نصائح عن مدة التمرين على كل موقع لكل سلم على الجيتار , تمرين على عزف الكورد و سلم البلوز معاً, تركيز على العزف الصحيح قبل السرعة, ينتقل الأستاذ جورج للموقع الرابع لسلم البلوزعلى الجيتار , ذاكرة الأصابع لمواقع الجيتار.
جورج النجار:
"الا بكم في اعزف دوت كوم احنا بالدرس السابع من الجزء الثالث من عالم البوب جيتار ، اوك صار عنا موقع اولموقع تاني موقع تالت مع بعض تمرنيات اكيد يعني مش قادر اعمل تخمين دقيق بعد قديش انت تكون واصل هون من درسك الاول يعني شو بدنا نحكي بدك تدرب على السكيل الاولاني لمدة اسبوع كل يوم وكذلك بالنسبة للموقع التاني كمان اسبوع وكمان اسبوع عالتالت يعني احنا ارقام تخمين ويعني بجوز انا مثلا قدرت اسويهم بيومين ما في ايشي بيومين هلأ بدي اخلي اكثر من هيك لا اتوقع مش ضروري اذا انتا اتمرنت بشكل يومي ومسكت كل يوم اكيد مش عشر ساعات اذا انت كنت موضوعي بتمرينك اذا كان في خمس دقايق جدية من السكيل ، وبس السكيل باسترخاء وشوي شوي بدون استعجال بتوقع خلال اسبوع وبجوز اقل بتكون انت مش جاهز للسكيل بتكون انت جاهز تروح عالموقع اللي بعده طيب مسكنا المرة الماضية التمرين هاد الصغير اه قبل ما احكي عن الموقع الرابع مسكت التمرين هاد الصغير ( يعزف الاستاذ جورج التمرين ) طيب خلينا نعطي نرفع هالتمرين شوي هسا بدنا نمسك ايقاع ( يعزف الاستاذ جورج التمرين ) وبالمناسبة لو انا بدي اعزف الحكي هادا بدون بيك الجيتار اللي انا عزفتو رح يطلع ( يعزف الاستاذ جورج التمرين )( يقرأ الاستاذ جورج التمرين قراءة ايقاعية ) رايحين نلاحظ انو طلع ايشي شبيه ( يعزف الاستاذ جورج التمرين ) هسا انا ماسك البيك لما بدي اعزف سولو ( يعزف الاستاذ جورج التمرين ) اتقن هاي الحركة ، بعد ما تتقن ( يعزف الاستاذ جورج التمرين ) بعد ما تتقن طبعا ، وابطأ خلينا ابطأ ( يعزف الاستاذ جورج التمرين ) نمسك تمرين شبيه للساوينا بس تلات اوتار او مجموع تلات اوتار مع بعض بس هالمرة رح يختلف شوي لانه الايقاع اختلف والزمن اختلف يدو يكون ( يعزف الاستاذ جورج التمرين ) النوتة قبل الاخير الخامسة بتطول شوي ، يعني ( يعزف الاستاذ جورج التمرين ) الى اخره طبعا ( يعزف الاستاذ جورج التمرين ) شوي شوي ، والموقع التالت اذا حبيتو تروحو عالتالت ببطء ، المبدأ مش قديش انا بقدر اعمل سريع المبدأ هون قديش قادر اعمله صح والموضوع مش بالكثرة يعني اذا قعدت فترة طويلة تشتغل على انه بس يطلع ( يعزف الاستاذ جورج التمرين ) مزبوط برافو اتطلع هاد مزبوط لما هاد يطلع مزبوط كل ايشي بيطلع مزبوط ، لكن اذا حاولت تعمل التمرين كلو ( يعزف الاستاذ جورج التمرين ) ايش هالنغمة والى اخره وهالاشباح اللي بتيجينا وهيك طول الوقت رح يضلو هيك ومش رح يتحسن ورح يكون طوبة اللي احنا بنبني عليه الباقي ، حكينا الموقع الاول ( يعزف الاستاذ جورج التمرين ) الموقع التاني الموقع التالت ( يعزف الاستاذ جورج التمرين ) لاحظ كيف انا عم بستخدم كل موقع عشان اندل عاللي بعده ، ( يعزف الاستاذ جورج التمرين ) الموقع التاني هيك ببدا ( يعزف الاستاذ جورج التمرين ) انا بدي الموقع التالت ) يعزف الاستاذ جورج التمرين ) ونعم هون ببدا الموقع الرابع ( يعزف الاستاذ جورج التمرين )وللي زعلان من موضوع انو بلشنا دايما من الاصبع التاني بدنا نرجع للاصبع الاول هسا ( يعزف الاستاذ جورج التمرين ) والتمرين هو واحد اربعه ( يعزف الاستاذ جورج التمرين ) واحد اربعه ( يعزف الاستاذ جورج التمرين ) واحد تلاته (يعزف الاستاذ جورج التمرين ) واحد تلاته ( يعزف الاستاذ جورج التمرين ) اتنين اربعه ( يعزف الاستاذ جورج التمرين ) واحد اربعه ( يعزف الاستاذ جورج التمرين ) ورجوع ( يعزف الاستاذ جورج التمرين ) او ابطأ من هيك بكتير بجوز ما تخلي الموقع الرابع المفروض الي بيقرا الدرس وبيحاول يعزف الموقع الرابع مو غلط يحضر درس ويتمرن على هدولاك مشان يعرف شو في بس لا والله انا بدي اخد الدروس كلها وكل المواقع بدي اتمرن عليهم مع بعض مش رح تزبط ، حتى اذا انت مشيت بالاول التاني التالت اكيد اكسبت شوية مهارة ، ما تخلي المهارة هاي تخرب عليك وتحاول تعزف بسرعه لا بطأ شوي شوي لانه تنساش لانه لمن بدك تعزف سولو حقيقي اصابعه لما انت بدك تكون على موقع لحالهم بدهم يعرفو جغرافية الموقع ، ويتحركو لانه من كتر ما تمرنت عليه.
هاد هو بس حبيت احكي عن شغله اضافية هون بجوز في ايشي صار اوضح يعني وعدتكم انه موضوع الغريب اللي حكيتو في البداية موضوع المواقع كان لازم اشرحه وقتها ليش ،؟ مش عشانو صعب الواحد يستوعب موضوع المواقع لا بس مشان يدرك اهميتو لما حكينا انه اذا الواحد مش فاهم شو الموضوع مية بالمية ، وبلشنا نشتغل صار واضح شو هو موضوع المواقع وخلص وضحتها بس ، نشوف قديش الانسان اللي بيتفرج على عازف جيتار وهو بيعزف سولو شايف اصابع بتنط من هون لهون ، انما هسا انتو عندك سلاح جديد لانه انت عارف انو اللي قاعد بيعزف بيتعامل بالمواقع ، وهو بالو يكون ( يعزف الاستاذ جورج التمرين ) اللي بيعرف البوزيشنات رح يقول كان بوزيشن اول راح للتاني بعدين للتالت بعدين رجع للتاني بعدين رجع للاول والى اخره الى اخره المرة الجاي بنحكي عن البوزيشن الاخير الخامس ، وبنشوفكم."
