تأكيد على التدريب المستمر لما ذكر مسبقاً, شرح النغمات المرورية و النغمات المعلقة في الموسيقى , يوضح الأستاذ جورج ماهية النغمات المرورية التي هي من خارج الكورد و علاقة ذلك بالتجريب بالتأليف على الجيتار.
جورج النجار:
"اهلا بكم في اعزف دوت كوم هادا الدرس رقم اطنعش من الجزء التالت من عالم البوب جيتار.
ماشي حكينا عن علاقة الميلودي او اللحن بالهارموني او الكوردز فلما احكي هارموني بقصد فيها الكوردز ولما احكي ميلودي بقصد اللحن نغمات على حده ماشي هسا المرة الماضية اعطينا مقدمة للموضوع اذا بعزف على كورد معين ( يعزف الاستاذ جورج التمرين ) النغمة اللي بتكون شغالة بهاي الاثناء بتكون من الكورد ( يعزف الاستاذ جورج التمرين ) و اذا جربت التجارب اللي حكينا فيهم مش شرزف انت تألفو نغمات موسيقية امسكو نغمات من الكورد ، كوردين تلاتة اربعه تمارين هادا مش شرط انو خلص خلصنا منهم انو ما تسوو بعد هيك لا استمرو حتى بسلسلات بجوز اطول من هيك في ناس بتحط مهمة انو بدي اعزف اربع كوردات وبدي احاول اعمل ايشي مناسب بنغمة من نغمات الكورد يعني متعدد الفايدة هاي لانك بتحفظ مع الايام نغمات الكوردات لاني هيك حفظتهم طيب لكن دقيقة بالاغنية لما بيكون عندي كورد ( يعزف الاستاذ جورج التمرين ) لما بيكون عندي اغنية فلانية انا اسمعتها او شفت التابس او شفت الهادا لا كان في نغمات اخرى نعم مثلا بال C ماجور كان موجود ال C وكان موجود ال E ( يعزف الاستاذ جورج التمرين ) وكان موجود ال g كمان وعدة اصوات بس مش هدول الوحيدين اللي كانو موجودين يعني كان في ال d هايها ( يعزف الاستاذ جورج التمرين ) كان في d وال d ما كان بشع كان حلو هاي النغمات اللي ما بتكون موجودة اصلا بالكورد الها اسم احنا بنسميها نغمات مرورية يعني فكر فيها احنا c ( يعزف الاستاذ جورج التمرين ) جرب فيها احنا خلينا نجرب ال d ( يعزف الاستاذ جورج التمرين ) بتحس انو ال d هاي مش مستقرة يعني زي وكانه في ايشي بيشد الواحد انو افرض انو النهاية والنهاية قصدي اغنية ( يعزف الاستاذ جورج التمرين ) بتحس الc رايحه بس ال d علقت وهاي اصلا اسمها بالموسيقى التعليقة ( يعزف الاستاذ جورج التمرين ) وبرضو ال E مريحه (يعزف الاستاذ ورج التمرين ) خلينا نشوف ال G اذا بتزبط ( يعزف الاستاذ جورج التمرين ) برضو سواءا C E G بعطوني شعور انو انتهى شعور بالاستقرار انو موضوع جميل جايين مع بعض فالموضوعين هدول مع اني اجلت موضوع النوتات لما دخلت بالدرس هاد لانه الدرس اللي قبلو كان شوي وهيك الدروس بنمسك احيانا موضوع بيبين بالاول انو غريب وصعب لما تمشي في بتشوفو كثير منطقي وسهل طيب خلصنا من اللغز الاول انما لو في كورد شغال.( يعزف الاستاذ جورج التمرين ) انا عارف شو النغمات خلينا نسمي نغمات رئيسية اللي في لانه نغمات الكورد نفسها موجود كمان نغمات مرور ( يعزف الاستاذ جورج التمرين ) يعني بتمر من خلالها وبتروح بوقت ما على النغمات الرئيسية طبعا هادا بدناش نعتبر انه هاد قاعده لانه هاد فن لانه كل فنان بيسعى يعمل ايشي جديد في فنان ممكن يقلك اذا صفى الواحد هون على نوتة ال D( يعزف الاستاذ جورج التمرين ) قاعد بيعزف الاغنية وايشي لما راح لكورد ال C بدل مابعطيك Cاو Eاعطى D ( يعزف الاستاذ جورج التمرين ) بس ال Dهاي مقصودة لانه ( يعزف الاستاذ جورج التمرين ) بيجيك اخر بيقلك انا بدي اعمل ال D ما بدي اروح ل C بدي انهي الاغنية ( يعزف الاستاذ جورج التمرين ) وانهاها على هيك شي جديد بجوز قبل ميتين سنة ما كان مقبول بس تحدثت الموسيقى واللي بدو يتعمق بالموضوع هاض بدو يشوف تاريخ البلوز والجاز والموسيقى الحديثة كلها موسيقى جميلة بس مش موضوعنا هسا انا حبيت بس اوضح انو موجودين بلاش تفكر انها قواعد مدقوقة حجر احنا بجنا مبدأيا مش قاعدة بدنا دلالة اللي نبلش نشتغل بعدين بنشوف الحالات الشاذة اوك بيضل سؤال معلق انو نروح على كورد ثاني كيف بيصير الموضوع ( يعزف الاستاذ جورج التمرين ) برضو الكورد الاخر في نوتات مرور ( يعزف الاستاذ جورج التمرين ) كثير في نغمات مرور ( يعزف الاستاذ جورج التمرين ) هاي النغمة E من ضمن ال G بس استقرت على D ( يعزف الاستاذ جورج التمرين ) هاي الموضوع اللي حكينا في قبل شوي."
