جورج النجار:
"مرحبا واهلا بكم في اعزف دوت كوم ،انا جورج النجار وهادا الدرس الاول من الجزء الثالث من رحلتنا في عالم البوب جيتار ، حكينا اول ايشي عن السترمنج ، حكيناعن الفينجيرنج ، وفي الجزء التالت رح نحكي عن البيكنج ، استخدام الريشة بالعزف على البوب جيتار طبعا في اساليب مختلفة للبوب ، الواحد بيكون بدو يعزف اغنية معينة بس بيهمو الاغنية تكون حلوة ما بيهمو انه هادا جاز او بلوز او ريجي بس في بعض اساليب العزف عالجيتار او بداية عزف السولو الموجودة بمعظم اغاني الروك ، مطلوب في العزف عالريشة ، او عزف البور كورد ( يعزف الاستاذ جورج التمرين ) هو ايشي مختلف شوي ورايحين نحكي عن كل المواضيع هاي بالنسبة للريشة نفسها هاي ريشة الجيتار ، وفي حكي كثير بالنسبة لاستخدام الريشة في ناس بيفكرو اذا بنستخدم ريشة كثير رفيعة بتكون بتطعج بسهولة ، رح يكون عزفي اسرع ، هادا كلام مش مزبوط ، موضوع الريشة قديش انت مرتاح وقديش بتقدر تتحكم ، بالريشة وبدنا نحكي شوي عن مسك الريشة ، يعني ما في طريقة محددة انو لازم تمسك الريشة ، يقال انو احسن عازف جيتار عاش جيمي هينريكس كان يمسك الريشة كان يمسك الريشة هيك ، ( يعزف الاستاذ جورج التمرين ) وفي ايدي فان هيلين برضو عازف جيتار كثير معروف كان يمسك الريشة هيك فبالطريقة الي بترتاح فيها ، لانه المتطلب الاول ليونة الرسخ ، اثناء العزف بس ، ضروري الواحد ما يمسك الريشة مرات الناس بيحاولو يتحكمو زيادة عن اللزوم بالريشة بيمسكوها وبيخلو بس الطرف مبين ، ومرات الواحد بمسكها هيك من الطرف من هون وبالحالتين هو غلط ، يعني المتعارف عليه حاول تمسك الريشة انه ثلثين الريشة مش تقيسها بالزبط يعني لا يعني هيك ايشي ، ثلثين الريشة تكون ممسوكة ، والثلث الاخير يكون سواءا هيك او هيك او اي طريقة اخرى بتشوفها مناسبة انا نفسي مرات بدون ما ادرك مرات بمسكها هيك ومرات بمسكها هيك حسب الايشي الي قاعد بعزفو طيب.
و باجي اعزف عالريشة اول تمارين من الي بنقدر نحكي ضروري لمن الواحد يستخدم الريشة انه قدر الامكان يستخدم لما الريشة نازلة او طالعة ( يعزف الاستاذ جورج التمرين ) يعني بالحالتين عشان اكسب حركة ، انت فكر فيها ، اذا بدنا نبدا ايشي لتحت نمسك الوتر الاول اذا عزفت لتحت ( يعزف الاستاذ جورج التمرين ) صفت الريشة تحت الوتر اذا انا بدي اعزف لتحت كمان مرة ،في الحركة هاي بدي اجيب الريشة لفوق عشان اقدر اعزف كمان مرة الحركة هاي لفوق انا بكسبها وبضرب الوتر في بيصير السرعه اكبر في العزف ، فاول تمرين صغير بنقدر نحكي في ، رح يفيدنا مش بس باستخدام الريشة ، برضو بموضوع استقلالية الاصابع لانه حتى الان اغلب العزف كان كوردس دايما ، طبعا هادا بيفيد جدا بموضوع الاصابع لكن هسا بعزف السولو الموضوع رح يختلف لانه كل اصبع بدو يروح على جهة وحركته رح تمون منفصلة عن التانية ."
