أهمية معرفة بعض نظريات الجيتار , مفهموم مواقع النوتات على الجيتار , نصائح من الأستاذ جورج متعلقة بالنظريات.

جورج النجار:

"اهلا بكم في اعزف دوت كوم هادا الدرس التاني من الجزء التالت من عالم البوب جيتار طيب ، انا بدي اعزف جيتار ماسك الريشة بس هاد الدرس رح يكون مختلف عن الدروس الاخرى لانه مش رح يكون في كثير عزف النظريات ، النظريات يعني احنا ناس بنختلف في ناس بيكيفو ، نظريات، بدي افهم يعني شو الي قاعد بيصير وفي ناس عندهم رؤية شوي مختلفة انه فرجيني بس كيف اعملها وانا بعملها لكن بدون مالواحد يفهم شو الايشي الي قاعد بيحصل معو بيكون في سقف لتعليمه بيكون بيعمل اشياء وبيقلد بس مش فاهم مية بالمية شو الي بيصير والمثال الكلاسيكي الي بيصير عندي في طلاب مرات بيجيوني بيقولو بدنا نتعلم مثلا تابينج او اسلوب بالجيتار كيف بينعمل ، بفرجيهم كيف بينعمل لكن بتطلع النتيجه انهم بيتعلمو الحركات لكن بدون كيف اتطابقو الحركات هاي شو النغمات الي استخدمها صفو الموضوع عقيم المعنى يعني بيكون بدو يتعلم على ايشي زي ، مش موضوع درسنا ما عم نحكي عن التابينج بس نمسك موضوع ( يعزف الاستاذ جورج التمرين ) ومن هالموضيع للي بيعزف عالجيتار الكهربا ورح نحكي عموضوع جيتار الكهربا وعلاقة جيتار الكهربا بالجيتار هاض ، اوك بيتعلم الحركة انو بعزف هيك وبضغط هيك وبعدين بعمل هيك ماشي ، بس اذا هو مش مدرك انو انا بدي اعمل وبدي اعزف ( يعزف الاستاذ جورج التمرين ) هون نغمة ال E وهون ال G ( يعزف الاستاذ جورج التمرين ) وهون ال B ( يعزف الاستاذ جورج التمرين ) او مثلا بدي اعمل حس تاني بدي اعمل هسا E g sharp ( يعزف الاستاذ جورج التمرين ) يعني بيكون الموضوع مش فابل للتطبيق لاني مش عارف شو النغمات الي بحكي فيهم طب نيجي بدنا نحكي شوي بالنظريات عشان ، نحكي شوي بالنظريات الموسيقية وهو نظريات الجيتار كاله ، طبعا رح نفوت بموضوع السلالم الموسيقية بعمق اكبر عشان اوك انا بدي اعزف سولوز بالبيك رايحين نعرف ونتعرف قريبا انو الموضوع هاد كثير بيعتمد عالسلالم الموسيقية لانه ممكن احنا بنشوف عازف بيعزف صول ( يعزف الاستاذ جورج التمرين ) او ايش زي هيك للي ما بيعرف جيتار اول سؤال بيخطر عباله كيف بيعرف وين بدو يحط اصابعه وبيجوز يحكي كيف بهالسرعه بيحرك اصابعه ، لما الواحد يصير يعزف جيتار شوي بيكون بلش يدرك كيف بيوصل للمناطق بسرعه لانهبينقل كوردات بسرعه لكن بيضل اللغز انه وين ؟

دايما بشبها انه هاي زي الغابة انا مش شايف ومش مميز النغمات ، مش مميز ولا ايشي وموضوع انو الواحد بس يحفظ الاماكن ووين بدو يعزف بتوخدك الى مكان ما ما بتقدر تتقدم موسيقيا ، طيب في ايشي بدنا نحكي في انه الجيتار وبيجوز انه كل الات الموسيقية ، احنا بنسميها موضوع المواقع كثير مهم باي اله موسيقية حتى اله نفخ المفاتيح الي الواحد بيكبسها لازم يدرك موضوع المواقع حتى اصابعو يروحو للاماكن المطلوبة باسرع وقت ممكن احنا مفهوم الموقع بالجيتار احنا بنحكي عن الموقع الاول الموقع التاني الموقع التالت ففي جملة مرات بضطر اعيدها كذا مرة للناس ، احنا بنحكي عن الموقع بالجيتار ، الموقع بالجيتار عبارة عن الفريت الخانة الي بيتحكم فيها اصبعي الاول ، الواحد بيفكر في شو يعني طيب انا عندي هسا اربع اصابع بعزف فيهم عالجيتار اذا باي لحظة ماسك الفينجر بورد انا عندي فريت اتنين تلاتة اربعه بتحكم فيهم معناتو هسا لو بدي اعزف النغمة هاي ما بقدر لانه انا مش موجود في احد المواقع الي فيها النغمة هاي لانه انا هون بالموقع وبالمناسبة الاصبع هادا بالموقع التاني لانه الاصبع الاول قاعد بيتحكم بالفريت التاني هون بالموقع الاول بيجوز معظم شغلنا كان بالموقع الاول الموقع التاني الموقع التالت ويعني هادي مش مية بالمية مثلا خلينا نمسك النغمة هاي فانا بسأل الواحد احنا فأني موقع بيقلك احنا بالموقع الرابع لا مش مزبوط بنعمل النغمة موجودة بالخانة الرابعه بس احنا مش بالموقع الرابع احنا بالموقع التاني لانه لو اصبعي الاول عزف لانه لو اصبعي الاول عزف وانا اتعمدت اعملها بالاصبع التاني لو اصبعي الاول عزف كان عزف بالخانة التالتة فأنا بالموقع التالت هون بالموقع الرابع ( يعزف الاستاذ جورج التمرين ) هون انا بالموقع التالت ( يعزف الاستاذ جورج التمرين ) هون بالموقع التاني( يعزف الاستاذ جورج التمرين) وهون بالموقع الاول (يعزف الاستاذ جورج التمرين ) هون نفس النغمة طول الوقت ( يعزف الاستاذ جورج التمرين ) هاد مفهوم المواقع بالجيتار."