الدروس
03:34:60 ساعة
47 الدروس
الجيتار
برد الأظافر
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يتحّدث طارق عن كيفّية برد الأظافر و العناية بها و إستخدام الأدوات المناسبة وأهمية ذلك للعزف على الجيتار.


طارق حرب:


"مرحبا أنا طارق حرب من اعزف دوت كوم.


و بدرسنا اليوم راح نحكي على طريقة برد الأضافر اللي بتعتمد على تشريح الأصبع ف فيه طبعا كام من تول يعني أو كام من آيتم نحتاجه عشان نبرد الأضافر بطريقة صحيحة اللي هي يعني تنتين مجملا بيكونو اللي هي المبرد تبع الأضافر يا إما اللي هيك شكله بيكون ثابت هذا أنا بافضله أكتر عشان إنه ثابت أو بيكون اللي زي هيك من كرتون بيكون شوي إله فليكسابيليتي يعني بس هادا ممكن مش كتير يكون ماتقدرش تعتمد عليه كتير عشان وانت عم تبرد ممكن يطعج ف بافضل اللي معمول من حديد بيكون زي هيك.

 

ف هادا واحد وتاني شي عندكم ورق الأزاز الناعم هادا بيكون ألفين جريد ألفين أو ألف وخمسمية ممكن أقل شي عشان أقل من هيك بيصفي كتير خشن وبيبرد الأضفر ما بينعمه ف إحنا بدنا هاي بعد ما نبرد الأضافر نستخدم هاي عشان نلمع الأضفر ف هادول الشغلتين اللي بتحتاجوهم هادا بتلاقيه بمواد البنا يعني بتلاقيهم صفحات بتشتريهم مش غالية أبدا يعني ومبرد الأضافر من أي صيدلية بتجيبوه.


هلا بدنا نحكي على كيف بنقدر نبرد الأضفر اللي بيعتمد على تشريح الأصبع ف زي ما أنتو شايفين بالصورة أيه بيكون هادا الأضفر المثالي بنحكي عنه اللي هو راونديد سيميتريكال متساوي في التقويس الصورة رقم بي اللي هي في كتير من الناس عندهم إياها وهاي مرات يعني بتأثر على العزف وبتصعب العزف عشان الأضفر بيكون دغري فلات أو فلات سلوبينج يعني منحني من الشمال لليمين أو منحني من اليمين للشمال لما تطلعو على أضفر زي هيك زي ما أنتو شايفين بالصورة وعندكم اللي فيه بردو مرات أضافر زي سي طالعة كيرف داونواردس اللي هو بتطلع و بينحني لتحت وفيه الإحتمالية دي اللي بيطلع كيرف أبواردس لما تطلعو عليه بيكون مثلا تطلعوا عليه من الجنب بيكون جاي زي هيك مقوس لفوق ف هادول أربع إحتماليات عند الناس.


يعني مرات بتلاقيها بنفس الإيد بتلاقي الأربع إحتماليات مش إنه دائما نفس التقويس بكل أصبع يعني هلا إذا بتطلعو على إيديكم بتلاقو التقويس متغير بين كل أصبع و أصبع فكل أصبع إله عشان إنه متغير بين كل أصبع و أصبع بده برد بطريقة معينة فهلا كيف بدنا نبرد الأضفر إذا كان عندكم راونديد سيميتريكال اللي هي الصورة أيه زي ما أنتم شايفين أصبع الإم شايفين كيف مدور هادا راح أسويله لما أبرده بالطريقة هاي زي ما حكينا خمسة وأربعين درجة زي هيك بابرده من هون باحرك المبرد.


أوكي بطريقة دغرية زي هيك و أنا عم باتطلع على الأصبع بالطريقة هاي بس أخلص برده طبعا بيصير عندي خط دغري هون أوكي طبعا إذا أنا سويت الأضفر هيك ما راح يكون فيه خط أكيد راح يكون فيه تقويس هذا منيح بس إحنا لما نسويها على خمسة و أربعين درجة هيك ونبرد راح يصير عنا خط دغري.


زي ما إنتو شايفين هون الوتر راح يبدأ الوتر من هون يسحل بطريقة كتير سموث ويتركها من هون هيك الوتر راح يجي من هون ويترك فإذا كان عنا بوينتيد نيل زي اللي حكينا عنه قبل راح يجي الوتر من هون يعلق وبعدين يفلت هادا حكي ما بدنا إياه حتى لو كان عندك تشريح مثلا زي سي اللي هو كيرف دوانواردس أوكي بتمسك الأضفر وبتسويله نفس الطريقة بتمحي الكيرف داون ويذ الهوك وبتخلي الأصبع يكون بردو في خط مستقيم عشان المبدأ كله من هادا الحكي إنه نخلي الوتر بس نمسكه من هون يمشي ويترك بطريقة سموث كتير من هون.


أوكي ما يعلق وهو بطريقه ف شو ما كان التشريح تبع أصبعك إذا أتطلعت على أضفر زي هيك وحطيت المبرد زي هيك وسويته بطريقة دغرية زي هيك راح يطلع عندك الشيب مثلا إذا عندك راونديد أيه و انت سويته زي ما حكينا في الطريقة هاي راح يطلع أصبعك شكله زي نامبر وان لما تطلع عليه بالطريقة هاي أوكي أو تطلع عليه بالطريقة هاي أنا عندي أصابعي كلهم راونديد تقريبا يعني هادا مثلا الأيه فينجر راونديد أكتر من الباقية بس لسه ذاي أول راونديد فكلهم بيطلع شكلهم راونديد سيميتريكال زي راونديد رقم واحد."

عن المدرب
طارق حرب
طارق حرب
حائز على الجائزة الأولى وجائزة اختيار الجمهور في مسابقة باريوس WorldWideWeb 2011، إضافة الى الجائزة الأولى في مسابقة مونتريال الدولية للعزف على الجيتار الكلاسيكي. يعتبر طارق حرب أحد أهم عازفي الجيتار الكلاسيكي في جيله. وصف عزفه بأنه "عزف منساب سلس ومدروس... عازف جيتار يجب مشاهدته!" (د. جاري أنطونيو): " استثنائي موسيقيا ودقة متناهية في التكنيك." (د.الاكساندر دنن). قال الناقد الموسيقي في مونتريال جون واينز الممتحن في الموسيقى الحية أنه "...يتواصل بالموسيقى ليلامس ويحس ما لا يمكن التعبير عنه بالكلام!" كما وصف حرب بأنه "سيد الموسيقى الحزينة." عزف حرب وقدم عروضا على الجيتار في مهرجانات موسيقية مختلفة في أمريكا الشمالية وأوروبا والشرق الأوسط وأمريكا الجنوبية تخللها عروض في أماكن مرموقة مثل قاعة اوسكار بيترسون في مونتريال، كندا، المدرج الروماني ذو ال2000 عام في جرش، الأردن، وفي كونسيرتجيبوف الشهيرة على مستوى العالم في أمستردام، هولندا. تتضمن مخططاته المستقبلية عروضا في طوكيو، اليابان في ديسمبر2012 ضمن فعاليات مسابقة طوكيو ال55 للعزف على الجيتار الكلاسيكي، وكذلك في فعالية TED العالمية 2013 في ادنبرة، اسكوتلندا في يونيو من العام نفسه، اضافة الى العديد من المشاريع الأخرى. بعد انتقاله من الأردن الى كندا، درس حرب كل من الكمان والغيتار الكلاسيكي مع عازفي الجيتار رودي الياس و باتريك كيرني ود.غاري أنطونيو، ومع عازف الكمان كلود جيلينو و كليمنس ميركل من الرباعية الموسيقية بوززيني. كما شارك في العديد من الدروس المتخصصة بما فيها التي تديرها لورنزو ميشيلي ، فييكس جيسون ، بافل شتادل، ريمي باوتشر ، و مانويل باريوكو. يحمل حرب درجة الماجستير في الأداء من جامعة ماكغيل، وعلى درجة بكالوريوس في التجارة من جامعة كونكورديا. وهو يحضر حاليا لشهادة الدكتوراه في الفنون الموسيقية في جامعة تورونتو تحت وصاية الدكتور جيفري مكفادين. و يعزف حرب على أدوات موسيقية من صنع أوتو فونكل و جان رومبرى.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!