و يشرحة بتفصيل, و يعطي نبذة عن النوتات و البيمول و Major scale يتحدث الأستاذ جورج النجار عن سلم الماجور الدييزSharps and flats.
جورج النجار:
"اهلا بكم في اعزف دوت كوم.
احنا بالدرس رقم تسع طعش من الجزء التالت من سلسلة عالم البوب جيتار و بدنا نبلش نحكي بشكل فعلي وعمل عن السكيل زي ما بيسمو السكيلات الاوروبية بدنا نبدا بسكيل الماجور دايما ببدو بسكيل الماجور لما نوصل للماينر رايحين تعرفو ليش طيب سكيل الماجور عم نحكي عن سبع نغمات مش خمسة مثل البلوز ويعني الغريب انه احنا بدنا نمسك موضوع بشبه نهاية الجزء التالت للجيتار اللي كثير ناس بالبيانو بيمسكو باول الدروس اذا كان الواحد كبير شوي سنا اول ايشي بعطو السكيلز دو ري مي فا صول لا سي دو c d e f g a b c بالمعارف اليونانية لانه طبيعة الالات بتختلف البيانو من اولها فيك تفصل الايدتين ببساطة وبدنا نبسط شوي الموضوع عاساس هاي الايد بتعزف الكوردات وهاي بتعزف الميلودي فبما انه الواحد صار يعزف السكيل وشايف قدامو عالبيانو بجوز سهله للثواني الواحد بيميز للي ما بعرف في كبستين سود بعدين ثلاثة ثنتين ثلاثة على اليمين الثنتين بيكون الدو او ال c مرات بيلاقي انما عالجيتار الواحد بدو اشهر يعني في عازفين ممكن الواحد يقعد مرات سنين وهو ما بيعرف النغمة هاي شو اسمها اللي هو c دو وبيعزف بيعزف منيح بس ما بحتاجهم وهو بعزف وبعزف منيح بس من ضمن حدود معينة موضوع السولو انو هاد بركب مع هاد لا هو بيعزف منيح كتنفيذ الاغاني مقلد بس موضوع انه يمشي لمرحلة اعلى شوي ويمسك اشياء لحالو او يعمل توزيع لحالو لاغنية معينة عالجيتار مش رح تزبط معو لانه ماعندو معلومات نظرية كفاية بس قديش عنده مهارة بالاصابع فرح يكون دايما بحاجه لحدا يوري شو لازم يعمي ، احنا عشان نبسط شوي الموضوع بالبداية بدنا نحكي نظريا شو السكيل الماجور انت من حيث المبدأ عندك اطنعشر نغمة مختلفة بالموسيقى c d e f g a B مع الشاربس والفلاتس الموجودين بينهم كلهم ما عدا بين ال E وال F والB وال C واذا في عندك اي مشكلة بهالموضوع ضروري يكون في ورقه مكتوب في C بعدين في Cشارب اللي هو D فلات بعدين D بجيك بعدين ال D شارب اللي هو ال Eفلات بعدين ال E وراها فورا F بعد الF في F شارب G فلات نفس النغمة بعدين ال G بعدين G شارب A فلات بعدين ال A بعدين A شارب نفس ال B فلات بعدين بعدينال B بنرجع لل C وفيش بينها وبين ال B ايشي اه برضو بنحكي انه المسافة بين اي مربع والمربع اللي بعده نص درجه يعني المسافة بين الC وال C شارب نص درجه المسافة بين الC وال D درجه كاملة والمسافة بين C وال E فلات درجه ونص لاحظ انه حكيت E فلات مش D شارب عشان تصفنو شوي وتفكرو بالموضوع هاد نعم بالبداية اللي كان بيحاول يتجنب الموضوع هاد بزبطش بدك تفكر بالموضوع هاض ولاول وهلة انه ليش اه مرة عمرة عمرة بيصير جزء من العيلة بس بدك تشتغل في وهو بالحقيقة سهل مش مئات النغمات يعني ففعليا خلينا نفكر فيها بتصفي عنا سبع نغمات الهم اسامي لوحدها هيك بس احرف بجون اشارات اضافية طيب بيكونو عنا اطنعشر نغمة بالموسيقى في السبعه اللي اساميهم بسيطة وفي عندك كمان خمسة اللي بيجيهم احرف بس هدول الخمسة اللي بيجيهم اشارة في الشاربس وفي الفلاتس ففي عندك عشرة عشر اسامي برضو بدك تاخد دقيقة وتفكر فيها عنا سبع نغمات عندهم اسامي النغمات الاصلية مع انو تسمية غير صحيحة وهدول كلهم نغمات من حيث المبدأ هاي نغمة ( يعزف الاستاذ جورج التمرين ) وهاي نغمة ( يعزف الاستاذ جورج الترمين ) بس نيجي للنظريات هاي التانية اللي عزفتها ( يعزف الاستاذ جورج التمرين ) الي هي الG اسمها هيك سهلة ومرات بقول هاي F شارب ( يعزف الاستاذ جروج التمرين ) الواحد بيحكي يي F شارب انه كيف في حسبة في البداية بس مع الايام بتصير عادية جدا زيها زي غيرها ، حكينا عنا سبع نغمات بنسميهم بس احرف وعندك الخمسة اللي بيجيهم اشارب شارب او فلات فالاطنعش عدول بيتحولو لسبع طعش اسم هم اطنعشر نغمة مختلفين بس الاحتمالات كاسامي سبعطعش احتمال بتبين صعبة بس بتصير زي غريزة لما تسمع E شارب بتعرف انها D فلات متخافوش بتتعودو طيب قبل ما نمسك سكيل الماجور بالجيتار ضروري نتعامل مع سكيل الماجور انه احنا عارفين كي فنطلع سكيل الماجور سهله الحسبة بنسميها واحد واحد نص واحد واحد واحد نص سهل حفظها شو يعني ،طبعا في عدة طرق الواحد يطلع السكيل ماجر الناس بحبو اكثر النوت عالمدرج الموسيقي بكون ابسط بس انا بعتبر انه دراسة المسافات شوي مهمة هون
