تمرين لحركة الريشة على الجيتار , تمرينات لمجموعات الأصابع , الأصبعين الأول و الثاني لعزف السولو , تمرين للأصبعين الأول و الثالث لعزف السولو , الأصبعين الثاني و الثالث , الثالث و الرابع , الأول و الرابع و العكس , نصائح من الأستاذ جورج في استخدام الأصابع و الريشة في عزف الجيتار.
جورج النجار:
"فبنقدر نفكر بالاصابع كمجموعات خنمسك هدول التنين اول ايشي ، الاول والتاني ونعمل التمرين هادا ، تمرين جدا بسيط ، ( يعزف الاستاذ جورج التمرين) وبرجع ( يعزف الاستاذ جورج التمرين ) في البداية الواحد بيكون شاد على ايدو كثير عشان بدو يدقق بالزبط الايشي ، اول مرة تنتين تلاتة بس الغاية من التمارين مش السرعه ، الغاية انو الواحد يمسك ، الريشة ، مش ضروري يشد عالريشة كثير ، عادي يعني لو انا قاعد بعزف ( يعزف الاستاذ جورج التمرين ) لو بدي اشد الريشة من ايدي سحبتها بسهولة .
مش ضروري الواحد يشد كثير عليها ، المبدأ الاساسي بالعزف الاستارخاء ، يعني حتى الاصابع الي هون بضغط ، ما بيكون هيك ماسك الجيتار ، اذا اوك ، لاحظ انا كنت اعزف هون دايما الاصبع الاول بعدين التاني ، حتى وانا طالع كنت اول تاني ( يعزف الاستاذ جورج التمرين ) اول تاني ( يعزف الاستاذ جورج التمرين ) بعدين فيك تقلب الموضوع ، تاني اول تاني اول ( يعزف الاستاذ جورج التمرين ) تاني اول تاني اول ( يعزف الاستاذ جورج التمرين )رح تحس انو كثير بيختلفو انو حركة الريشة ، اذا بتتمرن كثير عتمارين الاول انك تعزف الاصبع الاول ، دماغك بيتعود انو بالاصبع الاول الريشة بتكون نازلة ، لما بحط الاصبع التاني بتطلع ، مع لما تعيدها كذا مرة ( يعزف الاستاذ جورج التمرين ) رح تتعود عالحكي هادا ، لما اذذا عدتها مرة ثنتين عشرة انتو صرتو واصلين مستوى ثالث وبتعرفو انه الامور ما بتيجي من مرة وحده ولا مرتين ولما تحاول تعملها بالعكس رح تشوف انو في ايشي اختلف ، ( يعزف الاستاذ جورج التمرين ) لما بتعمل الايشي هادا بالاصبعين هدول ، جربو هسا الاول والتالت ( يعزف الاستاذ جورج التمرين ) نفس النظام مبدأ عصفورين بحجر يعني انا كسبان ، تدريب حركة الريشة هون هون بلشت تتحكم بالحركة الي بدك اياها فوق وتحت وبرضو بموضوع الاصابع كذلك الامر تتمرن تالت اول تالت اول هاي المجموعة الثانية صارت يعني لما بدي افكر بالاصبع الاول مع التاني في عندي مجموعة الاولى واحد اتنين واحد اتنين وفي عندي المجموعة التانية تنين واحد تنين واحد بعدين نفس الشي الامر للاول والتالت واحد تلات واحد تلات بعدين تلات واحد تلات واحد هاي اربع مجموعات عندي اول اربعه اول اربعه راح تكون صعبة شوي صغير ةكثير ناس ما بتحب تشتغل بالاصبع الرابع ضروري يعني بدنا نعمل شغلة من يوم ليوم زي ( يعزف الاستاذ جورج التمرين ) ضروري انو يكون كل الاصابع حكينا ست مجموعات بعدين في عنا لسا ايشي انكد ، حكينا في عندك اتنين تلاتة اتنين تلاتة اتنين تلاتة تلاتة اتنين صارو تمانية عندك اتنين اربعه اتنين اربعه صارو عشرة وعندك تلاتة اربعه تلاته اربعه صارو اطنعش وكل واحد بدك تعكس يعني اطنعشر تمرين مختلف اذا قدرت بمرحلة البداية كل يوم لفترة تعمل اطنعش مرة واحده يعني حسب الوقت الي موجود عند الشخص مرات الواحد بيكون معندوش الا ربع ساعه بدو يتمرن فيها ، اوك وقت كافي الواحد يتمرن عالحكي هادا خلال ايام قليلة رح تبلش تلاحظ انه الحس بالاصابع للجيتار اختلف كلمة اخيرة هون لما يكون العزف بالاصبع الاول والتالت مثلا او اتنين والرابع واحد واربعه حاول ما تعمل هيك ، هاي الاول ( يعزف الاستاذ جورج التمرين) وتحرك كل ايدك للرابع ( يعزف الاستاذ جورج التمرين ) واتحرك ايدك للاول ( يعزف الاستاذ جورج التمرين ) ماشي اذا في البداية الواحد ميتغلب من الموضوع مو غلط بس باسرع وقت ممكن يحاول تفرد اصابعك والمبدأ هون ( يعزف الاستاذ جورج التمرين ) انو الواحد يقلل حركة اليد ( يعزف الاستاذ جورج التمرين ) نلاحظ انو ايدي فعليا ما تحركت ( يعزف الاستاذ جورج التمرين ) لانو هادا حكي رح يقيد السرعه مستقبلا انما ( يعزف الاستاذ جورج التمرين ) وبنشوفكم في الدرس التاني."
