يبدأ طارق هنا بالحديث عن قراءة النوتة على الورق و ترجمة ذلك على الجيتار الكلاسيكي.
طارق حرب:
"مرحبا أنا طارق حرب من اعزف دوت كوم.
واليوم راح نتعلم كيف نقرأ النوتة ع الورق بدنا نحاول نبسط الموضوع يعني بشكل رهيب ليش عشان الموضوع أصلا كله كتير بالنسبة للعزف صار شوي معقد وعطيتكم كتير تمارين تكنيكية.
وحكينا ع التكنيك البحت في اليد اليمنى واليد اليسرى ف للنوتة بدنا نبلش بطريقة مبسطة جدا نعرف بس وين كل النوتس موجودين على النوتة الموسقية بيسموه ميوزيكال ستاف وبعدين من هناك راح نطبق هادول النوتات على أوتار الجيتار ونعطي تمارين خفيفة هيك يعني بس تمارين كتير عشان تتعودو ع اللعب وتتعلمو تقرأو النوتة وإنتو عم تلعبو بنفس الوقت يعني إيش اللي عم بيصير هون لما تسووا هيك عم تاخدو من الورقة عم تعرفو شو إسمها وعم بتترجموها على الآلة الموسيقية.
أوكي هلا النوتة اللي عم باشرحها هاي كل عازفين الدنيا على أي إنستريومينت بيقدروا يقروا النوتة من الورق محل النوتة على الآلة تبعتهم بيختلف بس النوتة هي هي أوكي يعني اللا على الجيتار موجود ع البيانو موجودة بالفايلون موجودة بالصوت موجودة ع الترامبيت موجودة ع الباسون ع كل آلات الأوركيسترا أوكي كل ما بنقدر نوقف نقرا الميوزيكال ستاف كل واحد عم بيطبقه على آلته الموسيقية اللي النوتة موجودة بمحل تاني على أوتار شكل بنفخة شكل عرفت كيف ف مهم كتير إنه نعرف نقرأ النوتة لحالها من غير الإنستريومينت من غير الجيتار بالأول بعدين بنطبق.
أوكي هلا فيه خمس أسطر أوكي معتمدين هادول النوتة الموسيقية موجودين بس عشان نقدر نشوف هل هي النوتة عالية ولا على السطر ولا بالفراغ بين الأسطر فوق الخمس أسطر تحت الخمس أسطر صار عنا سلم موسقى نقدرنشوفه وين بالظبط نحدد وين هو لو ما في هادول الأسطر وحطيت سطر واحد مثلا بيصير عندي بس تلات إحتماليات يا إما النوتة فوق السطر يا إما على السطر يا إما تحت السطر شو تلات نوتات ما بيكفي فيه عنا كتير نوتس بالموسيقى ف عشان هيك الخمس أسطر شافو إنه كتير منيح كسيستم أعتمدوهعشان نقدر نشوف ع الأقل أوكتاف واحد كامل من أيه لأيه زي ما حكينا طبعا إذا طلعنا فوق هاي النوتات نصير نزيد أسطر زي ما راح أورجيكم هلا كمان شوي زي ما إنتو شايفين فيه خمس أسطر السطر الأسفل هو السطر الأول واللي فوقيه هو التاني تالت رابع خامس عند الخمس أسطر هادول فيه أربع فراغات زي ما إنتو شايفين طبعا الفراغ اللي بين السطر الأول والسطر التاني هو الفراغ الأول الفراغ اللي فوقه التاني والتالت والرابع يعني خمس أسطر وأربع فراغات هادول طبعا الأسطر بينحط عليهم النوتة زي ما راح أورجيكم هلا كمان شوي.
النوتة فيها زي قولنا توقع بالفراغ أو على السطر يعني مش معقد أكتر من هيك لازم تكون النوتة واضحة يعني مبينة هي جاي على السطر أو بالفراغ غير هيك الموسيقي راح مش راح يعرف يقرأها منيح هل هي ع السطر هل هي بالفراغ مش مبين ف كتير منيح يكون حتى لما تتعلمو تكتبو النوتة توضحو إن والله النوتة هاي على السطر أو بالفراغ زي ما راح تشوفو هلا كمان شوي عرفنا.
هلا مبدأ الأسطر فيه إشي بالموسيقى اللي بيحدد شو نوع الآلة اللي راح تقرأ النوتة هاي أوكي فيه إشي إسمه مفتاح موسيقي بالنسبة للجيتار يعتبر من الآلات الرفيعة صوتيا زي الفايلون والفلوت وصوت المرأة واليد اليمين تبعة البيانو بتزعف النوتات العالية و قيس على ذلك فيه إنستريومينتس كتير صوتهم عالي ف بنستخدم للآلات الموسيقية اللي صوتها رفيع إشي أسمه التريبل كليف اللي شايفينه إنتو هلا أو جي كليف بنسميه بالفرنسي كليدوصول صول هي جي إذا رجعتو على الدرس اللي قابله بتلاحظو بتعرفو إنه زي حكينا الدو هي السي و هكذا.
و من هناك نعرف الباقي ليش سموه هلا الجي كليف أو الكليدصول تريبل كليف عرفنا عشان تريبل الإنستريومينتس العالية صوتيا زي ما إنتو شايفين إذا بتشوفو الكليف بيجي زي هيك بيطلع وبينزل مسوي زي إكس على الخط التاني شايفين الخط التاني كيف جاي عامل عليه زي تارجيت هاديك النوتة هناك اللي واقعة على الخط التاني هي الجي نوت أو الصول فهذا المفتاح إجا قال هذي النوتة إلي بدي آخدها و أسميها على إسمي أنا إسمي جي كليف طبعا إحنا بنعرف بعد الجي ما بنرجع إتش آي بنرجع أيه بي سي دي صح وقبل الجي فيه إف إيه دي وهكذا.
أوكي فصفى بعد الجي هاي النوتة أخذناها كالسنتر كالمركز أو النوتة الأولي اللي اتعرفنا عليها على النوتة الموسيقية على السطر التاني من الموسيقى وإحنا مستعملين التريبل كليف طبعا تريبل كليف قالنا إن هاي الجي هون ومن هناك بتقيسه كل شي تاني أوكي أبسط الأمور يعني هيك."
