ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
2.2 - مرتبة القدم و نقاط التلامس

يكمل طارق الشرح عن استخدام مرتبة القدم الذي بدأه في الجزء الأول من الدرس و كيفية الوصول للارتفاع المناسب لكل عازف. ينتقل طارق لشرح النقاط الأربعة التي يتلامس فيها الجيتار مع جسم العازف و ارتفاع الكرسي المناسب و ارتفاع الجيتار المناسب للوصول للوضعية المثلى لعزف الجيتار الكلاسيكي.


طارق حرب:


"بدي إياكم تجربوا اللي بيلبقلكم.


يعني حاول تحطوها زي هيك شوفو إذا كتير عم بتفشكم لورا ممكن شغلتين يا إما انت بتفضل بعد ما تجرب هيك إذا ظبط معاك أوكي بس ممكن شغلة تانية إن الفووت ستول تكونو حطينها كتير عالي يعني نقدر نغير إحنا الإرتفاع تبع الفووت ستول فعادة بدي إياكم تبلشو بالارتفاع المتوسط.


زي ما حكينا بالدرس الأول حاولو لاقو فووت ستول فيها خمس ارتفاعات إبلشو في الارتفاع المتوسط وجربو كل ما انتو أطول بدكم الفووت ستول تكون أعلى أوكي فمثلا إذا واحد تشريحه الجسمي يكون قصير بيحتاج الفووت ستول تكون أوطى وراح يقدر يكون قاعد مرتاح فيها زي هيك ونك الجيتار جاي في الزاوية اللي نحتاجها راح نحكي كيف نلاقي هاي الزاوية بس نضيف الجيتار على المعادلة هلا نرجع الفووت ستول لإلي أنا بحبها في الوسط زي هيك حطها قدام الرجل الشمال.


صار هيك عندي توازن مية بالمية مرتاح زي أكني قاعد من غير الفووت ستول صار الإحساس هادا مهم كتير الواحد يتوصله قبل ما يضيف الجيتار ع المعادلة هلا نجيب الجيتار وبنبلش بإنه نحط وسط الجيتار من هون اللي هو الخصر تبع الجيتار من هون حطه الأجر الشمال زي هيك أوكي وهاي صارت بوينت أوف كونتاكت نامبر وان أو هي نقطة التلامس رقم واحد في أكتر من نقطة تلامس راح نحكي عليهم شوي شوي نقطة تلامس اتنين اللي هي الجيتار من هون من تحت الجيتار بنسميه هادا الباطن السفلي وهادا الباطن العلوي بالإنجليزي لوار باوت أو أبار باوت فبنحط الباطن السفلي ع الفخد اليمين من جوه هيك صار سيكوند بوينت أوف كونتاكت صار اللمسة الثانية للإنستريومينت ع الجسم.


صار عنا تو بوينتس أوف كونتاكتس وان تو نقطة اللمسة الثالثة هي إن الجيتار بنرجعه لورا بيصطدم بالصدر في النص زي هيك أوكي صار عنا هيك نقطة ثالثة بس لسه الجيتار ها بيسحل كيف نقدر نثبته بنقطة رابعة اللي هي اليد اليمنى أو الساعد الأيمن بنحطه واحنا مرتاحين زي ما راح نراجع في الدرس رقم اربعة بنحطه على الباطن السفلي تبع الجيتار.


من هون في وسط الساعد صار هيك الجيتار ثابت هلا مع وزن تبع كتفي ووزن تبع إيدي صار الجيتار ثابت بدنا لسه نحس الثبات اللي كنا حاسين فيه من غير الفووت ستول ومن غير الجيتار إنه نكون زي أكنا معلقين بخيط للسقف من غير أي إفورت إنه نقعد زي أكنه واقفين نقعد دغري زي هيك ف صار عنا فور بوينت أوف كونتاكت هيك الجيتار ثابت في اليد اليسرى إلها حرية كاملة واليد اليمنى إلها حرية كاملة تلعب الجيتار في وسط الجسم و هاي البوزيشن في الواحد يرتاح فيها ويعزف ساعات عديدة من غير ما يحس إنه تعب فلما توصلو لهاي المرحلة إنه مرتاحين في هاي القعدة بدها شوية تعويد هي بس بس ترتاحو فيها شوية بتشوفو قد إيش اللعب بيصير اسهل ع العزف فهلا كيف نلاقي علو الجيتار هاي بردو مسألة كتير الجيتاريين بيستصعبوها وهما قاعدين بيفرق طبعا طول أو علي الكرسي اللي قاعد عليه طبعا الكرسي العادي مهم ما يكون كتير عالي يعني أي كرسي بتاخده مثلا حواليك في البيت أو بتاخدو تلاقوه في محل عادة بيكون ستاندرد.


يعني علي بس المهم نركز عليه إنه طبعا لما تقعد ع الكرسي يكون في عندكم زاوية تقريبا تسعين درجة بين الفخذ والرجل من هون مع الركبة يكون عندكم زاوية تسعين يعني إذا واحد قاعد ويكون قاعد زي هيك هذا الكرسي كتير عالي صار إذا الواحد قاعد و إجريه طبعا هون الكرسي كتير واطي أوكي ف الواحد يحاول يلاقي كرسي اللي يناسب طوله ويكون تقريبا فيه تسعين درجة من هون في الركبة.


هيك بتقدر تلاقي التوازن بأسهل وبأقصر وقت ممكن طبعا هلا كيف نلاقي كيف علو الجيتار بيكون بدي إياكم تتخيلو إنكو عم تعزفو إير جيتار جيتار هوائي مافي جيتار هلا حاليا تخيل حالي عم بعزف بسوي زي هيك هون الجيتار محله بده يكون بس كتير بسيطة العملية يعني مش تحطوه إذا انتو عم تعزفو إير جيتار وبعدين الجيتار.


هون هذا غلط راح تتعب أو إذا حاططلي إياه هون هيك ع الواطي وانت عم تلعب إير جيتار زي هيك بردو راح تتعب ما راح يريحك ف الجيتار الفووت ستول عليها بيعتمد على انت كيف تخيل حالك تعزف جيتار هون الجيتار بده يكون وانتهى الموضوع خلنا نجرب مية بالمية فهيك صرت بحدد العلي تبع الفووت ستول على الكرسي اللي أنا قاعد عليه وعلى كيف أنا لما آجي اعزف إير جيتار كيف بيكون إيدي عم بيتحركو بحاول أحط الجيتار هناك وهيك اتدربو عليه شوي بدها كام من أسبوع عشان تصير قعدة نتشريوال.


وإن شاء الله من هناك بيصير كل حركة في الجسم وفي اليدين أسهل وأسهل مع الوقت ومع التمرين."


فيديوهات دروس الدورة - تعلم الجيتار الكلاسيكي 1
1 الجيتار الكلاسيكي Opened 06:59
2.1 الجلسة الصحيحة Opened 06:13
2.2 مرتبة القدم و نقاط التلامس Opened 06:05
3.1 اليد اليسرى Opened 04:13
3.2 اليد اليسرى Opened 03:48
4.1 اليد اليمنى Opened 04:09
4.2 اليد اليمنى Opened 04:25
4.3 اليد اليمنى Opened 06:06
5.1 الأظافر و أشكالها Opened 03:15
5.2 الأظافر و أشكالها Opened 04:40
6.1 برد الأظافر Opened 04:53
6.2 برد الأظافر Opened 04:38
7.1 ضرب الوتر Opened 03:25
7.2 الضرب الحر Opened 04:04
8.1 ضربة الاسناد Opened 04:23
8.2 ضربة الاسناد Opened 04:26
9.1 التحضير و الارتياح Opened 03:37
9.2 التحضير و الارتياح Opened 04:01
10 التحضير للكوردات Opened 07:00
11 التحضير للأربيجيو Opened 06:28
12.1 التنسيق Opened 03:56
12.2 التنسيق Opened 04:15
13.1 تركيب الأوتار Opened 03:25
13.2 تركيب الأوتار Opened 04:33
14.1 الدوزان Opened 04:03
14.2 الدوزان Opened 04:57
14.3 الدوزان Opened 04:22
15.1 المدرج الموسيقي Opened 05:48
15.2 المدرج الموسيقي Opened 04:38
16.1 الوزن الايقاعي Opened 05:15
16.2 الوزن الايقاعي Opened 05:33
17 الصوت الفخم Opened 04:56
18 نوتات الوتر الأول Opened 06:10
19 نوتات الوتر الثاني Opened 05:45
20 نوتات الوتر الثالث Opened 05:03
21 نوتات الوتر الرابع Opened 04:24
22 نوتات الوتر الخامس Opened 04:15
23.1 نوتات الوتر السادس Opened 03:10
23.2 نوتات الوتر السادس Opened 04:15
24.1 سلم و كورد الـ سي Opened 04:53
24,2 سلم و كورد الـ سي Opened 04:24
25.1 مقطوعتك الكلاسيكية الأولى Opened 03:51
25.2 مقطوعتك الكلاسيكية الأولى Opened 04:17
25.3 مقطوعتك الكلاسيكية الأولى Opened 06:45
25.4 مقطوعتك الكلاسيكية الأولى Opened 05:04
25.5 مقطوعتك الكلاسيكية الأولى Opened 04:50
25.6 مقطوعتك الكلاسيكية الأولى Opened 03:25
}