يتابع الأستاذ جورج الحديث عن السلالم و يتكلم عن طرق سهلة للقفز الى النغمات البعيدة بالسلم على الجيتار , .و مراجعة لأشكال سلم الماينور الثلاث , Melodic Minor تعريف سلم الماينور اللحني.
جورج النجار:
"اهلا بكم في اعزف دوت كوم احنا بالدرس رقم اتنين وعشرين من الجزء التالت من سلسلة عالم البوب جيتار.
حكينا عن الماينر ناتشورال حكينا عن الماينر هارمونيك قبل ما انكمل خلينا نشوف هالشغلة الصغيرة ، بتتذكرو في البداية العصور لما كانت خماسية واجت السباعية بعدين والسباعية اعطتنا نغمات اضافية احتمالات تعبيرية موسعه لكن في شغلة بطبيعة السلالم انه عادة النقلة من نغمة لنغمة في السلم نفسه عادة بيكون مريح يعني ( يقرأ الاستاذ جورج التمرين قراءة ايقاعية ) ( يعزف الاستاذ جورج التمرين ) لكن انا بكون طالع وانا طالع شوي وشي ما بحس انه في مجهود بين اني اكون هون زس الدرج لاحظ اذا بتحاول تغني ( يعزف الاستاذ جورج التمرين ) في قفزة او نغمة اخرى غير النغمة اللي جاي بعد ال c (يعزف الاستاذ جورج التمرين ) بتحس انه في قفزة السكيل الماينر الهارمونيك اللي في g شارب احنا بنحي عن ال a اكيد وصلنا لدرجه انتو عارفين الي بنحكي في لل a ماينر موجود لاي نغمة اخرى g ماينر وeماينر بس النوت رح تختلف تعمدت انو اضل مركز عال a ماينر لانه بالاصل ما فيها ولا شارب ولا فلات فبيضل الموضوع سهل التعارف اذا اي ايشي تغير طيب ال a ماينر هارمونيك حللنا المشكلة اللي هي مشكلة الكوردات لما بدي انهي لحن معين بدل ما انهي g a الدفشة شوي بمسك بالg a شارب ( يعزف الاستاذ جورج التمرين) سلسة اكثر شوي حلت مشكلة بس ولدت مشكلة جديدة شو هي انه لما بعزف خلينا نحسبها مسافة من ال a لل b الc للe للf ( يعزف الاستاذ جورج التمرين ) كل ايشي بيجنن زي مكان موجود بالماجر لكن هسا لما بدي اروح من الf لل g شارب حاول تمسك ال F من هون ( يعزف الاستاذ جورج التمرين ) هاي Fشارب ( يعزف الاستاذ جورج التمرين) هاي G هاي Gشارب ( يعزف الاستاذ جورج التمرين) قفزة شوفو قديش المسافة بينهم لو بدي اعزف الماجر شوف كيف بيتحرك ( يعزف الاستاذ جورج التمرين) مسافاتهم قريبة انما لما بدك تيجي تحسب لما بدي اعمل هيك ( يعزف الاستاذ جورج التمرين) بيبين انه قريب لما بمسك الF عالوتر وبمسك ال Gشارب عالوتر التاني بس لو تيجي تعزف عنفس الوتر بيبين قديش المسافة كبيرة ( يعزف الاستاذ جورج التمرين ) هاي F هاي G شارب القفزة هاي مش سهلة للغنى لانه لما بيعزف ال F وبيجي فجأه بده يقفز لل Gشارب مش بس مش سهلة بتبين كمان كانها ايشي مفصول كانه بيعزف سولو من من الA للF جاية بالتدريج فجأة في عندك بسطة من ال Fلل Gشارب شوي طويلة وكانها ايشي بالموسيقى منفصل مرات مش هاد الحكي مطلوب بالموسيقى لانه مرات بدي يا ريت لو انو الموضوع فن كله قطعه موسيقية واحدة وهاي شكلها بيكون الموضوع البسيط لكن حكينا بالسابق فن هاد الفنانين بيحاولو دايما يعملو اشياء جديدة فبتطلع معهم احتمالات كثيرة كيف حلو مشكلة القفزة هاي انا عندي من ال F لل G شارب قفزة كبيرة بس لاحظ انه بين ال E وال F في عندي نص طيب اذا ال F اذا برفعو نص درجه قربنا شوي صفى الموضوع هون من ال E للF صفى نص درجه من ال G شارب لل A عندي كمان نص درجه وفي عندي فجوة هون انا بقرب الF بخلي Fشارب صار عندي مسافات معقولة هون درجه وهون درجه برجع لبعض المبادئ اللي بنينا في الماجر بيكونو النغمات قريبة من بعض يعني بيصفي عندي السكيل كالاتي ( يعزف الاستاذ جورج التمرين ) حلو فعلا يعني حتى اعطو اسم اكيد انتو صرتو مدركين انه اه نعم هاض النوع التالت والو اسم عنا ال A ماينر ناتشورال ( يعزف الاستاذ جورج التمرين )الA ماينر هارمونيك ( يعزف الاستاذ جورج التمرين )وال A ماينر ميلوديك ( يعزف الاستاذ جورج التمرين ) الي بيسمو مسلوديك يعني اللحني لانه مستخدم كثير بالالحان وحلو سلس ما بتحس انو في قفزات بتحس انه بيفوت السكيل الماينر وانهاه بطريقة حلوة لكن صدق او لا تصدق انه هالحكي حل مشكلة وكمان مرة ولد مشكلة جديدة شو المشكلة الجديدة اللي صارت عنا طيب هون معلوماتنا بالماجر رح تفيدنا احنا لما نطلع سكيل عشان نفهم المشكلة ضروري هسا يكون عنا مكتوب سكيل ال A ماجر طب مانت عم تحكي عن الماينر اوك بس احنا بدنا نستضيف الماجر وبدنا نحطو قدامنا عشان نتطلع عليه بيطلع A B CSHARP D E FSHARP GSHARP A ويا ريت لو يكون الكوردات هدول الاربعه مكتوبين ال A ماجر A ماينر ناتورال و ميلوديك وهارمونيك قارن بينهم رح تلاحظ انه التسلسل انه لو مسكنا النتشورال رفعنا النوتة السابعه بدل G صارت Gشارب وبعدين مسكنا النوتة السادسة عشان نجعل الموضوع اجمل شوي مسكنا الF وحولناها F شارب فعليا احنا ماسكين ذنبة ماسكين احر السكيل وبنحوله لنهاية ماجر اذا لاحظتو هم اخر اربع نوتات هون واذا عالسكيل كلو صفى شو الفرق بين ال A ماينر الميلوديك والماجر هي النغمة التالتة C صفى عندك اذا انت بتعزف السكيل نفسه اذا بتعمل ال C على D ناتشورال صفى السكيل A ماينر ميلوديك خليها شارب صارت A ماجر.
