يستكمل طارق الحديث عن وضعية الإبهام في اليد اليسرى و بعض الأخطاء الشائعة ثم ينتقل للحديث عن مقدار الجهد المطلوب لاصدار الصوت الصحيح و كيفية تحديد هذا الجهد و تفادي أي جهد غير ضروري في اليد اليسرى ليتمكن العازف من العزف لفترات طويلة دون تعب.
طارق حرب:
"هلا من أهم الشغلات اللي بدنا نحكي فيها اللي هي وضعية الإبهام في اليد اليسرى.
وضع الإبهام هو يعني بيحددلك كيف التكنيك باليد اليسرى إذا هي تكنيك فلويد مرتاحة ولا تكنيك مش كتير إلها حرية فمثلا إذا أنا مسكت الجيتار زي هيك عبطته بالإبهام بطل عندي حرية للأصابع باليد اليسرى بس مجرد ما نزلت الإبهام لتحت اللي هي الوضعية الصح للإبهام في اليد اليسرى صار عندي حرية كاملة باليد اليسرى إنه تتحرك زي ما بدها وحرية للأصابع اللي يتحركو زي ما بدهم وين ما كان ع الجيتار.
ومهم كتير إنه ما نلمس الجيتار من هون و احنا عم نعزف كمان مرة نحط الإبهام في النص ونحط الأصابع هيك فلما نيجي ننقل على أوتار تانية اليد ككل بدها تنزل لتحت من ضمنها الإبهام شوفو كيف الإبهام عم ينزل بيصفي عندك الإبهام على الوتر الأول يا إما على طرف النك تبع الجيتار من تحت هادا إشي عادي وهادا إشي أنا بشجع فيه عشان بيصير عندك التكنيك وقتها ريلايبل فيك تعتمد عليه ما عمرك راح تإذي إيدك وحتعزف لساعات وساعات من غير أي تعب بالطريقة هاي.
شغلة أخيرة باحب أحكي عليها في الليفت هاند تكنيك اللي هي قد إيش إحنا بنحتاج نضغط عشان نطلع الصوت الصح من الجيتار أوكي هذا كتير فيه عازفين جيتار بيواجهو مشكلة فيها إنه بيصفي بعد فترة وهو عم بيعزف بيصفي الإيد تتعب ولازم يرتاح وهادا أوكي طبعا الواحد لازم يرتاح إذا إيده تعبت بس في الواحد إنه يتفادى هادا الشي بالتكنيك الصح تبع الإيد اليسرى فكيف نعرف قد إيش بدنا بريشر أو ضغط على الوتر نفس الشي زي ماقولنا حطينا إيدنا في البوزيشن الصح وبدنا بس نستعمل الإصبع الأول وبدنا نريحه بس نلمس الوتر ما نضغط بالمرة بس نلمس لما نعزف (يعزف الاستاذ طارق التمرين) ما عم يطلع عنا النوتة بالمرة (يعزف الاستاذ طارق التمرين).
شوي شوي بدنا نضغط ع الوتر (يعزف الاستاذ طارق التمرين) يصير عنا باز (يعزف الاستاذ طارق التمرين) هاي كمان شوية خلاص هاي النوتة الصح أنا يادوب داعس ع الوتر شوفتو قد إيش البريشر قليل ما بنحتاج أكثر من هيك كمان مرة (يعزف الاستاذ طارق التمرين) ما في لامس ببلش اضغط شوي شوي (يعزف الاستاذ طارق التمرين) وهادا هو (يعزف الاستاذ طارق التمرين) هادا البريشر بنحتاجه عشان يطلع (يعزف الاستاذ طارق التمرين).
النوتة تتطلع واضحة من غير باز ومن غير إفورت من غير جهد نفس الشي خلينا نجرب مثلا على الإصبع التالت ها (يعزف الاستاذ طارق التمرين) شوي شوي ندعس (يعزف الاستاذ طارق التمرين) هذا هو البريشر اللي نحتاجه طبعا لما تعزف أعلى (يعزف الاستاذ طارق التمرين) الوتر عم بتهزه أكتر فبدك تمسكه هون شوي أكتر البريشر بده يزيد مظبوط إذا عم تعزف عالي بس مش كتير خلينا نجرب (يعزف الاستاذ طارق التمرين) نزيد البريشر (يعزف الاستاذ طارق التمرين) هلا هيك أنا عم بعزف واطي أوكي إذا بلشت اعزف عالي (يعزف الاستاذ طارق التمرين) فيه شوي باز بزيدها شوية (يعزف الاستاذ طارق التمرين) خلاص (يعزف الاستاذ طارق التمرين).
هادا كل اللي بنحتاجه عشان نعزف على أوتار أي وتر بدنا إياه خلينا نجرب الوتر الأول إصبع تاني إصبع تاني (يعزف الاستاذ طارق التمرين) نزيد البريشر (يعزف الاستاذ طارق التمرين) بلشت النوتة تبين باز (يعزف الاستاذ طارق التمرين) راح الباز (يعزف الاستاذ طارق التمرين). هادا هو اللي بنحتاجه كتير مهم الواحد يركز ع البريشر اللي عم بيسويه باليد اليسرى"