نصائح عن التمرن على السلالم , الانتقال بسلم البلوز الى الموقع الثاني للسلم على الجيتار , طريقة الانتقال من الموقع الأول للسلم و الموقع الثاني لنفس السلم.

جورج النجار:

"اهلا بكم في اعزف دوت كوم انا جورج النجار واحنا بالدرس الخامس من الجزء التالت من البوب جيتار اوك حكينا المرة الماضية عن الموقع الاول من البلوزان F واذا بتذكر صح ذكرت كم مرة انو قضي وقت معه لا تستعجل خليني اعيدها كمان مرة شوف قديش مهمة من الدرس الماضي بدي اعيدو كمان مرة خلي الموضوع ياخد وقتو لانه الانسان بيكون مستعجل هاي مهمة وبدو يخلصها هاي امور ما بتنطبخ بسرعه ففي ناس بتفكر انه انا بدي اشوف المواقع الاخرى لانه اذا انا بدي اعزف تمام بدي لازم اعزف على كل الجيتار نظرية بس خليني اشوف الموقع الاول لحاله الي حكينا في ( يعزف الاستاذ جورج التمرين ) نشوف شو ممكن الواحد يعمل في نفرض هون في اغنية ( يعزف الاستاذ جورج التمرين ) نشوف اذا انا حافظ نغماتها مستقبلا شو ممكن مش هسا اذا حافظ النغمات وبتعزفها انه ممكن تعزف نفس الشي الي رح اسوي هسا لكن هديك الخطة مطلوبة بجوز حكينا الحكي هادا في بداية الدروس انك تمر عالسكيل لا يعني انه خلص انا بعرف سولوز لكن هي خطة ضرورية ( يعزف الاستاذ جورج التمرين ) سولو صغير هادا بس عالموقع الاول لو انا ما بعرف ولا ايشي عن باقي الجيتار وفي اغنية وبدي اعزف سولو معين انا بكتفي بالموقع الاول وما في مشكلة طيب نحكي شوي عن الموقع التاني اوك هاي الموقع الاول انا رح اوصل اخر ايشي هون لل AFLAT ( يعزف الاستاذ جورج التمرين ) اخر نغمة واذا انا بدي اعزف الا A F AFLAT BFLAT C EFLAT الي هم نغمات هاي السكيل هون انا بدي اعرف هدول وين بيجو و واكيد السياسة مش رح تكون انو انا وصلت هون فبضل ماشي هيك ، اكيد هو مش هيك برغم انه طلع السلم بس السياسة كليا بتختلف تقريبا بتيجي كالاتي اصابعي الاربعه موجودين هون وانا بدي اعزف النغمات هدول يعني اذا بدي اعزف نغمات غير. 

لازم اجيب اصابعي لفوق يعني افوت عالموقع الاول بالجيتار وبيصادف يمكن انه الموقع الاول للبلوز سكيل فبروح عالموقع التاني ، بالجيتار بس الموقع التاني بالجيتار ما بيفيدني كتير بالحقيقة يعني اوك يعني هون بدل ما اعزف بالاصبع الرابع هاي النغمات الي اقصى اليمين في خليني اشوف النغمات الي اقصى اليمين بالبلوز هيو عاليمين ( يعزف الاستاذ جورج التمرين ) اقصى اليمين بدل ما اعزفهم بالاصبع الرابع والتالت بصير اعزفهم بالتاني ولسا ما كسبت كثير نغمات لهناك طيب واذا عملت هيك صار اختلف الحكي هاي صارت اول نغمة تحت سيطرتي جديدة ( يعزف الاستاذ جورج التمرين ) ال BFLAT هادا ما كنت قادر اطولها وانا عالموقع التاني ( يعزف الاستاذ جورج التمرين ) طيب اذاذ بدي اعزف النغمة والي قبلها كانت النغمة الي على اقصى اليمين بالموقع الاول مش بننهي هيك ( يعزف الاستاذ جورج التمرين ) هاي اللي كان على اقصى اليمين من هون ، بس اذا بكسب هاي النغمة الجديدة وبصير انا بالموقع التالت بالجيتار ، لكن هو فعليا الموقع التاني بالسكيل واذا شفت هاد معقد انسى اللي حكينا انا بالموقع التالت بالجيتار بس ضروري تعرف انك بالموقع التاني بالسكيل لانه السكيل هسا صفا ( يعزف الاستاذ جورج التمرين ) اذا بدك تكمل النغمات بيجوز بيتهيألك انك بدك تروح هيك (يعزف الاستاذ جورج التمرين ) وممكن ممكن جدا بعمل ( يعزف الاستاذ جورج التمرين ) بس بالحقيقية لا هو هيك ( يعزف الاستاذ جورج التمرين ) بس انت كنت بالموقع رح رجعت للموقع الاول بس عشان افرجيك كيف التكملة بس حاليا بدناننسى موضوع كيف كنت اعزف بالموقع الاول ، نهتم بالموقع التاني ونبدا من فوق نبدا من ال aflat من الاصبع التاني ( يعزف الاستاذ جورج التمرين ) بعدين bflat بالاصبع الرابع ال c بالاصبع الاول ( يعزف الاستاذ جورج التمرين ) الEFLA بالاصبع الرابع f وهون نحكي بارقام وانا بجيب سيرة النغمات عشان احكيلكم قديش اسامي النغمات مهمة هي حاليا مش مهمة عشان تعزف الحكي هاد وهون خدعه وفي بعض طلبه بيكون واصلين شوط وبيعزفو اغاني وبيعزفو سولوز فباجي بسألهم احنا بنعزف جيتار ضروري اكون عارف اسامي النغمات عشان اعزف جيتار و الاكثرية بيحكو لانه خيك تجربتهم لانهم عزفو بدون ما يهتمو بالموضوع او بدون ما يحتاجو للموضوع بس لكيد لمن بدك تتقدم بالموضوع يعني احنا بلشنا نوصل هديك المراحل لهيك بحضر كثير لتتعرف عالنغمات وشوي شوي مش ضروري تحفظهم كلهم ، لكن لو كل جلسة بدك تتمرن تهتم بنغمة من النغمات هدول رح يصير الحكي هاد مئات المرات لو كل مرة تهتم بنغمة بتصير اخر ايشي حافظ جزء كويس منهم."