في الدرس الثالث نتعرف على وضعية اليد اليسرى في الجيتار الكلاسيكي ووضعية الأصابع الصحيحة و أرقام الأصابع و ترتيبها على خانات زند الجيتار و مكانها الصحيح بالنسبة للقطع المعدنية التي تفصل الخانات عن بعضها البعض. ثم وظيفة الابهام و مكانه الصحيح و مصدر الضغط في اليد اليسرى من المفصل.
طارق حرب:
"مرحبا أنا طارق حرب من اعزف دوت كوم.
واليوم بدنا نحكي معكم عن أساسيات اليد اليسرى أو الليفت هاند تكنيك.
فأنا مثلا هلا بدنا نبلش من غير أي شي حاطين الجيتار بالوضعية الصح وبدي أتخيل حالي إني زي ما تقول غورلة بالغابة وبدي أمسك الغصن.
فشو اللي بسوي بتأكد إنه كتفي مرتاح ويدي مرتاحة وبامسك الغصن زي هيك كتير سهلة العملية مابدهاش كتير تفكير من هون بدي شوي أزحلق إيدي وأنزلها ع الوتر السادس بأي طريقة ممكنة مش ضروري أرتب أصابعي لسه أرجع أسويها مرة تانية بامسك وبانزل على الأصبع السادس زي هيك ع الوتر السادس عفوا من هون بيصير عنا إحتمالية إنه يا إما نمد أصابعنا هيك أو نضمهم هيك عشان نتعلم الوضعية الصح تبعة اليد اليسرى بدنا نحط كل أصبع لكل خانة من بداية واحد اتنين تلاتة اربعة الأصابع اسمهم نفس الشي.
هدول الإصبع الأول بنحطه في الخانة الأولى الإصبع التاني بالخانة التانية الإًصبع التالت بالخانة التالتة و الإصبع الرابع بالخانة الرابعة بعد ما وصلنا لهاي المرحلة مهم إنه نتأكد إن الأصابع كلهم موجودين ورا الحديدة تبعة الفريت يعني هاي الحديدة هي تبعة الفريت الأول هاي الحديدة هي تبعة الفريت التاني وهكذا.
فإذا بنحط الأصبع الأول ورا الحديدة بالظبط هيك بنضمن إنه ما يصير عنا باز بالصوت بيصير الصوت واضح من غير أي إفورت أو جهد مبذول كتير عالي بيصير عندك بس دعسة الإصبع اللي بنحتاجها والعزف بيصير واضح (يعزف الاستاذ طارق التمرين).
من غير أي باز قصدي من هادا الصوت ما بدنا إياه نفس الشي بالإصبع التاني ورا الحدية الفريت التاني الإصبع التالت ورا الحديدة تبعة الفريت التالت وهكذا صار عندك واحد اتنين تلاتة اربعة والخامس اللي هو الإبهام ما بنسميه رقم بس بنحكي عنه إبهام وهو بس بيكون كعامل كسبورت ورا اليد ف مابيكونش مثلا ماسك الجيتار زي هيك بالجيتار الكلاسيك وداعس ع الوتر مثلا ليش هلا هادا مابيسمحلناش نقدر نتحرك بسولة لما نحط الإبهام زي هيك صار فيه عندك فريكشن أو احتكاك بالنك عالي ما بيقدر الواحد يتحرك بسهولة فالأبهام يكون بس لامس من الطرف هاد ورا النك راح نركز عليه كمان هلا شوي لقدام بالدرس تبع اليد اليسرى.
هلا شغلة تانية مهمة نركز عليها إنه كيف ندعس على الوتر فدائما لازم نتأكد مثلا لما أحط أنا إيدي زي هيك فيه برشر طبعا عم بحطه على الوتر عشان أعزف بس البريشر هذا من وين جاي بدو يجي من المفصل الأول مش من الفصل التاني المفصل التالت هادول المفصلين بس بيساعدو على يخلو الكيرف بالإصبع ما يكون هيك الإصبع مثلا أو هيك أو أي طريقة تانية ما ندعس من هاد المفصل أو ما ندعس من هاد المفصل يكون جاية القوة من المفصل الأول هيك إنت بتتأكد يكون عندك قوس بالإصبع فكل كل أصبع إذا هو داعس من المفصل الأول راح يصير عندك شكل اليد زي هيك فمن هاي بتحس فيها قوة القبضة فيها صار قوة صار فيها زي بتقول تقدر تعتمد عليها.
هاي القبضة أنا لو حطيت أصابعي زي هيك هاي ممكن أبقى أي وقت و أنا عم بعزف إنه يسحلو أو ما يسوو اللي بدي إياهم يسوه الأصابع فلما أتأكد واتعلم إني ادعس من المفصل الأول بكل اليد دائما بيصير فيه قوة زي عندك بالسور تحت الجسر دايما فيه قوس أو تحت القدم عنا فيه قوس هادا كله عشان يعطي قوة وثبات للاستراكشر تبع ويذر إذا هو كان البريدج أو القدم أو باليد فهاي شغلة مهمة كتير تانية"
