في هذا الدرس يتحدث الأستاذ جورج النجار عن شائعات تنتشر بين طلاب الموسيقى تتحدث عن تقنيات على آلة الجيتار تشتت الطالب, و ينبه على التركيز على الأساسيات, و يتطرق للسلالم الخماسية و السباعية و نبذة عن .تاريخها.

جورج النجار:

"اهلا بكم في اعزف دوت كم.

احنا خلصنا هلاء من موضوع ال البلوز مخلصناش بيجوز ما بدينا بس مسكنا اكثر من طرف خيط وهلاء لافين الحبل على ايدينا لانهاكيد يعني موصلناش وما قعدنا فترة طويلة جدا صارلنا اشهر بنعزف كل المواقع واحنا بنعزفهم كلهم باريحية ما اعتقد حدا فيكم اخد شهر او شهرين تيحضر الفيديو عبين ميحضر الفيديوهات لانه في فضول انو شو في بعد هيك لكن تنسوش انو في موضوع حكينا انه رايحين قبل ما اكمل لانه رح احكيلكم كمان سكيلز درسنا هاض رح يكون شوي مختلف عن الاشياء اللي سويناها اول يعني في هالموسيقى الموجودة من ميءات السنين موسيقة باخ كانت حلوة قبل خمسمية سنة وقبل اربعمية وثلاثمية ومازالت حلوة في امور ثابتة ما بتتغير وفي امور طبعا بتتجددلكن احنا بعالمنا اليوم الامراختلف شوي لانه في دعايات كثير الواحد بيسمع اشياء كثير فسهل انه يتوه فبدناش نعمل زي هداك العازف اللي جاب نوت لل خمسمية مؤلف وعندو مكتبة بتجنن بس هو متغلب انه يجمع النوت اكثر من مهو متغلب انهيتمرن لا يعم اعطيني معزوفة تنتين تلاتة مية بالمية اعزفهم صح هون صار الموضوع احسن وانه جمع النوت اي واحد بيجمع انا بقصد انو الواحد بيسمع اشياء كثيرة اللي بيسمع روك اللي بيسمع مو فلان من الناس بيستخدم المودس وفي عنا السويت بيكنج او في يعني تقنيات بطريقة ما ما بعرف في المجلات اذا بتساوي هيك انت عازف جيتار بيجنن والواحد بيبلش يبحث بالمواضيع هاي وهون بتصير المواضيع هاي كثيرة وفي النهاية في اي تقنية من هدول مش انها تقنيات كويسة لا تقنيات قيمة ومش بس متقدمة شوي هي كثير مخصصة لانه الواحد بيقلك فلان بيعزف على مودزطب شو مودس ايشي الو علاقة بالسكيلز طب اذا انا ما بعزف مودز معناتو .. هم نوت انت فكر في المودس هي مش نوت مخفية هون بالجيتار غير الاطنعش اللي احنا بنعرفهم فدروس مهم جدا الواحد يتقيد باشياء معينة يفهمها شو هي مية بالمية اللي هم الاساسيات اه والله انا ما بدي اعزف بلوز ما بدي اعزف ماجرماينر مش ضروري تكون فاهمهم مية بالمية لانه فلان بيعزف مولدز اذا بعزف زيو .. اه في العازف الشهير السريع جدا يوهان ستيف بيحكي في مجلة انا بذكرش اني قرات ولا حدا حكى انو ما بتمرن مستحيل هو بقصد ما بتمرن انه اوك وصلت لمستوى معين ما بتمرن زي اول لكن في اشياء كثيرة في تداعيات كثير واشياء كيف اللي بيحكيلك انو انا في بداياتي كنت اعزف بالاصابع الايدين اسمعت شب بيقول اللي بيعزف بالبيك بيكون محترف انا ما بعرف واتهيألي انه بجوز مزبوط ووقتها مسألتش قديش معلومات هاد الشخص بالجيتار بالمناسبة عمرو ما مسك جيتار بس هو سمع من واحد وحاب يحكي هالكلمة وانا اخدتها معيار ولفترة طويلة جدا كنت اعتقد فعليا انو الي بيعزف بالبيك بيكون معلم فجبت بيك وبلشت اتمرن اوك اتحسنت بس مش معنى اني مسكت البيك صرت معلم لاء فبدنا نحكي اكثر عن السكيلز بدنا ناخد الجزء الاخر من الموضوع اللي حكينا في الي هو انا بحب اسمي السكيلز الاوروبية ، حكينا انه قبل ما نكمل عن السكيلز الاوربية ، السكيل الخماسي اللي حكينا عنو بلوز سكيل ليش بسمي بلوز سكيل وكثير ناس بيحكو السكيل الخماسي لانه في كذا سكيل خماسي هادا مش السكيل الخماسي الوحيد الموجود بس هو بجوز اكثر واحد استخدمو لدرجه في امريكا اخد اسم منفصل لانه هو كان معظم موسيقة البلوز مبنية عليه فسمو سكيل بلوز طيب هسا بجوز عسيرة انه السلالم السباعية بينت فمصر الفرعونية مش درس تاريخ بس مهم الواحد يعرف الشياء هاي كثير ناس بيسألو انه صحيح احنا زمان ما كان في كهربا من امتى صار في كهربا هاض الشخص العادي بس الموسيقى بيقول كيف في سلالم خماسية وسلالم سباعية هاد الحكي طول عمره موجود لا طبعا مع الحضارات اذا بتذكر صح بين قبل ثلاث الاف وايشي سنة يعني لانه مصل كان عندهم سكيلاتهم الخماسية وبابل كان عندهم سكيلاتهم الخماسية وكان في تجارة بينهم بلش هاد ياخد من هاض وهاد ياخد نوت من هون وهاد كان عندو سكيل خماسي بس ضاف نغمة او تنتين كانو بالسكيل هناك يعني خلاصة الكلام صار في سكيل سباعي ، من مصر انتقلت لليونان من اليونان انتقلت لروما روما سموهم طبعا باليونان كانو مسميين السبع نغمات اللي استخدموها حسب احرفهم اخدو الحكي هاض ووزعو على باقي اوروبا ولليوم احنا بنحكي a b c بجوز بعد سقوط روما باربعمية سنة كان في مدرس موسيقى ايطالي سماهم الc سماها دو وصار عنا الاسلوب التاني بالتسمية دو ري مي."