يبدأ طارق بالتركيز على أهمية أساسيات اليد اليمنى و اليد اليسرى لتكوين أساس صحيح عند العازف ثم يبدأ بشرح الوضعية الصحيحة لليد اليمنى و التوازن المطلوب في الجسم للوصول للوضعية الصحيحة. ينتقل طارق إلى وضع الأصابع على الأوتار بالشكل الصحيح و أسماء أصابع اليد اليمنى المتعارف عليها في الجيتار الكلاسيكي.
طارق حرب:
"مرحبا أنا طارق حرب من اعزف دوت كوم.
واليوم بدي أحكي معكم عن الرايت هاند تكنيك أو الوضعية الصحيحة لليد اليمنى.
اليد اليمنى بالكلاسيكال جيتار زي الأحبال الصوتية للمغني دورها مهم كتير بالصوت اللي بتطلعه من الكلاسيكال جيتار والوضعية هي اللي بتأكدلكم إنه الصوت يطلع نقي وحلو وبردو بأقل إفورت ممكن أقل جهد ممكن تطلع صوت اللي بدك إياه أو نطلع كلنا الصوت اللي بدنا إياه.
طبعا أنا دائما براجع هاي الوضعيات حتى بها الأيام يعني عم بادرس كتير إلي الكلاسيكال جيتار دايما بارجع للبدائيات تبع اليد اليمنى واليد اليسرى عشان نبدأ باليمني بدنا طبعا زي كيف بدينا باليد اليسرى ريحنا إيدنا ع جنب نفس الشي بدنا نسوي زي هيك وزي ما شرحنا بالدرس التاني بوضعية الكلاسيكال جيتار بدنا نرفع اليد ونحطها عند الفور أرم على الكلاسيكال جيتار.
زي ما شرحنا بوضعية الكلاسيكال جيتار بالدرس التاني نفس الشي ف بس نحط إيدنا بالكونتاكت بوينت هون ع اليد صفى بدنا نلاقي البلانس تبع أو التوازن تبع الكتف مع اليد مع الساعد إنه تكون اليد مرتاحة لحالها من غير ما إحنا نرفعها أو ندعس ع الجيتار لتحت هيك نشد عليه فبدنا نخلي وزن الكتف ووزن اليد هو اللي ماسك الجيتار بمحلة من غير أي إفورت كمان مرة بأكد من غير أي جهد مننا جهد عضلي يعني فبس نوصل لهاي المرحلة صار الواحد مرتاح ومتوازن بدنا شوي نرفع اليد ع الأوتار هيك من غير أي تركيز وين الأصابع بيروحو كمان مرة حطينا اليد هيك رفعناها تأكدنا إنه مرتاحين ومتوازنين من الكتف من الفور أرم و من اليد ورفعناهم ع الجيتار زي هيك الخطوة اللي بعدها المهمة إنه نرتب الأصابع زي ما رتبنا باليد اليسرى نفس الشي بدنا نرتبهم باليد اليمنى والبيسك بوزيشن اللي هي الوضعية المبتدئة البدائية لليد إنه نحط الإبهام على الوتر السادس هيك والسبابة ع الوتر الرابع الوسطى نحطها ع الوتر الخامس سوري ع الوتر التاني الوسطى ع الوتر التاني ونحط البنصر ع الوتر الأول صار عنا الوضعية الأساسية لليد اليمنى في الكلاسيكال جيتار خلينا نحكي على أسامي الأصابع أول شي هلا بالكلاسيكال جيتار فيه إلهم أسامي ترجع الأسامي للغة الفرنسية واللغة اللاتينية الإبهام اللي هو ثامب بالإنجليزي بوس بالفرنسي معناته الحرف تبعه مش رقم اليد اليمنى أحرف الحرف بي فلما هلا بالدروس الجاية لما أحكي بي ع السريع ثامب يعني السبابة بنسميها آي من إندكس أو إنديكس بالفرنسي إندكس بالإنجليزي ف آي السبابة الوسطى بنسميها ميدل بالإنجليزي أو ماجوغ بالفرنسي واللي هي بتحمل الحرف إم البنصر اللي هو الرينج فينجر بالإنجليزي أو الأنيوليغ بالفرنسي واللي هو بيحمل الحرف أيه فصار عنا بي آي إم أيه إذا بدكم تحفظوها بسهولة نقدر نختصرها ب بيما بي آي إم أيه."
