يكمل طارق تركيب الوتر الأول في الجيتار و يبدأ بتركيب الوتر السادس باستخدام الطريقة الثانية للربط.
طارق حرب:
"هلا بس عشان نتعلم كيف ندخل الوتر الأول في راس الجيتار من هون هلا زي ما إنتو شايفين إحنا بدنا ندخل الوتر الأول في راس الجيتار عشان نربطه ونشده وندوزنه زي ما راح تشوفو بالحصة الجاية.
ف بناخد الشقة التانية تبعة الوتر وزي ما انتو شايفين الجيتار إله زي تلات مفاتيح من هاي الشقة اللي هي مفاتيح التريبل سترينجس وتلات مفاتيح من الشقة التانية مفاتيح البيز سترينجس أوكي زي ما إنتو شايفين الأول بيروح من هون بيدخل على المفتاح الأول والتاني للتاني والتالت وهكذا السادس بيدخل على الأول من الشقة الشمال الخامس ع الخزوق التاني والرابع بيدخل على آخر واحد زي الوتر التالت من تريبل.
ف هلا بناخد الوتر من الشقة التانية بندخله الخزوق هلا صار عنا هيك بدنا نسوي ربطة ف بنرجع بندخلها من الشقة التانية بنلفها وبنربط بس وإحنا ماسكينها من هون نقدر نصير نلف الوتر من المفتاح مع عقارب الساعة لعبال ما يمسك زي ما إنتو شايفين هلا بس يمر من عند هاد الخزوق خلاص راح يكون ثابت كتير هلا بنلفه زي هيك وطبعا بياخد وقت هو على ما ينلف ف إذا عندكم وقت يعني أو مريتو على محل الجيتار أو محل موسيقى في عندهم شي إسمه زي سترينج وايندر اللي هي بتساعد على لف الوتر بسهوله.
ف بنحطها على المفتاح وبنلف مع عقارب الساعة زي ما إنتو شايفين نفس الشي بس بتسرع العملية يعني مش أكتر بنلفها هيك بس بينشد الوتر نوع ما بنحطه بالعضمة بمحله اللي لازم يروح عليه زي ما إنتو شايفين الوتر الأول هلا بالنسبة لأوتار البيز عشان في عنا تلاتة بدي أورجيكم إكزامبل على الوتر السادس طبعا الوتر السادس أوتار البيز بيجو ملفوفين زي أوتار التريبل وكل وتر بيجي بباكيج معين أو مكتوب عليه بالظبط إيش هو أو بيكون عليه زي ستيكر على الوتر بتشيلوها.
طبعا ف بيكون حاكيلك أي وتر هو الوتر السادس وهكذا ف الوتر السادس مرات أو أوتار البيز بيكون عليهم الشقة الوتر شكله طبيعي زي هيك أو ومن الشقة التانية بيكون عليه نتوئات شوي أعرض عشان يساعد على المسكة أو يسوي فريكشن يسوى إحتكاك ما يسحل الوتر أبدا ف هاي لما تشوفو المنطقة اللي عليها نتوءات كتيرة أو نتوئات واسعة هاي بتروح على راس الجيتار أوكي الشكل الوتر طبيعي بيروح عند البريدج ف بدنا ناخد هاي الشقة من الوتر وندخلها بالخزوق السادس اللي هو موافق للوتر السادس على البريدج دخلها من هون نفس العملية تبعة الإي سترينج أو الوتر الأول بنلفها من تحت وبعدين بندخلها وما بنسوي عقدة بزيادة ليش عشان البيز راح يمسك حاله بحاله عشان عليه نتوئات كتير ف ما راح يسحل ف بندخله من هون بنمسكه مجرد ما نشده خلاص مسك حاله زي هيك.
طبعا إذا طويلة طلعت من هون آخر الوتر بنقدر نقصها بالمقص بس من هون طلعت والله صح ما عم تخدش الجيتار ف بنقدر نتركها زي ما هي خلاص صار ممسوك من هون هلا بدنا نشوف كيف بدنا نربطه من عند راس الجيتار عشان راس الجيتار نفس العملية يعني مالهاش أي دخل طبعا إنتو سوينا إحنا ربطة واحدة للتريبل سترينج معناته ربطة واحدة راح تشتغل مية بالمية للبيز سترينج نفس الشي راح يكون متماسك وما راح يسحل نفس العملية بندخلها من الخزوق تبعه بنلف بنربط وبنشده وبعدين بنصير نلف بالسترينج وايندر أو بإيدنا مع عقارب الساعة هلا بس لف وانشد نوعا ما بنحطه بالعضمة بالخانة تبعته عشان هيك يصير مشدود نوعا ما وبدنا نتعلم كيف ندوزنه بالحصة الجاية طبعا إنتو شافين فيه زي أوتار زيادة أو وتر شوي زايد طالع من عند الراس مش حلو كتير شكله.
ف أنا باحب اقصه بس هيك بنجيب مقص وبنشد ع الوتر شوي وبنقص وبنخليه نضيف ومش طالع زيادة عن اللزوم بنسويه على كل الأوتار زي هيك بعد ما تحطوهم ع الجيتار وهيك خلاص الجيتار صار عليه الأوتار وجاهز إنه يتدوزن."