عزف منساب سلس ومدروس... عازف جيتار يجب مشاهدته!" (د. جاري أنطونيو): " استثنائي موسيقيا ودقة متناهية في التكنيك." (د.الاكساندر دنن). قال الناقد الموسيقي في مونتريال جون واينز الممتحن في الموسيقى الحية أنه "...يتواصل بالموسيقى ليلامس ويحس ما لا يمكن التعبير عنه بالكلام!" كما وصف حرب بأنه "سيد الموسيقى الحزينة." عزف حرب وقدم عروضا على الجيتار في مهرجانات موسيقية مختلفة في أمريكا الشمالية وأوروبا والشرق الأوسط وأمريكا الجنوبية تخللها عروض في أماكن مرموقة مثل قاعة اوسكار بيترسون في مونتريال، كندا، المدرج الروماني ذو ال2000 عام في جرش، الأردن، وفي كونسيرتجيبوف الشهيرة على مستوى العالم في أمستردام، هولندا. تتضمن مخططاته المستقبلية عروضا في طوكيو، اليابان في ديسمبر2012 ضمن فعاليات مسابقة طوكيو ال55 للعزف على الجيتار الكلاسيكي، وكذلك في فعالية TED العالمية 2013 في ادنبرة، اسكوتلندا في يونيو من العام نفسه، اضافة الى العديد من المشاريع الأخرى. بعد انتقاله من الأردن الى كندا، درس حرب كل من الكمان والغيتار الكلاسيكي مع عازفي الجيتار رودي الياس و باتريك كيرني ود.غاري أنطونيو، ومع عازف الكمان كلود جيلينو و كليمنس ميركل من الرباعية الموسيقية بوززيني. كما شارك في العديد من الدروس المتخصصة بما فيها التي تديرها لورنزو ميشيلي ، فييكس جيسون ، بافل شتادل، ريمي باوتشر ، و مانويل باريوكو. يحمل حرب درجة الماجستير في الأداء من جامعة ماكغيل، وعلى درجة بكالوريوس في التجارة من جامعة كونكورديا. وهو يحضر حاليا لشهادة الدكتوراه في الفنون الموسيقية في جامعة تورونتو تحت وصاية الدكتور جيفري مكفادين. و يعزف حرب على أدوات موسيقية من صنع أوتو فونكل و جان رومبرى.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!