بشكل عملي و معمق, و يتطرق الى السلالم المتعارف عليها, مع اعطاء scaleيعرف الأستاذ جورج النجار ما هو ال . Minor scale و Major scale و يذكر السلالام الاساسية و هي , Blues scale أمثلة من سلم البلوز.

جورج النجار:

"بس اللي بيهمنا بهالموضوع موضوع السكيل.

السكيل عبارة عن مخطط احنا لما نقول شو هو السكيل حكينا انو السكيل مجموعه من النغمات يستخدم بلحن معين طيب اوك يعني في عنا تعريف وهادا حكي كثير بيجنن لو حدا سألك انك تجاوبو انه انا عارف بس هل انت فعلا عارف يعني هاي بداية تعريف الشي فخلينا نتعمق بالموضوع شوي صغيرة حكينا بالسلم معين ببلد معين بكونو الشعوب اختارو انو هاي النغمات لما نسمعهم بنحبهم وكثير بالموسيقى تقليد صارو الشعوب يقلدو بعض فصار انا مرات بحكي عن السكيل المقام مع انو بيختلف شوي بس خلينا نبسط الامور ونعتبر السكيل السلم كانه المقام لانه المقام مستخدم اكثر بالموسيقى الشرقية والشعوب انتخبت السلالم اللي احنا بنحبهم لكن فعليا السلم مش ايشي ثابت احنا حكيا انو بلوز ان Aبس عشان اعطيكم فكرة خلينا نسمع هاي .هاي بلوز هاي الموقع الاول ( يعزف الاستاذ جورج التمرين ) طيب ( يعزف الاستاذ جورج التمرين) لاحظتو انو عزفت النغمة هون بالنص يعني اللي بيسمع بيقول هاي بلوز وضفنا عليه ايشي اه هون مشكلتنا زي ما بمثل القديم قبل اربعتلاف سنة بقدر اتخيل انه اه اسمعت النغمة هاي خليني اضيفها لعزفي موضوع جميل صار هاد يقلد هاد فنولد مفهوم السلم السباعي فينا نضيف اكثر من هيك ( يعزف الاستاذ جورج التمرين ) والى اخره قاعد بضيف كثير نغمات هون مش موجودة واحنا هون يا دوب اطلعنا من البلوز سكيل وقاعده بتزيد الشغلات هاي طب كيف انا بحكي الحكي هاض مش عشان اجي عموضوع صعب عشان اوصل فكرة انه السكيل عبارة عن مخطط اللي هو البلو برينت للبيت بجوز انا لو بدي اصنع بيوت بعالم ثاني وبحب استخدمه بمكان معين بقول اوك يا عم هاي مطبخ بحجم كذا وغرفتين بحجم كذا عشان تناسب العائلات اللي رح تسكن بهالمنطقة المخطط مش انه ثابت بس بجوز طب اوك بدل ما نحط باب المطبخ هون بنحط هون او خلينا تغيير شوي بالموضوع لا يعني انه البيت اختلف كليا كان شكل صار شكل تاني التغيير البسيط ما بغير من ثيمة البيت فاذا انت اعتبرت انو السكيلز عبارة عن قالب هو قالب جاهز الشعوب عملو من الاف السنين عشان تستخدمو وفيك تجدد كليا عن الحكي هاض ولما توصل لدرجه موسيقية قول انا بدي الغي موضوع السكيلز واعمل موسيقى خاصة فيي في امور مختلفة وفي ناس مشاهير حاولو يساوو هيك ومرات بتسمع موسيقات غريبة شوي اثق تماما انه احتمال كبير انه مؤلف هاي الموسيقى حاول يهمل موضوع انه يستخدم سلم معترف عليه وعمل ايشي جديد رح تسمع ايشي غريب وممكن يطلع كثير حلو بس احنا اللي بيهمنا انو نفس الحكي اللي بنحكي انه انت تعمل سلم موسيقي يعني لو بدي امسك هسا ( يعزف الاستاذ جورج التمرين ) خلص هاي السلم مش كثير جميل هو بدي اعتبره سلم جديد وبدي ابني موسيقى جديدة عليه بس احنا خلينا نحكي عن السلالم المتعارف عليها ، كان في بتاريخ البشرية سلالم كثير عملوها بس كثرة السلالم عملت مشكلة لانه انا بدي اشتغل بسلم البلوز بس خلينا نعتبر انه انا بدي اشتغل بسلم البلوز بس بدي اضيف نغمة زيها بدي اعمل ( يعزف الاستاذ جورج التمرين) اوك هاي بدي اسمي بلوز الكذا ففي نوع اخر بلوز هسا بدي اضيفلو نغمة ) يعزف الاستاذ جورج التمرين) وهاضا بدي اسمي بلوز الكذا وهيك بيصير عندي كثير تسميات لكن كلهم من ضمن اطار البلوز يعني لما بدي اسمي باسم واحد واقول في تغيير هيك وفي تغيير هيك وفي هيك كثير ابسط من اسمي هاد الشي (يعزف الاستاذ جوجر التمرين ) وهادا ( يعزف الاستاذ جورج التمرين ) سكيل اخر ( يعزف الاستاذ جورج التمرين) سكيل اخر هون صار في قديما كان هيك كل الشعوب وفي ناس بتقلك مثلا احنا موسيقتنى موسيقى عربية او بالغناء العربي خلينا نحكي لانه احنا في عنا ستمية وايشي مقام اللي هو نعتبره السلم وهو تركيبات مختلفة كيف الواحد ممكن يعمل النوت ، الاوروبيين عشان موسيقتهم كانت صار عندهم هارموني اضطرو يبسطو الموضوع هاض صارت تتقلص تتقلص تتقلص وهسا صفى عندهم سكيلين بيسموهم ماجر وماينر هل معنى هاض انو ما عندهم غير اسلوبين يعملو فيهم موسيقى ؟ لا ما حكينا هيك لانو بالاصل حكينا انو هدول عبارة عن قوالب يعني عندهم قالبين وبيصير في كثير تغيرات تقلقوش لانه التغيرات بجوز ما اجيب سيرتهم وبجوز امر عليهم مرور الكرام بس بيهمنا جدا الاساسي ايش هو الماجر وايش هو الماينر لانه الهارموني الاوروبي بيقول احنا بنستخدمو بموسيقتنى كلو مبني عليه لما يكون عندي فكرة انه كيف شو هم السلالم هدول مع البلوز صار عنا قوة كافية انه اي موسيقى بوب انك تفهمها وان شالله بنفوت بالتفاصيل الدرس الجاي."