يتحدث الاستاذ جورج عن تجزئة الأغنية لإتقانها بشكل صحيح, و يكمل توضيح الأهمية و الفائدة من التدريب مع .أغنية مسجلة.
جورج النجار:
"اوك خلينا نخش شوي بمتاهات الفلسفة هون بجوز اكثر مهنتين بيخدعو الواحد هم الموسيقى والطبخ لانهم هم شغلتين الكل بيحبهم الكل بيحب الموسيقى والكل بيحب الاكل لكن موضوع انك تشتغل في هو موضوع مختلف لانه هو شغل هون بيبين اللي عنده البيشن للميوزك لانه اللي عندو البيشن للميوزك رح يشتغل وهو ما بيحس انه شغل فموضوع انك تسمع عدة مرات مقطع موسيقي صغير رح يبلش يولد عندك حس انا بقدرش اشرح شو هو اي عازف هيك بيعمل ولقدام شوي رح تتعرف عليه انه لما تسمع درمز شو قاعد بيساوي بيس جيتار شو قاعد بيساوي جيتار شو قاعد بيساوي بتبلش تسمع تفاصيل ما كنت تسمعها بالموسيقى اول يعني مش بس عزفك بيصير افضل ومتعتك لاستماع الموسيقى خلينا نسميها بيصير عندك بعد نظر او سمع هون اعمق بالموسيقى فاذا كان شفت حالك قضيت عشر دقايق ربع ساعه بس على مقطع ( يعزف الاستاذ جورج التمرين ).
رح تكتشف انو صار عزفك صلب مزبوط مستحيل تخطأ ومتى ما بدهم يخشو بيتلز وكانك عازف معهم مليون مرة وهلم جرا المقاطع ( يعزف الاستاذ جورج التمرين ) بدينا نوصل لهون ممتاز بعيدها كذا مرة هون الشغله الثانية مهمة جدا بدناش نعمل سياسة انو كل ما بدي احط الطوبة الخامسة لازم احط الاولى التانية تالتة رابعه خامسة لا هون اللي قاعدين بنشتغله مش ضروري نعمل هيك الي صرنا واصلينو انه نفرض اليوم اشتغلت هيك بكرة بدي اضيف شوي وانا قاعد بشتغل ( يعزف الاستاذ جورج التمرين )ماشي بعدي بالمقطع التاني بعدين نفس الشي مش ضروري عبين ما توصل للمقطع هادا انو كل مرة تبدا من اول لانه اذا انت متمكن من اول مزبوط مو غلط كل مرة تساويها بس صفى الموضوع تضييع وقت وبالحقيقة خلينا نرجع شوي لورا احنا حكينا بدنا نقضي شوية وقت لبين ما نتأكد من كل شغلنا صح ( يعزف الاستاذ جورج التمرين ) هاي فيك تعتبرها خشة اخرى فيك تعتبرها خلي الاولاني يمشي تا تيرا ريرا تا انك تخش معهم من هون ( يعزف الاستاذ جورج التمرين ) بنسوي بس ( يعزف الاستاذ جورج التمرين )قادر تسوي انت لانه هاي كل التمارين ممتازة جدا لانه احنا عازفين معروف عازف اي اله موسيقية مرات في لحن معين مطلوب انه نشتغل كثير كثير شغل ومرات احنا عارفين جمال اغنية معينة عشان بنص الاغنية وباخر الاغنية في نوتة بتجنن ( يعزف الاستاذ جورج التمرين ) وهاي بجوز تكون اهم ايشي العازف سواه فمش دايما الموضوع بالكثرةفاحنا بنحكي لموضوع نمسك شقفة شقفة اذا انت جزأتها لعشرة عشرين زي ما بترتاح انت وقادر تمسك كل جزء لحالو وتتمرن عليه لحال لانه اذا انا متقن ( يعزف الاستاذ جورج التمرين) ماعندي مشكله في بعدين خلينا نخش اللي بعده ( يعزف الاستاذ جورج التمرين ) بعيد كمان مرة المسجل ( يعزف الاستاذ جورج التمرين).
بجوز اول مرة ميطلعش معك هيك بجوز بتلاحظ حالك انو لما تيجي تعمل ( يعزف الاستاذ جورج التمرين ) هون مش قادر تعمله مع المسجل هون في واضحه بدك تمرين انسى المسجل وارجع لتمرينك بجوز تتفاجأ بعد عشر دقايق او تاني يوم يكون الموضوع مية بالمية طب خلينا مسكنا وشفنا الشقفة الصغيره هاي ومسكنا الشقفة الصغير هاي ممتاز هسا اترك المسجل واجمعهم التنين مع بعض بيجوز تتفاجأ انو الاول كثيرممتاز عندي والثاني كثير ممتاز عندي معناتو انا جاهز مرات تلزيق الاول والتاني بيكون اصعب من تدريب الاول او التاني لانه هون صار في تركيز وعمل مستمر فمتعبة اكثر بتتفاجأ انك قادر تعزف ( يعزف الاستاذ جورج التمرين ) وتعزف ( يعزف الاستاذ جورج التمرين ) بس الرابط مش مزبوط بيكون عندك فراغ او من المشاكل هاي هون التدريب مع المسجل دوا لكل المشاكل هاي لانه مستحيل لما انت بتعزف بدي افرض مع البيتل صح ( يعزف الاستاذ جورج التمرين )بس هون تاخرت شوي رح تحس انو البيتلز سبقوك نعيدها بجوز اول مرة ما تحس فيها تاني مرة ما تحس فيها تالت مرة ما تحس فيها بس اثق تماما لما تعزف صح رح تكون عارف وحاس انو صح اذا ما كنت عارف وحاس انو صح مش مشكلة اتمرن خمس عشر دقايق وارجعلها يعني الاستثمار بيجوز اغنية وحده بس الاستثمار بيجوز لو اسبوع او اكثر باغنية وحدة كثير كثير بيخدم اي عازف حتى عازف اي اله على مدى بعيد المرة الجاي بدنا نحكي عموضوع كيف بدنا نشتغل بيدون البيتلز بنشوفكم."
