نصائح من خبرة الأستاذ جورج عن كيفية التطور الصحيح في العزف, أخطاء في تجارب سابقة لعازفين الجيتار , كيفية الاستفادة من السلالم في عزف الجيتار , أمور بسيطة و مهمة , تعريف للسلالم من ناحية التأليف الموسيقي و علاقتها بالشعوب المختلفة.
جورج النجار:
"اهلا بكم في اعزف دوت كوم احنا بالدرس التالت من الجزء التالت من رحلتنا في عالم البوب جيتار حكينا بالدرس الاول عن البيك بشكل عام وشفنا شوية تمرينات الدرس التاني درس نظري جدا نظري كلو حكي عن المواقع وبرضو الدرس الثالث برضو شوي نظري مش عشان المواقع وخلينا نوضح هلأ ليش رح نحتاج الاشياء الي شفناها بالدرس التاني واذا عندك اي مشكلة بالكلام الي بدنا نحكي بالدرس هادا ارجع للدرس هداك واسمعو كمان مرة ولا تخافو لاني لما ابلش بالموضوع بشكل عملي رح يكون كل ايشي واضح جدا طيب السلالم نبلش نحكي عن السلالم الموسيقية خلينا نحكي شوي قبل مانحكي عن العالم الجميل الواحد بيعزف وكب ايشي ماشي صح خلينا نحكي عن التجارب الي بتصير مع كثير عازفين جيتار ، بعزف عالجيتار وبعزف كورداتي واشياء كتير حلوة بدي اعزف زي الناس المحترفين بدي اعمل سولوز وبدي اعمل اشياء فمش دايما بيكون الواحد محظوظ وباخد الاتاجاه الصح بهادا الموضوع بجوز مسكت كتاب موسيقى ولازم اتمرن على سكيلز سلالمبجوز انا بسأل عازف شو في ايشي كويس بالجيتار وبيخليني اتقوى سكيلز بيحكيلك سكيلز فبجوز اذا في واحد حضر لعند الدرس التاني الي حكينا في قبل شوي عن السكيلز او سكيلز ميجر وكيف بنمسلك السكيلز الماجور وبنضل نتمرن ( يعزف الاستاذ جورج التمرين ) ومارس سنة وبيضل يستمر وصار اسرع من هيك بكثير بس عزفو متحسنش ومتعلمش ، طب كيف يعني ولاحظ انو مفيش رابط طب كيف انا لما اتعلم الحكي هاض بسوي هيك طب سويت هيك وافرض اني بسوي الحكي هاض اسرع من هيك بمية مرة هادا كيف بدو يحسن عزفي هو حكي كتب مش انو حكي مش مزبوط اومتل ما بحكولك بعض العازفين اتمرن عالسكيل مش مزبوط ، لا هو جدا مزبوط وانا من الناس الي بأيد الحكي هادا اتمرن على السكيلز لكن مش بس السكيلز في امورثانية رح نتعرف عليها ، وبيجوز انا بالدروس هاي حكيتها بالعكس بدل ما احكيليك تمرن بلشت بالدرس الماضي وبالدرس هاضا بدي احكي عن ايش الي بيصير في عدة قضايا هون هي قضايا بسيطة بس الواحد اذا ما بيعرفها ، بيصير عنده نوع من العقدة انو ليش مش زابط هالموضوع معي.
بدنا نحكي شوي شو السلم الموسيقي بالاصل ، السلم الموسيقي هو عبارة عن مجموعة من النغمات ، مختارة عشان نعمل فيها قطعه موسيقية معينة ، المقارنة بحب اعطيها لو بدك ترسم لوحه فيها بجوز السما شوي هيك وجاي عبارلة شوية اشياء بجوز مش كثير رح تحتاج اللون الاحمر الا اذا كانت الشمس شوي على غروب بجوز مش رح تستخدم كثير زهري بس اكيد رح تحتاج بني للارض اخضر للشجر ازرق للسما اصفر للشمس فالالوان الي نقيتها عشان اعمل لوحه بدك تشبها بالنغمات الي بختارها مشان اعمل قطعه موسيقية بس المؤلف مش مية بالمية بتعامل هيك انو مش بس بدي اختار الالوان او شو النغمات الي بدي اعمل فيها قطعه موسيقية بدنا نعتبر انو في بعض النغمات مختارة وجاهزة اختاروها زي منحكي الشعوب انها تكون هاي النغمات كويس نعمل فيها موسيقى بجوز هاي بتصير اكثر تشبيه الاحرف ، عنا مثلا في اللغة العربية حرف العين لغة الضاد غين طا هدول مثلا مش موجودين بدول كثيرة بالمقابل بالبرازيل عندهم فيه بي ياه ميه احرف مش موجودة باللغة العربية مش انه الاحرف هدول اصح من هدول هدول كلهم اصوات الانسان قادر ينفذها ، فالشعوب بجوز تكون بطريقة عشوائية وهيك بنكون خشينا غلط ، بس لسبب ما هاي الاصوات استخدموهم قبل الاف السنين وصارت هاي الاصوات هي الادوات الي بيكونو فيها الكلمات والموسيقى نفس الشي في شعوب مختلفة نمسك مثلا ( يعزف الاستاذ جورج التمرين ) دايما بعطي مثال للشباب بقلهم الموسيقى هاي ايش فكلهم بيحكو صيني ، طب ليش ؟ حتى الجيتار بجوز الواحد بيستغرب ، اكيد البعض منكم مضطلع على موضوع السكيلات معروفة انه بنمسك اي واحد بيكون ( يعزف الاستاذ جورج التمرين ) هاي موسيقى عربية طب شمعنا هون موضوع السلالم انو هاي النغمات اختاروها مش موضوع نغمة لا هاي المجموعه اختاروها شعوب مختلفة حتى يعملو موسيقتهم."
