في الدرس الخامس و العشرين و الأخير وهو مكون من ستة أجزاء يشرح طارق كيفية عزف المقطوعة الكلاسيكية مقطوعة Joseph Kuffner للمؤلف Andantino الأولى و هي.

طارق حرب:

"بعدين بنوصل للسطر الأول تبع النوتة زي ما إنتو شايفين.

كل سطر عليه التريبل كليف أو الجي كليف اللي حكينا فيه وبس السطر الأول فيه التايم سجنتشر أو الأرقام تبعون الإيقاع عم بيحكيلنا كام من نبضة في بالمازورة وشو نوع هاي النبضة ف بهاي الحالة زي ما حكينا بدرس الإيقاع حاطين ثري فور يعني ثلاث نبضات معمولين من نوتة الربع يعني من نوتة الكوارتر نوت كل مازورة فيها تلاتة كوارتر نوتس زي ما إنتو شايفين بأول مازورة مثلا عنا بالسطر الأول.

هلا إذا بنمشي بنشوف المازورة الأولى بعدين فيه خط بدها تبلش المازورة التانية خط المازورة التالتة صار فيه عنا بالنبضة التانية و التالتة بالمازورة التالتة نوتتين فوق بعض هيك ماشيين هادول إذا بتتذكرو بدنا نلعبهم مع بعض إذا النوتات كانو فوق بعض معناته بنلعبهم في نفس الوقت والمازورة الأخيرة السطر الأول نوتتين فوق بعض بس شكلهم هاف نوتس وعليهم نقطة يا ترى إيش النقطة هاي بتسوي هاي بس عم بيحاولو يعبو مازورة الثري فور بنوتة واحدة بضربة واحدة ف الهاف نوت إحنا بنعرف إنها ضربتين النقطة يعني أبسطلكم الحكي هي بتزيد نص الفاليو تبع النوتة.

يعني مثلا عنا نوتة الهاف نوت هي النبضتين والنقطة نص الضربتين واحد ف اتنين زائد واحد يساوي تلات ضربات أوكي مثلا إذا أخدنا الكوارتر نوت اللي هي ضربة واحدة أوكي وحطينا عليها نقطة هي واحد الكوارتر نوت صح ضربة واحدة حطينا عليها نقطة صفى نص الواحد واحد ونص صفى طول الكوارتر نوت عليها نقطة هاي راح نحكي فيها في دروسنا الجاية بس حاليا بدي إياكم تركزو على الهاف نوت اللي عليها نقطة هاي معناتها تلات نبضات هاي موجودة بكل مازورة بكل آخر مازورة على كل سطر من الموسيقى زي ما إنتو شايفين طبعا السطر التاني موجودة ثري فور اللي هي تلات ضربات في المازورة الأخيرة بعدين فيه عندكم سطرين واحد نحيف وواحد خميل بس عليه نقطتين كمان هاي هي الريبيت ساين أو رمز الإعادة في الموسيقى.

أوكي لما إحنا عم نمشي ونوصل لهاي النقطة نخلص سطرين بدنا نرجع نعيد من الأول ونرجع نلعب كل شي بس بنعيدها مرة واحدة فهادا الرمز الريبيت بردو بدي إياكم تتعلموه وتحفظوه راح تشوفه كتير في الموسيقى في المستقبل بس نلعب البارت الأول هاد اللي هو سطرين وبيرجع ينعاد بدنا نسميه هادا بارت أيه.

أوكي بعد ما نلعبه مرتين بدنا ننط على بارت بي اللي هو السطر الثالث من الموسيقى وبنبلش طبعا زي ما إنتو شايفين فيه خطين وفيه نقطتين بداية ببارت بي أوكي بعدين تبلش النوتة كوارتر نوت كوارتر نوت هاي بس عم بيقولكم إنه مظبوط فيه عنا إعادة بآخر السطر آخر السطر الأخير بردو فيه إعادة ف مثلا إذا النقطتين هادول ما كانو موجودين ع السطر التالت معناته بدنا نرجع نعيد من الأول أول لأ هون بس اللي بدهم إياه لنعيد بارت بي اللي هو السطر التالت والرابع ف عشان هيك حطولنا نقطتين على السطر التالت ببدايته ونقطتين على السطر الرابع بأخريته ف بيصفي بس نوصل للأخير بدنا نرجع نعيد من وين النقطتين أقرب نقطتين موجودين أوكي اللي هما ع السطر التالت ف صفينا عم نلعب بارت أيه مرتين وبارت بي مرتين وهيك إنتهت المقططوعة.

أوكي هلا حكينا على التايتل حكينا على اسم الكومبوزر حكينا على سرعة الميترونوم على التريبل كليف أو الجي كليف على الإيقاع ثري فور كل هادا فهمناه وبنقدر نغير السرعة ونبدأها بطيء وشوي شوي نزيد السرعة كمان شي مكتوب ع النوتة غير النوتة الموسيقية طبعا للجيتار مكتوب أحرف يد اليمين اللي هما بي آي إم أيه و مكتوب أرقام اليد الشمال اللي هو واحد اتنين تلاتة أربعة زي ما كنا بنعرف."